Lok Sabha Election Results 2024 Live News & Updates in Gujarati: લોકસભા ચૂંટણી 2024ની મતગણતરીના વલણમાં NDAને બહુમતી મળી છે. તો I.N.D.I.A. 233 સીટ પર આગળ ચાલી રહી છે.
એક્ઝિટ પોલ્સમાં ફરી મોદી સરકારની વાપસીનું અનુમાન કરાયું હતું. લોકસભા ચૂંટણીના પરિણામની ક્ષણે-ક્ષણની જાણકારી માટે અમારી સાથે જોડાયેલા રહો.
વડાપ્રધાન મોદીએ ભાજપ મુખ્યાલયમાં કાર્યકર્તાને સંબોધિત કરતા કહ્યું કે, આ ભારતના બંધારણ પર અતૂટ નિષ્ઠાની જીત છે. આ 140 કરોડ ભારતીયોની જીત છે. હું ચૂંટણી પંચને પણ અભિનંદન આપીશ. ચૂંટણી પંચે દુનિયાની સૌથી મોટી ચૂંટણી આટલી કુશળતાથી સંપન્ન કરાવી.
વડાપ્રધાન મોદીએ કહ્યું કે, આજે મોટો મંગળ છે અને આ પાવન દિવસે NDAની ત્રીજી વખત સરકાર બનશે તે નિશ્ચિત છે. અમે તમામ જનતા જનાર્દનના આભારી છીએ. આજની આ જીત દુનિયાના સૌથી મોટા લોકતંત્રની જીત છે.
વડાપ્રધાન મોદી ભાજપ મુખ્યાલયમાં ઉપસ્થિત છે. વડાપ્રધાન પાર્ટી કાર્યકર્તાઓની સાથે દેશને સંબોધિત કરી રહ્યાં છે. વડાપ્રધાને આ પ્રસંગે કહ્યું કે, સરકાર બનશે તે નિશ્ચિત છે.
વડાપ્રધાન મોદી ત્રીજી વખત વડાપ્રધાન બની રહ્યાં છે. હવે દેશની અર્થવ્યવસ્થા ત્રીજા સ્થાને પર હશે.
નવી દિલ્હી સ્થિત ભાજપ મુખ્યાલયમાં લોકસભા ચૂંટણી 2024નો વિજય ઉત્સવ ઉજવાયો. વડાપ્રધાન મોદી, રાજનાથ સિંહ, અમિત શાહની સાથે ભાજપ ઓફિસમાં ઉપસ્થિત રહ્યાં. જ્યાં જેપી નડ્ડાએ કાર્યકર્તાને સંબોધિત કર્યું.
દિલ્હી વિધાનસભા ચૂંટણીમાં પાર્ટીની જીત પછી ભાજપ સમર્થક અને પાર્ટી કાર્યકર્તા દિલ્હી સ્થિત પાર્ટી મુખ્યાલયમાં એકત્ર થયા.
લોકસભા ચૂંટણીના પરિણામો બાદ પ્રથમ વડાપ્રધાન નરેન્દ્ર મોદીએ પ્રતિક્રિયા આપી છે. તેમણે સોશિયલ મીડિયા પર ટ્વિટ કરતાં કહ્યું કે દેશની જનતા-જનાર્દને NDA પર ત્રીજી વખત વિશ્વાસ વ્યક્ત કર્યો છે. ભારતના ઈતિહાસમાં આ અભૂતપૂર્વ ક્ષણ છે. હું આ સ્નેહ અને આશીર્વાદ માટે મારા પરિવારજનોને નમન કરું છું. હું દેશવાસીઓને વિશ્વાસ આપું છું કે તેમની આકાંક્ષાને પૂરી કરવા માટે નવી ઊર્જા અને નવી ક્ષમતા સાથે, નવા સંકલ્પ સાથે અમે આગળ વધશું. PM મોદીએ કહ્યું કે હું દેશવાસીઓને ખાતરી આપું છું કે અમે તેમની આકાંક્ષાઓને પૂર્ણ કરવા માટે નવી ઉર્જા, નવા ઉત્સાહ અને નવા સંકલ્પો સાથે આગળ વધીશું. હું હૃદયપૂર્વક કૃતજ્ઞતા વ્યક્ત કરું છું અને તમામ કાર્યકરોને તેઓએ કરેલા સમર્પણ અને અથાક કાર્ય માટે અભિનંદન પાઠવું છું.
