Gem Aromatics IPO GMP (Grey Market Premium) Today: જેમ એરોમેટિક્સ કંપની IPO દ્વારા ₹451.25 કરોડ એકત્ર કરવાની યોજના ધરાવે છે. જેમાં ₹175 કરોડનો નવો ઇશ્યૂ અને ₹276.25 કરોડનો ઑફર ફોર સેલ (OFS) શામેલ છે. આ ઇશ્યૂ ખુલતા પહેલા જ ગ્રે માર્કેટમાં ધૂમ મચાવી રહ્યો છે, જે મજબૂત લિસ્ટિંગના સંકેતો આપી રહ્યો છે. આ આર્ટિકલમાં જાણો જેમ એરોમેટિક્સ (Gem Aromatics) IPOનું પ્રાઇસ બેન્ડ, લેટેસ્ટ GMP અને મહત્વની તારીખ સહિતની જાણકારી.
Gem Aromatics IPO: પ્રાઇસ બેન્ડ
જેમ એરોમેટિક્સ IPO પ્રાઇસ બેન્ડ શેર દીઠ રૂ. 309-325 છે. એક એપ્લિકેશન સાથે મહત્તમ લોટ સાઈઝ 46 શેર છે. રિટેલ રોકાણકારો માટે મહત્તમ રોકાણની રકમ 14,950 રૂપિયા છે.
Gem Aromatics IPO: લેટેસ્ટ GMP
investorgain.com ના જણાવ્યા અનુસાર, ગ્રે માર્કેટમાં, જેમ એરોમેટિક્સનો શેર IPOના અપર પ્રાઇસ બેન્ડમાં રૂ. 309 થી રૂ. 325 સુધીના 8%ના પ્રીમિયમ પર ટ્રેડ કરી રહ્યો છે. આના આધારે, શેર 351 રૂપિયાની કિંમતે લિસ્ટ થઈ શકે છે. જો કે, આ એક અનુમાન છે.
આ પણ વાંચો
Gem Aromatics IPO: મહત્વપૂર્ણ તારીખો
જેમ એરોમેટિક્સ IPO સબ્સ્ક્રિપ્શન માટે 19 ઓગસ્ટના રોજ ખુલ્યો છે. જેને 21 ઓગસ્ટ, 2025 સુધી ભરી શકાશે. શેર એલોટમેન્ટ 22 ઓગસ્ટના રોજ થશે, જ્યારે BSE, NSE પર શેર લિસ્ટિંગ 26 ઓગસ્ટના રોજ થશે.
Gem Aromatics IPO: જેમ એરોમેટિક્સ કંપનીનો વ્યવસાય
જેમ એરોમેટિક્સ એક અગ્રણી ભારતીય કંપની છે જે આવશ્યક તેલ, અરોમા કેમિકલ્સ અને વેલ્યૂ-એડેડ ડેરિવેટિવ્ઝનું ઉત્પાદન કરે છે. આ ઉત્પાદનો ટૂથપેસ્ટ, કોસ્મેટિક્સ, હેલ્થ સપ્લિમેન્ટ્સ, દવાઓ અને પર્સનલ કેર જેવા વિવિધ ઉદ્યોગોમાં ઉપયોગમાં લેવાય છે.
કંપની પાસે 70 ઉત્પાદનોનો વૈવિધ્યસભર પોર્ટફોલિયો છે. તેની આવકનો મુખ્ય હિસ્સો, 69 ટકા, ફુદીના અને તેના ડેરિવેટિવ્ઝમાંથી આવે છે. આ ઉપરાંત, કંપની લવિંગ અને તેના ડેરિવેટિવ્ઝ, ફિનોલ્સ અને અન્ય કુદરતી તેમજ કૃત્રિમ ઘટકોનું પણ ઉત્પાદન કરે છે.
જેમ એરોમેટિક્સના મુખ્ય ગ્રાહકોમાં કોલગેટ, ડાબર, પતંજલિ, SH કેલકર, રોસારી બાયોટેક અને સિમરાઇઝ જેવી અગ્રણી બ્રાન્ડ્સ શામેલ છે. કંપની તેના ઉત્પાદનો યુએસ પેટાકંપનીઓ અને તૃતીય-પક્ષ એજન્સીઓ દ્વારા સીધા ગ્રાહકોને વેચે છે.
કંપની પાસે ઉત્તર પ્રદેશના બુદૌન, સિલવાસા અને દહેજ ખાતે ત્રણ ઉત્પાદન પ્લાન્ટ છે અને મહારાષ્ટ્રમાં એક R&D કેન્દ્ર પણ આવેલું છે. જેમ એરોમેટિક્સની શક્તિઓમાં તેની વૈવિધ્યસભર ઉત્પાદન શ્રેણી, ગ્રાહકો સાથેના લાંબા સમયથી ચાલતા સંબંધો અને વ્યૂહાત્મક સ્થળોએ આવેલા ઉત્પાદન પ્લાન્ટનો સમાવેશ થાય છે.
નોંધ - કોઈપણ IPOમાં નાણાંનું રોકાણ કરતા પહેલા માર્કેટ એક્સપર્ટની સલાહ ચોક્કસ લો.