Gujarat Weather Forecast: આજે સવારથી અમદાવાદ સહિત રાજ્યના વિવિધ ભાગોમાં કાળા ડિબાંગ વાદળો વહેલી સવારે છવાયા હતા. તેમજ કેટલાક ભાગોમાં હળવોથી મધ્યમ વરસાદ પણ વરસ્યો છે. ત્યારે હવામાન વિભાગ દ્વારા આગામી 31 ઓગસ્ટ સુધીની ભારે વરસાદની ચેતાવણી આપતી આગાહી કરવામાં આવી છે. હવામાન વિભાગ અનુસાર ભાવનગર, નવસારી, વલસાડ, મોરબી, બનાસકાંઠા, અમદાવાદ, અમરેલી, રાજકોટ સહિતના જિલ્લાઓમાં આગામી સપ્તાહ દરમિયાન ભારે વરસાદ થઇ શકે છે. આજે 25 ઓગસ્ટે મોરબી, નવસારી સહિતના જિલ્લામાં ભારે વરસાદની શક્યતા છે.
25 ઓગસ્ટના રોજ ક્યાં ભારે વરસાદની શક્યતા
હવામાન વિભાગ અનુસાર, 25 ઓગસ્ટ 2025ના રોજ મોરબી, નવસારી, વલસાડ અને ડાંગ જિલ્લામાં ભારેથી અતિભારે વરસાદ થઇ શકે છે. જ્યારે કચ્છ, બનાસકાંઠા, પાટણ, મહેસાણા, સાબરકાંઠા, અરવલ્લી, ગાંધીનગર, અમદાવાદ, આણંદ, ખેડા, મહીસાગર, દાહોદ, પંચમહાલ, વડોદરા, છોટા ઉદેપુર, નર્મદા, તાપી, સુરત, ભરૂચ, ભાવનગર, બોટાદ, રાજકોટ, જામનગર, દેવભૂમિ દ્વારકા જિલ્લામાં ભારે વરસાદ થવાની શક્યતા છે. જ્યારે પોરબંદર, જૂનાગઢ, અમરેલી અને ગીર સોમનાથ જિલ્લામાં હળવોથી મધ્યમ વરસાદ થઇ શકે છે.
26 ઓગસ્ટના રોજ કયા જિલ્લામાં ભારે વરસાદની શક્યતા
26 ઓગસ્ટ 2025ના રોજ ભાવનગર, દાહોદ, છોટા ઉદેપુર જિલ્લામાં ભારેથી અતિભારે વરસાદ થઇ શકે છે. જ્યારે ગીર સોમનાથ, અમરેલી, અમદાવાદ, ગાંધીનગર, મહેસાણા, સાબરકાંઠા, બનાસકાંઠા, અરવલ્લી, મહીસાગર, પંચમહાલ, વડોદરા, નર્મદા, તાપી, ડાંગ, નવસારી, વલસાડ જિલ્લામાં ભારે વરસાદની શક્યતા છે. આ ઉપરાંત રાજકોટ, જૂનાગઢ, સુરેન્દ્રનગર, કચ્છ, પાટણ, જામનગર, સુરત સહિત અન્ય જિલ્લામાં હળવોથી મધ્યમ વરસાદ થઇ શકે છે.
27 ઓગસ્ટના રોજ કયા જિલ્લામાં ભારે વરસાદની શક્યતા
27 ઓગસ્ટ 2025ના રોજ નર્મદા અને તાપી જિલ્લામાં ભારેથી અતિભારે વરસાદની શક્યતા છે. અમરેલી, ભાવનગર, ભરૂચ, સુરત, નવસારી, વલસાડ, ડાંગ, વડોદરા, પંચમહાલ, દાહોદ, છોટા ઉદેપુર જિલ્લામાં ભારે વરસાદ થઇ શકે છે. રાજકોટ, અમદાવાદ, ગાંધીનગર, ખેડા, મહીસાગર, મહેસાણા, બનાસકાંઠા, જૂનાગઢ, જામનગર, કચ્છ સહિત અન્ય જિલ્લાઓમાં હળવોથી મધ્યમ વરસાદની શક્યતા છે.
28 ઓગસ્ટના રોજ ક્યાં પડી શકે છે ભારે વરસાદ
28 ઓગસ્ટ 2025ના રોજ ગીર સોમનાથ, અમરેલી, ભાવનગર, દાહોદ, પંચમહાલ, વડોદરા, છોટા ઉદેપુર, નર્મદા, સુરત, તાપી, ડાંગ, નવસારી અને વલસાડ જિલ્લામાં ભારે વરસાદની શક્યતા છે. રાજકોટ, અમદાવાદ, સુરેન્દ્રનગર, ગાંધીનગર, જૂનાગઢ, બનાસકાંઠા, કચ્છ સહિત અન્ય જિલ્લાઓમાં હળવોથી મધ્યમ વરસાદની શક્યતા છે.
29 ઓગસ્ટના રોજ ક્યાં પડી શકે છે ભારે વરસાદ
29 ઓગસ્ટ 2025ના રોજ ભાવનગર, ભરૂચ, સુરત, તાપી, નવસારી અને વલસાડ જિલ્લામાં ભારે વરસાદ થઇ શકે છે. રાજકોટ, સુરેન્દ્રનગર, અમદાવાદ, ગાંધીનગર, બનાસકાંઠા, મહેસાણા, વડોદરા, કચ્છ, જામનગર, જૂનાગઢ સહિત અન્ય જિલ્લાઓમાં હળવોથી મધ્યમ વરસાદની શક્યતા છે.
30 અને 31 ઓગસ્ટના રોજ ક્યાં પડી શકે ભારે વરસાદ
30 અને 31 ઓગસ્ટ 2025ના રોજ ભાવનગર, બનાસકાંઠા, સાબરકાંઠા, અરવલ્લી, મહીસાગર અને દાહોદ જિલ્લામાં ભારે વરસાદની શક્યતા છે. જ્યારે રાજકોટ, અમદાવાદ, ગાંધીનગર, જામનગર, કચ્છ, જૂનાગઢ, અમરેલી, ખેડા, આણંદ, વડોદરા, ભરૂચ, સુરત, નવસારી, વલસાડ, મહેસાણા, પાટણ સહિત અન્ય જિલ્લાઓમાં હળવોથી મધ્યમ વરસાદ થઇ શકે છે.