RCB Statement On Chinnaswamy Stampede: રોયલ ચેલેન્જર્સ બેંગ્લોરએ IPL 2025 માં પંજાબ કિંગ્સને હરાવીને ટાઇટલ જીત્યું હતું. જીત પછી, બેંગલુરુમાં વિજય પરેડ દરમિયાન થયેલી ભાગદોડમાં 11 ફેન્સના મોત થયા હતા. આ ઘટના પછી, RCB સોશિયલ મીડિયા પર પરત ફરી છે અને RCB કેયર્સ નામની એક પહેલ શરૂ કરી છે જેનો હેતુ પીડિતોના પરિવારોને મદદ કરવાનો છે.
ભાગદોડમાં 11 ફેન્સના મોત થયા હતા
ટાઇટલ જીત્યાના બીજા દિવસે એટલે કે 4 જૂને, RCB ની વિજય પરેડ બેંગલુરુમાં યોજાઈ હતી, પરંતુ આ સમય દરમિયાન એમ. ચિન્નાસ્વામી સ્ટેડિયમની બહાર એક અઘટિત ઘટના બની અને ભાગદોડમાં 11 ફેન્સના મોત થયા હતા. આ ભાગદોડના 84 દિવસ પછી પહેલીવાર RCB એ સોશિયલ મીડિયા પર એક પોસ્ટ શેર કરી છે.
બેંગલુરુમાં ભાગદોડ પર RCB ની પોસ્ટ
રોયલ ચેલેન્જર્સ બેંગલુરુએ આ સમય દરમિયાન તેના ચાહકોને એટલે કે '12th મેન આર્મી' ને ભાવનાત્મક સંદેશ આપ્યો હતો. આ ઉપરાંત, 'RCB Cares' નામની એક નવી પહેલની જાહેરાત કરવામાં આવી, જેનો હેતુ ભાગદોડ દરમિયાન જીવ ગુમાવનારા ફેન્સના પરિવારો અને ઇજાગ્રસ્તોને મદદ કરવાનો છે. RCB એ ભાગદોડની ઘટનામાં મૃત્યુ પામેલા 11 લોકોના પરિવારોને 10-10 લાખ રૂપિયાનું વળતર આપવાની જાહેરાત કરી હતી.
વાંચો RCB એ શું પોસ્ટમાં લખ્યું છે.
ફ્રેન્ચાઇઝીની પોસ્ટ સંદેશ આપે છે કે સોશિયલ મીડિયા પર તેમની વાપસી માત્ર ઔપચારિકતા નથી પરંતુ ચાહકોને ખાતરી આપવાનો એક માર્ગ છે કે ટીમ તેમની સાથે ઉભી છે.