TikTok Ban: સરકારે ચીની પ્લેટફોર્મ TikTok ને અનબ્લોક કરવા માટે કોઈ આદેશ જારી કર્યો નથી. કેટલાક લોકોએ તેમના ડેસ્કટોપ બ્રાઉઝર પર TikTok વેબસાઇટ એક્સેસ કર્યા પછી, તેને અનબ્લોક કરવાના અહેવાલો આવવા લાગ્યા. શુક્રવારે મોડી રાત્રે સત્તાવાર સૂત્રોએ જણાવ્યું કે, ભારત સરકારે TikTok ને અનબ્લોક કરવાનો કોઈ આદેશ જારી કર્યો નથી. આવા કોઈપણ નિવેદન કે સમાચાર ખોટા અને ભ્રામક છે.
TikTok, UC બ્રાઉઝર અને Shein સહિત 59 એપ્સ બ્લોક કરાઇ હતી
જૂન 2020 માં પૂર્વી લદ્દાખમાં ગલવાન ખીણમાં ભારતીય અને ચીની સૈનિકો વચ્ચે થયેલી અથડામણ પછી સરકારે બ્લોક કરેલા ઇન્ટરનેટ મીડિયા પ્લેટફોર્મમાં TikTok પણ હતું. શરૂઆતમાં, TikTok, UC બ્રાઉઝર અને Shein સહિત 59 એપ્સ બ્લોક કરવામાં આવી હતી. બાદમાં, સરકારે PUBG સહિત વધુ એપ્સ બ્લોક કરી હતી. સરકારી આદેશ મુજબ, તમામ પ્લેટફોર્મ પર પ્રતિબંધ ચાલુ છે.
2020 થી પ્રતિબંધ
ભારત સરકારે જૂન 2020 માં TikTok અને 58 અન્ય ચાઇનીઝ એપ્લિકેશનો પર પ્રતિબંધ મૂક્યો, ત્યારે કોઈપણ ચેતવણી વિના જાહેરાત કરવામાં આવી. આનાથી અચાનક ભારતના 20 કરોડ સક્રિય TikTok યુઝર્સ પ્લેટફોર્મથી દૂર થઈ ગયા હતા. સરકારે 'ડેટા ગોપનીયતા' અને 'રાષ્ટ્રીય સુરક્ષા જોખમ' નો હવાલો આપીને TikTok ને બ્લોક કરવાનો નિર્ણય લીધો હતો. ત્યારથી, ભારતના સૌથી મોટા બજારોમાંના એકમાં આ એપ્લિકેશન બંધ કરવામાં આવી છે.
ભારત-ચીન સંબંધોમાં તાજેતરના સુધારાથી પાછા ફરવાની અટકળો વધુ બળ મળી રહી છે. આ અઠવાડિયાની શરૂઆતમાં ચીનના વિદેશ પ્રધાન વાંગ યીની નવી દિલ્હીની મુલાકાતમાં વડાપ્રધાન મોદી અને વિદેશ પ્રધાન એસ. જયશંકર સાથેની મુલાકાતોનો સમાવેશ થાય છે. બંને પક્ષોએ "નિખાલસ અને રચનાત્મક" સંવાદના મહત્વ પર ભાર મૂક્યો. આ મહિનાના અંતમાં શાંઘાઈ સહકાર સંગઠન (SCO) સમિટ માટે વડા પ્રધાનની ચીનની મુલાકાત સુધારેલા સંબંધોનો સંકેત હોઈ શકે છે.