Viral Video: અમેરિકાની ફ્લાઈટમાં એક મહિલા મુસાફરની વિચિત્ર હરકતનો વીડિયો સોશિયલ મીડિયામાં વાયરલ થઈ રહ્યો છે. જેમાં ફ્લાઈટમાં મહિલા પોતાના એક પછી એક કપડા ઉતારીને બૂમાબૂમ કરી મૂકે છે. 25 મિનિટ સુધી મહિલાનો હાઈવૉલ્ટેજ ડ્રામા ચાલ્યો હતો. આખરે પાયલોટે ઈમરજન્સી લેન્ડિંગ કરાવીને પોલીસને સોંપી દીધી હતી.
હકીકતમાં ફૉનિક્સ જતી સાઉથ-વેસ્ટ એરલાઈન્સની ફ્લાઈટ હ્યુસ્ટનના વિલિયમ પી. હૉબી એરપોર્ટ પરથી ટેકઑફ બાદ એરિઝોના તરફ જઈ રહ્યું હતુ. આ ફ્લાઈટમાં મુસાફરી કરતી એક મહિલાનો વીડિયો સામે આવ્યો છે. વીડિયો ક્લિપમાં જોઈ શકાય છે કે, બાળકો સહિત અન્ય મુસાફરો સામે જ આ મહિલા પોતાના એક પછી એક કપડા કાઢીને બૂમો પાડતા-પાડતા કૉકપિટનો દરવાજો જોર-જોરથી ખખડાવી રહી છે.
NEW: Woman takes off all her clothes on a Southwest plane in Houston, demands to be let off.
— Collin Rugg (@CollinRugg) March 7, 2025
The woman reportedly ran around the plane for 25 minutes "before action was taken" according to ABC 7.
After nearly half an hour, the plane finally made it back to the gate before the… pic.twitter.com/U0F0l4HEJJ
ફ્લાઈટમાં મુસાફરી કરી રહેલા અન્ય મુસાફરોએ જણાવ્યું કે, માથાભારે મહિલાએ ફ્લાઈટ એટેન્ડેન્ટને પણ ગાળો ભાંડી હતી. આટલું જ નહીં, તેણે ફ્લાઈટ એટેન્ડેન્ટ અને એર હોસ્ટેસને પોતાની નજરો સામેથી દૂર જતા રહેવા જણાવ્યું હતુ. આ મહિલા નિર્વસ્ત્ર થઈને ફ્લાઈટમાં આંટાફેરા કરતા બૂમો પાડી રહી હતી. તેની માનસિક સ્થિતિ સારી નહતી લાગતી.
આખરે પાયલોટ દ્વારા ફ્લાઈટને પાછી હ્યુસ્ટનના હૉબી એરપોર્ટ પર લેન્ડિંગ કરાવ્યું હતુ. જે બાદ એક કર્મચારી મહિલાને ધાબળાથી ઢાંકીને લઈ ગયો. હાલ મહિલાની અટકાયત કરવામાં આવી છે અને તેને મેડિકલ ટેસ્ટ માટે હ્યુસ્ટનની હોસ્પિટલમાં લઈ જવામાં આવી છે.