Hurun India, Mrunal Panchal: કેન્ડેર અને હુરુન ઇન્ડિયા(Candere and Hurun India)એ બુધવારે ભારતીય અર્થતંત્ર ના મુખ્ય ક્ષેત્રોમાં નોંધપાત્ર પ્રભાવ પાડી રહેલી મહિલા લીડર્સ અને સંપત્તિ સર્જકોની યાદી બહાર પાડી છે
આ યાદીમાં વ્યાવસાયિકો, ફર્સ્ટ જનરેશનના વેલ્થ ક્રિએટર્સ, નેક્સ્ટ જનરેશન લીડર્સ, રોકાણકારો, દાનવીર, યુવા મહિલા નેતાઓ, કલાકારો, સૌથી વધુ અનુસરવામાં આવતા પ્રભાવશાળી ફાઉન્ડર અને સૌથી વધુ ફોલોઅર્સ ધરાવતી સેલિબ્રિટી રોકાણકારો જેવી વિવિધ શ્રેણીઓમાં ઉત્કૃષ્ટ મહિલાઓનો સમાવેશ થાય છે.
2025 કેન્ડેર હુરુન ઈન્ડિયા વુમન લીડર્સ લિસ્ટ વિવિધ ક્ષેત્રોમાં ભારતની સૌથી નાની ઉંમરની મહિલાઓની ઉજવણી કરે છે. આ યાદીમાં સૌથી નાની ઉંમરની 26 વર્ષીય મૃણાલ પંચાલ(Mrunal Panchal) અગ્રણી છે, જે સૌથી નાની ઉંમરની સન્માનિત મહિલા છે, જેમનો સમાવેશ એક બોલ્ડ સત્ય પર ભાર મૂકે છે: ઉંમર પ્રભાવ માટે કોઈ અવરોધ નથી.
મૃણાલ પંચાલ કોણ છે?
મૃણાલ પંચાલ એક બ્યુટી કન્ટેન્ટ ક્રિએટર છે અને ઉદ્યોગસાહસિક બની છે. તે સ્ટાર્ટ-અપ મૃચા બ્યુટી (Mrucha Beauty)ની સ્થાપક છે. ઇન્સ્ટાગ્રામ પર 5.5 મિલિયનથી વધુ ફોલોઅર્સ સાથે મૃણાલ કેન્ડેર અને હુરુન ઇન્ડિયાની અગ્રણી મહિલા પ્રભાવક સ્થાપકોની યાદીમાં ટોચ પર છે.
વાયરલ મેકઅપ રીલ્સથી લઈને બ્યુટી ઉદ્યોગસાહસિકતા સુધી મૃણાલ પંચાલ કે જેઓ મૃણુ તરીકે જાણીતા છે તેમણે વાણિજ્ય સાથે સામગ્રીનું એકીકૃત મિશ્રણ કર્યું છે.
નવેમ્બર 2024માં તેણીએ મૃચા બ્યુટી લોન્ચ કરી હતી, જે બોલ્ડ વ્યક્તિત્વ અને સમાવેશકતામાં મૂળ ધરાવતી બ્રાન્ડ છે.
પાંચ મહિનામાં લાખો સોશિયલ મીડિયા ફોલોઅર્સ અને રૂપિયા 2 કરોડના વેચાણ સાથે પ્રભાવકથી સ્થાપક બનવાનું તેમનું પરિવર્તન ટ્રેઇલબ્લેઝિંગ રહ્યું છે.