Asia Cup 2025 India Squad: એશિયા કપ 2025 માટે ભારતીય ટીમની જાહેરાત થઈ ગઈ છે. આ ટુર્નામેન્ટ 9 સપ્ટેમ્બરથી યુએઈમાં શરૂ થશે. આ ટીમમાં કેટલાક મોટા ફેરફારો જોવા મળ્યા છે, જેમાં ટેસ્ટ કેપ્ટન શુભમન ગિલને ઉપકપ્તાન બનાવવામાં આવ્યા છે અને ફાસ્ટ બોલર જસપ્રીત બુમરાહની પણ ટીમમાં વાપસી થઈ છે. વિશ્વ કપ 2024 પછી બુમરાહનું આ પ્રથમ T20 ટુર્નામેન્ટ હશે.
અમારી પાસે T20 ટીમમાં કેટલાક સારા વિકલ્પો છે…
આઈપીએલમાં પંજાબ કિંગ્સને ફાઇનલ સુધી પહોંચાડવામાં મહત્ત્વપૂર્ણ ભૂમિકા ભજવનાર શ્રેયસ ઐયરને ટીમમાં સ્થાન મળ્યું નથી. મુખ્ય પસંદગીકાર અજિત અગરકરે આ અંગે સ્પષ્ટતા કરી છે. તેમણે કહ્યું કે ફરીથી, તેનો કોઈ વાંક નથી, પણ અમારો પણ નથી. મારે જણાવવું પડશે કે તે કોનું સ્થાન લઈ શકે? અમારી પાસે T20 ટીમમાં કેટલાક સારા વિકલ્પો છે… ક્યારેક ટીમ પસંદ કરવી સરળ નથી હોતી, માથાનો દુખાવો બની જાય છે. અગરકરે ટી20 પ્રતિભાઓની અતિશયતાને ઐયરના બહાર થવાનું મુખ્ય કારણ ગણાવ્યું છે.
યશસ્વી જયસ્વાલને હાલ રાહ જોવી પડશે...
અજિત અગરકરે એમ પણ જણાવ્યું કે અભિષેક શર્માએ છેલ્લા એક વર્ષમાં જે પ્રદર્શન કર્યું છે અને એક બોલિંગ વિકલ્પ આપવો પણ જરૂરી છે તે ધ્યાનમાં રાખીને પસંદગી કરવામાં આવી છે. યશસ્વી જયસ્વાલને પણ હાલ રાહ જોવી પડશે. સ્પિનર કુલદીપ યાદવને પણ ટીમમાં સામેલ કરાયા છે, જ્યારે જીતેશ શર્મા બેકઅપ વિકેટકીપર બેટ્સમેન હશે. યશસ્વી જયસ્વાલ સહિત પાંચ ખેલાડીઓ સ્ટેન્ડબાયમાં છે.
એશિયા કપ 2025 માટે ભારતીય ટીમ
સૂર્યકુમાર યાદવ (કેપ્ટન), શુભમન ગિલ (વાઈસ-કેપ્ટન), અભિષેક શર્મા, તિલક વર્મા, હાર્દિક પંડ્યા, શિવમ દુબે, અક્ષર પટેલ, જીતેશ શર્મા (વિકેટકીપર), જસપ્રીત બુમરાહ, અર્શદીપ સિંહ, વરુણ ચક્રવર્તી, કુલદીપ યાદવ, સંજુ સેમસન (વિકેટકીપર), હર્ષિત રાણા.