Ration Card e-KYC Gujarat: રાશન કાર્ડ ધારકો માટે મહત્વના સમાચાર, હવે ઘરે બેઠા મોબાઈલથી કરો E-KYC; જાણો સંપૂર્ણ પ્રક્રિયા

રેશન કાર્ડ ઈ-કેવાયસી (e-KYC) પ્રક્રિયા હવે તમે તમારા સ્માર્ટફોન અને આધાર કાર્ડ સાથે લિંક કરેલા મોબાઈલ નંબરની મદદથી સરળતાથી ઘરે બેઠા પૂર્ણ કરી શકો છો.

By: Dharmendra ThakurEdited By: Dharmendra Thakur Publish Date: Sat 30 Aug 2025 12:29 PM (IST)Updated: Sat 30 Aug 2025 12:29 PM (IST)
ration-card-e-kyc-gujarat-online-offline-process-application-documents-web-portal-aadhaar-face-authentication-and-my-ration-app-594155
HIGHLIGHTS
  • રેશન કાર્ડ ધારકો માટે ઈ-કેવાયસી ફરજિયાત, જે હવે ઘરે બેઠા મોબાઈલ અને આધાર-લિંક નંબરથી કરી શકાય છે
  • ઈ-કેવાયસી માટે માય રેશન એપ અને આધાર ફેસ આરડી એપ જરૂરી, મોબાઈલ નંબર આધાર સાથે લિંક હોવો આવશ્યક
  • સ્ટેપ-બાય-સ્ટેપ પ્રક્રિયા બાદ OTP ચકાસણી અને ફેસ કેપ્ચર દ્વારા વિગતો સબમિટ થશે, જેની મંજૂરી 2 દિવસમાં પૂર્ણ થશે

Ration Card e-KYC Gujarat Online: રેશન કાર્ડ ધારકો માટે સરકારે ઈ-કેવાયસી (e-KYC) કરાવવું ફરજિયાત બનાવ્યું છે. આ પ્રક્રિયા હવે તમે તમારા સ્માર્ટફોન અને આધાર કાર્ડ સાથે લિંક કરેલા મોબાઈલ નંબરની મદદથી સરળતાથી ઘરે બેઠા પૂર્ણ કરી શકો છો. આ સ્ટેપ ડિજિટલ ઇન્ડિયા અભિયાનને વેગ આપવા અને રેશન કાર્ડ સંબંધિત સેવાઓને વધુ સુલભ બનાવવા માટે લેવામાં આવ્યું છે.

ઈ-કેવાયસી માટેની મુખ્ય જરૂરિયાતો: ઈ-કેવાયસી કરવા માટે તમારી પાસે કોઈપણ એન્ડ્રોઈડ મોબાઈલ હોવો જરૂરી છે. આ ઉપરાંત, સૌથી મહત્વપૂર્ણ બાબત એ છે કે તમારો મોબાઈલ નંબર આધાર કાર્ડ સાથે લિંક હોવો જોઈએ. જો મોબાઈલ નંબર લિંક ન હોય, તો ઈ-કેવાયસી શક્ય બનશે નહીં.

ઈ-કેવાયસી કરવાની સંપૂર્ણ પ્રક્રિયા (સ્ટેપ-બાય-સ્ટેપ)

સ્ટેપ 1: જરૂરી એપ્સ ડાઉનલોડ કરો સૌ પ્રથમ, તમારે પ્લે સ્ટોરમાંથી બે એપ્લિકેશન ડાઉનલોડ કરવાની રહેશે:

  • માય રેશન એપ (My Ration App)
  • આધાર ફેસ આરડી એપ (Aadhaar Face RD App)

નોંધ: આધાર ફેસ આરડી એપ સીધી ખુલી શકશે નહીં, તે માય રેશન એપ મારફતે જ કાર્ય કરશે. તેથી, તેને ફક્ત ઇન્સ્ટોલ કરીને રાખવાની છે.

