Coriander Leaves benefits: શિયાળાની ઋતુમાં કોથમીરના પાનની કોઈ કમી હોતી નથી. સામાન્ય રીતે કોથમીરનો ઉપયોગ શાકમાં સુગંધ માટે જ કરવામાં આવે છે. પરંતુ તેના ઘણા સ્વાસ્થ્ય લાભો પણ છે. હેલ્થ એક્સપર્ટ્સનું કહેવું છે કે, જો તમે કબજિયાતની સમસ્યાથી પરેશાન છો અથવા ડાયાબિટીસથી પીડિત છો તો કોથમીરના પાન તમારા માટે ઉપયોગી થઈ શકે છે.
કોથમીરમાં હોય છે ઘણા પોષક તત્વો
ડાયટ એક્સપર્ટના જણાવ્યા અનુસાર, કોથમીરમાં ઘણા પોષક તત્વો હોય છે. તેમાં વિટામિન સી, વિટામિન કે, એન્ટિઓક્સિડન્ટ્સ, ફોલેટ, બીટા કેરોટીન વગેરે હોય છે. કોથમીરના પાનમાં ખૂબ ઓછી ચરબી જોવા મળે છે, તેથી તે વજનને સંતુલિત પણ કરે છે.
કોથમીરના પાનમાં શું-શું જોવા મળે છે
વાસ્તવમાં લીલી કોથમીરના પાન તમને ઘણી બીમારીઓથી બચાવવામાં મદદ કરે છે. તેમાં પોટેશિયમ, કેલ્શિયમ, વિટામિન સી અને મેગ્નેશિયમ ભરપૂર માત્રામાં હોય છે.
કોથમીરના પાનના ફાયદા
- એક રિપોર્ટ અનુસાર, કોથમીરના પાનનું સેવન કરવાથી શરીરમાં હાઈ કોલેસ્ટ્રોલ એટલે કે HDL અથવા સારા કોલેસ્ટ્રોલની માત્રા વધે છે. આ સાથે ખરાબ કોલેસ્ટ્રોલ એટલે કે એલડીએલની માત્રામાં ઘટાડો થાય છે. આ કારણે શિયાળામાં કોથમીરનું સેવન કરવાથી હૃદય રોગનો જોખમ ઓછું થઈ શકે છે.
- આરોગ્ય નિષ્ણાતો કોથમીરને કિડની ડિટોક્સ માટે ઉત્તમ માને છે. તેના પાનનું સેવન ડાયાબિટીસના દર્દીઓ માટે ફાયદાકારક છે, કારણ કે તે ઇન્સ્યુલિનને મુક્ત કરવામાં મદદ કરે છે. તેનાથી બ્લડ શુગર કંટ્રોલમાં રહે છે.
- ધાણા લીવરના કાર્યને સક્રિય કરે છે, જેનાથી ગેસ, કબજિયાત, પેટનું ફૂલવું જેવી સમસ્યા દૂર થાય છે. કોથમીરનું નિયમિત સેવન કરવાથી પાચન શક્તિ મજબૂત બને છે.
- જે લોકો એનિમિયાથી પીડિત છે તેમના માટે કોથમીર સારી ઔષધી બની શકે છે. કોથમીરના પાનમાં આયર્ન વધુ માત્રામાં જોવા મળે છે.
- કોથમીરના સેવનથી ત્વચા કોમળ રહે છે. તે ખીલ, પિમ્પલ્સ અને બ્લેકહેડ્સ જેવી સમસ્યાઓને દૂર કરવામાં પણ મદદરૂપ છે.
ઝડપી અને વિશ્વસનીય સમાચારો માટે ડાઉનલોડ કરો ગુજરાતી જાગરણની ન્યૂઝ એપ.