Vash Level 2 Box Office Collection Day 1: એક્ટ્રેસ જાનકી બોડીવાલા સ્ટારર લેટેસ્ટ ફિલ્મ 'વશ લેવલ 2' સિનેમાઘરોમાં રિલીઝ થઈ ગઈ છે. 'વશ' ની સિક્વલ તરીકે આ સુપરનેચરલ હોરર થ્રિલરની ચાહકો લાંબા સમયથી રાહ જોઈ રહ્યા હતા. આ ફિલ્મે રિલીઝના પહેલા જ દિવસે બોક્સ ઓફિસ પર પોતાની મજબૂત શરૂઆત કરી છે. ક્રિટીક્સ અને ઓડિયન્સ તરફથી 'વશ 2' ને પોઝિટિવ રિસ્પોન્સ મળી રહ્યો છે.
Vash Level 2 Box Office Collection
તમે જાનકીની આ ફિલ્મના ઓપનિંગ ડે બોક્સ ઓફિસ કલેક્શન દ્વારા આનો અંદાજ સરળતાથી લગાવી શકો છો. સેકનિલ્કની રિપોર્ટ અનુસાર 'વશ લેવલ 2' એ ઓપનિંગ ડે પર 1.27 કરોડ રૂપિયાનો કારોબાર કર્યો છે. ઓછા બજેટવાળી આ સુપરનેચરલ હોરર થ્રિલર ફિલ્મ માટે આ કમાણીનો આંકડો ચોંકાવનારો છે.
વશ લેવલ 2 ભાષાવાર કમાણી
'વશ લેવલ 2' એ ઓપનિંગ ડે પર ગુજરાતી ભાષામાં 82 લાખ રૂપિયા અને હિન્દી ભાષામાં 45 લાખ રૂપિયાની કમાણી કરી છે. 'વશ' મૂળરૂપે ગુજરાતી ભાષાની ફિલ્મ હોવા છતાં તેને બોક્સ ઓફિસ પર સારી શરૂઆત મળી છે. 'વૉર 2' અને 'કૂલી' જેવી ફિલ્મો વચ્ચે લિમિટેડ સ્ક્રીન્સ પર રિલીઝ થવા છતાં પણ આ આંકડો ઘણો સારો માનવામાં આવે છે. એવું માનવામાં આવી રહ્યું છે કે આગામી વિકએન્ડમાં 'વશ લેવલ 2'ની કમાણી વધી શકે છે.
શું છે વશ લેવલ 2 ની વાર્તા
જેમ 'વશ પાર્ટ 1' માં વશીકરણ અને કાળા જાદુની કહાણી દર્શાવવામાં આવી હતી, તેવી જ રીતે 'વશ લેવલ 2' માં જાદુ-ટોણા અને વશીકરણનો મામલો ઉચ્ચ લેવલે પહોંચી ગયો છે. જેમાં તાંત્રિક સ્કૂલની છોકરીઓના દિમાગને વશમાં કરીને તેમની હત્યા કરે છે અને ખૌફનો તાંડવ મચાવે છે. જો તમે પણ હોરર થ્રિલર જોવાના શોખીન છો, તો તમને જાનકી બોડીવાલાની 'વશ 2' જરૂર પસંદ આવશે. 'વશ' ની હિન્દી રિમેક અજય દેવગનની ફિલ્મ 'શૈતાન' દ્વારા બનાવવામાં આવી હતી, ત્યારથી જ 'વશ' ફ્રેન્ચાઇઝી ચર્ચામાં આવી હતી.