સ્ટેપ 2: માય રેશન એપમાં નોંધણી અને લોગિન

માય રેશન એપ ખોલીને, જો તમે નવા યુઝર છો, તો 'નવા યુઝર' વિકલ્પ પર ક્લિક કરી નોંધણી કરો. આ માટે રેશન કાર્ડના કોઈપણ સભ્યનું નામ અને મોબાઈલ નંબર દાખલ કરી OTP દ્વારા ચકાસણી કરો. જો તમે પહેલાથી જ નોંધણી કરાવી હોય, તો સીધા મોબાઈલ નંબર નાખીને લોગિન કરી શકો છો.

સ્ટેપ 3: રેશન કાર્ડને આધાર સાથે લિંક કરો

લોગિન કર્યા બાદ, ડેશબોર્ડ પરથી 'પ્રોફાઇલ' વિકલ્પ પર જાઓ. અહીં 'તમારું રેશન કાર્ડ લિંક કરો' પર ક્લિક કરો. રેશન કાર્ડ નંબર અને આધાર કાર્ડના છેલ્લા ચાર આંકડા દાખલ કરીને 'આધાર OTP જનરેટ કરો' પર ક્લિક કરો. આધાર સાથે લિંક થયેલા મોબાઈલ નંબર પર આવેલો OTP નાખીને ચકાસણી કરો. જો પ્રક્રિયા સફળ થશે, તો 'રેશન કાર્ડ લિંક સક્સેસફૂલી' નો મેસેજ દેખાશે.

સ્ટેપ 4: ઈ-કેવાયસી પ્રક્રિયા શરૂ કરો (24 કલાક પછી)

રેશન કાર્ડ લિંક થયા પછી 24 કલાક રાહ જોવી પડશે. ત્યારબાદ, ફરીથી માય રેશન એપ ખોલીને હોમ પેજ પર 'આધાર ઈ-કેવાયસી' વિકલ્પ પર ક્લિક કરો. સૂચનાઓ વાંચીને 'કાર્ડની વિગતો મેળવો' પર ક્લિક કરો. કેપ્ચા કોડ દાખલ કર્યા બાદ રેશન કાર્ડના તમામ સભ્યોના નામ દેખાશે.

સ્ટેપ 5: સભ્યની પસંદગી અને ફેસ કેપ્ચર

જે સભ્યનું ઈ-કેવાયસી કરવાનું છે, તેના નામ પર ક્લિક કરીને 'આ સભ્યમાં ઈ-કેવાયસી કરો' પસંદ કરો. સંમતિપત્ર પર ટીક કરીને 'OTP જનરેટ કરો' પર ક્લિક કરો. આધાર લિંક મોબાઈલ પર આવેલો OTP દાખલ કરતા જ આધાર ફેસ આરડી એપ ખૂલશે. અહીં જરૂરી પરમિશન આપ્યા બાદ, 'પ્રોસેસ' બટન પર ક્લિક કરો. મોબાઈલનો ફ્રન્ટ કેમેરા ખૂલી જશે. સભ્યનો ચહેરો સામે રાખી આંખો બંધ કરીને ખોલતા (બ્લિન્ક કરતા) જ ફોટો કેપ્ચર થઈ જશે.

સ્ટેપ 6: વિગતો સબમિટ કરો

ફોટો કેપ્ચર થયા બાદ 'મંજૂરી માટે વિગતો મોકલો' પર ક્લિક કરો. જો પ્રક્રિયા સફળ થશે, તો લીલા અક્ષરોમાં 'ઈ-કેવાયસી વિનંતી સફળતાપૂર્વક મોકલાઈ ગઈ છે' લખેલું આવશે. બે દિવસમાં ઈ-કેવાયસી પૂર્ણ થઈ જશે.

મહત્વપૂર્ણ સૂચનો

  • જો આધાર OTP ન આવે, તો થોડા સમય પછી પ્રક્રિયા ફરીથી કરવાનો પ્રયાસ કરો.
  • જો રેશન કાર્ડમાં નામ હોવા છતાં એપમાં ન દેખાય, તો મામલતદાર ઓફિસ અથવા ગ્રામ પંચાયતમાં જઈને ઈ-કેવાયસી કરાવી શકાય છે.
  • લાલ કલરમાં એરર આવવાનો અર્થ એ છે કે મોબાઈલ નંબર આધાર સાથે લિંક નથી.