Surendranagar News: જોરાવરનગર ખાતે શ્રાવણ માસની અમાસ નિમિત્તે નીલકંઠ મહાદેવની ભવ્ય શોભાયાત્રાનું આયોજન કરવામાં આવ્યું હતું. આ શોભાયાત્રામાં રામભાઇ નામના એક શિવભક્તે ડોલરનો વરસાદ વરસાવ્યો હતો. ડોલર ઉડાવતા લોકોમાં તેને લૂંટવા માટે પડાપડી થઈ હતી. સમગ્ર વાતાવરણ ભક્તિમય બની ગયું હતું.
આ શોભાયાત્રામાં પ્રથમવાર અઘોરી નૃત્યનું પણ આયોજન કરવામાં આવ્યું હતું. અઘોરી પરમારની ઝાંખી જોઈને લોકો અભિભૂત થઈ ગયા હતા. રામ ભાઈએ જણાવ્યું હતું કે તેઓ મહાકાલના ઉપાસક છે અને જોરાવરનગરમાં પ્રથમવાર અઘોરીની શોભાયાત્રા નીકળી હોવાથી તેઓ ખૂબ જ ખુશ છે. તેમણે ડોલર ઉડાડવાનું કારણ આપતા કહ્યું કે તેઓ તન, મન અને ધનથી રાજી છે અને આ શોભાયાત્રા સુરેન્દ્રનગર અને જોરાવરનગર માટે ગર્વની વાત છે.
આ પણ વાંચો
આ ઘટનાએ શોભાયાત્રાને એક અવિસ્મરણીય અનુભવ બનાવી દીધો હતો. લોકોએ ભક્તિ અને આનંદ સાથે ડોલરની લૂંટનો પણ આનંદ માણ્યો હતો. રામભાઈના આ કાર્યની ચારે તરફ ચર્ચા થઈ રહી છે અને લોકો તેમની શિવભક્તિને બિરદાવી રહ્યા છે.