Mumbai Rains Weather Forecast Today News Updates: મુંબઈ અને આસપાસના વિસ્તારોમાં ભારે વરસાદને પગલે જનજીવન અસ્તવ્યસ્ત થઈ ગયું છે. સતત વરસાદને કારણે હાઈ ટાઈડનું જોખમ વધી ગયું છે. હવામાન વિભાગે ચેતવણી આપી છે કે આગામી કેટલાક કલાકોમાં મુંબઈ અને આસપાસના વિસ્તારોમાં મૂશળધાર વરસાદની સંભાવના છે. મહારાષ્ટ્રના અનેક અન્ય જિલ્લાઓમાં પણ વરસાદ આફત બનીને વરસી રહ્યો છે.
નીચાણવાળા વિસ્તારોમાં પાણી ભરાયા
#WATCH | Mumbai : A bus partially submerged and two-wheeler riders pushing their scooters through a severely waterlogged street outside Kurla railway station pic.twitter.com/w2o6ds3PMU
— ANI (@ANI) August 19, 2025
મંગળવારે સવારથી મુંબઈ અને ઉપનગરોમાં સતત ભારે વરસાદ વરસી રહ્યો છે. વિક્રોલીમાં સૌથી વધુ 255.5 મિમી વરસાદ નોંધાયો છે. મુંબઈના દાદર સ્ટેશન પર રેલ પટરીઓ અને બહારના રસ્તાઓ પર ઘૂંટણ સુધી પાણી ભરાઈ ગયું છે. માટુંગા, વડાલા, સાયન, કિંગ સર્કલ, અંધેરી, કુર્લા, વિક્રોલી અને મલાડના ઘણા નીચાણવાળા વિસ્તારોમાં પાણી ભરાઈ ગયું છે.
#WATCH Mumbai: Heavy rain causes waterlogging in many parts of the city.
— ANI (@ANI) August 18, 2025
(Visuals from Gandhi Market Sion) pic.twitter.com/2Cu6rR0RIy
ટ્રેન સેવા પ્રભાવિત
અંધેરી વેસ્ટના વીરા દેસાઈ રોડ પર પણ ઠેર ઠેર પાણી ભરાયેલું છે. જેપી રોડ પર પણ પાણી ભરાવાને કારણે વાહનોની અવરજવરમાં મુશ્કેલી પડી રહી છે. ભારે વરસાદની અસર ટ્રેન સેવાઓ પર પણ પડી છે. મધ્ય અને હાર્બર લોકલ ટ્રેનો 20 થી 25 મિનિટ મોડી ચાલી રહી છે, જ્યારે પશ્ચિમ રેલવેની કેટલીક ટ્રેનો પણ 10 થી 15 મિનિટ મોડી ચાલી રહી છે.
VIDEO | Maharashtra: Incessant rain has caused waterlogging in several parts of Mumbai, including railway tracks, affecting local train services.
— Rudra Singh Rajput (@Rsr121994) August 19, 2025
pic.twitter.com/TkkHDKYs1c
મુંબઈમાં સ્કૂલ-કોલેજો બંધ
આજે મુંબઈમાં તમામ સ્કૂલ-કોલેજો બંધ રાખવામાં આવી છે અને વ્યાપારી સંસ્થાઓ પણ બંધ છે. હવામાન વિભાગ, બીએમસી અને રાજ્ય સરકારના ડિઝાસ્ટર મેનેજમેન્ટે ગઈ કાલથી જ અહીં વરસાદ માટે રેડ એલર્ટ જાહેર કર્યું છે, જેથી લોકોને આજે ઘરની બહાર કામ સિવાય ન નીકળવાની સલાહ આપવામાં આવી છે.
હવામાન વિભાગની ચેતવણી
#WATCH | Maharashtra: Rain lashes parts of Mumbai City
— ANI (@ANI) August 18, 2025
(Visuals from Marine Drive) pic.twitter.com/UmU7V7OhDN
હવામાન વિભાગે ચેતવણી આપી છે કે શહેર અને ઉપનગરોમાં અત્યંત ભારેથી અતિભારે વરસાદ થવાની સંભાવના છે. સાથે જ, 45-55 કિમી પ્રતિ કલાકની ઝડપે તેજ પવનો ફૂંકાવાની પણ આશંકા વ્યક્ત કરવામાં આવી છે. મુંબઈ અને આસપાસના વિસ્તારો માટે આગામી 3 કલાક અત્યંત મહત્વપૂર્ણ છે. મુંબઈમાં હાઈ અને લો ટાઈડનો પણ ખતરો છે. હવામાન વિભાગે નાગરિકોને સતર્ક રહેવા અને સમુદ્ર કિનારે તથા પાણી ભરાયેલા વિસ્તારોથી દૂર રહેવાની સલાહ આપી છે.
અનેક જિલ્લાઓમાં રેડ એલર્ટ
પાલઘર જિલ્લામાં પણ આજે રેડ એલર્ટ જાહેર કરવામાં આવ્યું છે. જિલ્લાભરની સ્કૂલ-કોલેજોમાં રજા જાહેર કરી દેવામાં આવી છે. પુણેમાં પણ તેજ વરસાદ ચાલુ છે. નદી કિનારે આવેલા ગામોને એલર્ટ રહેવાની સૂચના આપવામાં આવી છે. ડેમનું પાણી છોડ્યા બાદ નદી કિનારે આવેલા અનેક ગામોના લોકોને સુરક્ષિત સ્થળે ખસેડવામાં આવી રહ્યા છે. નાસિક જિલ્લામાં પણ વરસાદનું રેડ એલર્ટ જાહેર કરવામાં આવ્યું છે. નાસિક શહેર અને ગ્રામીણ વિસ્તારોમાં ભારે વરસાદ થઈ રહ્યો છે. જિલ્લાના ગંગાપુર ડેમમાંથી પાણી છોડવા માટે પ્રશાસને તૈયારી કરી લીધી છે.
Two locals swam to rescue two people stuck in a car in an underpass in #Thane#Rains#Mumbai #flooded#waterlogged pic.twitter.com/MtTQbqeaXr
— Vinay Dalvi (@Brezzy_Drive) August 19, 2025
ખેડૂતોને નુકસાન
ખેડૂતોને ઉભા પાકને ભારે નુકસાન થયું છે. કપાસ, સોયાબીન અને અડદના પાકને નુકસાન થયું છે. અંબડ, ઘનસાવંગી અને બદનાપુર તાલુકાના ખેડૂતોને પાકનું નુકસાન થયું છે અને તેઓ પંચનામા રિપોર્ટની રાહ જોઈ રહ્યા છે.
સોમવારે સવારે આઠ વાગ્યાથી આજે સવારે આઠ વાગ્યા સુધીમાં મુંબઈ શહેરમાં 186.43 મિમી વરસાદ નોંધાયો છે. જ્યારે પૂર્વ ઉપનગરોમાં 208.78 મિમી અને પશ્ચિમ ઉપનગરોમાં 238.19 મિમી વરસાદ નોંધાયો છે. વિક્રોલીમાં 255.5 મિમી, ભાયખલામાં 241 મિમી, સાંતાક્રુઝમાં 238.2 મિમી, જુહુમાં 221.5 મિમી, બાંદ્રામાં 211 મિમી, કુલાબામાં 110.4 મિમી અને મહાલક્ષ્મીમાં 72.5 મિમી વરસાદ નોંધવામાં આવ્યો છે.