પત્રકારોએ તેમણે પૂછ્યું કે I.N.D.I.A. ગઠબંધન સરકાર બનાવવા માટે શું વિચારી રહી છે? જેના પર રાહુલ ગાંધીએ કહ્યું, અમે અમારા I.N.D.I.A. ગઠબંધનના નેતાઓ સાથે વાતચીત કર્યા બાદ આ મુદ્દે નિર્ણય લેશે. ઉત્તરપ્રદેશમાં કોંગ્રેસે સારા પ્રદર્શન પર રાહુલ ગાંધીએ કહ્યું કે, આ મારી બહેનની મહેનતની જીત છે જે આ પ્રેસ કોન્ફરન્સમાં અમારી પાછળ છુપાયેલી છે.
રાહુલ ગાંધીએ કહ્યું કે, આ ચૂંટણી કોંગ્રેસ અને I.N.D.I.A. ગઠબંધન ન માત્ર એક રાજકીય પક્ષ માટે લડી. વિપક્ષે સરકારી એજન્સીઓ વિરુદ્ધ પણ ચૂંટણી લડી. આ સંસ્થાઓને મોદી સરકારે ડરાવ્યા અને ધમકાવ્યા છે. આ ચૂંટણી ઈડી, સીબીઆઈ વિરુદ્ધ હતી. આ લડાઈ બંધારણને બચાવવાની હતી.
વાયનાડથી રાહુલ ગાંધીની મોટી જીત થઈ છે. રાહુલે 3 લાખ વોટથી જીત મેળવી છે.
બિહારના પૂર્વ CM અને હિન્દુસ્તાની અવામ મોર્ચાના પ્રમુખ જીતન રામ માંઝીએ જીત મેળવ્યો છે. માંઝીએ ગયાથી 1 લાખથી વધુ વોટથી જીત મેળવી છે.
શિવસેના (યૂબીટી) નેતા સંજય રાઉતે ભાજપ પર નિશાન સાધ્યું છે. રાઉતે કહ્યું કે, દેશમાં બદલાવ થઈ રહ્યો છે. સાંજ સુધીમાં ભાજપ વધુ સીટ હારી જશે અને તે 240થી નીચે આવી જશે. રાઉતે કહ્યું કે મહારાષ્ટ્ર, યૂપી અને પશ્ચિમ બંગાળમાં સૌથી મોટો ખેલા થયો છે.
બંગાળમાં મોટો ઉલટફેર થયો છે. સત્તારુઢ તૃણુમૂલ કોંગ્રેસ ભાજપથી ઘણી જ આગળ છે. TMC 29 સીટ પર આગળ છે. 2019માં 18 સીટ જીતનારી ભાજપ માત્ર 12 સીટ પર આગળ. કોંગ્રેસ એક સીટ પર આગળ છે.
મંડી સીટમાંથી ભાજપના ઉમેદવાર કંગના રનૌત ચૂંટણી જીતી ગયા છે. કંગનાએ વિક્રમાદિત્યા સિંહે 72,696 મતથી હરાવી દીધા છે.
કેરળમાં પહેલી વખત કમલ ખીલતું જોવા મળી રહ્યું છે. ત્રિશૂર સીટ પરથી ભાજપના સુરેશ ગોપી ચૂંટણીમાં મોટા અંતરથી આગળ ચાલી રહ્યાં છે.
દિગ્વિજય સિંહ પોતાન સીટ રાજગઢમાં પાછળ ચાલી રહ્યાં છે. પોતાની હાર જોતા દિગ્ગી રાજાએ જાહેરાત કરી કે હવે તેઓ ચૂંટણી નહીં લડે.
વડાપ્રધાન મોદી અને અમિત શાહે TDPના ચીફ ચંદ્રબાબૂ નાયડૂને ફોન કરીને તેમણે આંધ્રપ્રદેશમાં 16 સીટ પર આગળ ચાલવા માટે અભિનંદન આપ્યા. નાયડૂ કેન્દ્રમાં કિંગમેકરની ભૂમિકા ભજવી શકે છે.
કર્ણાટકની ચિત્રદુર્ગ લોકસભા સીટ પર ભાજપે જીત મેળવી છે. ભાજપના ઉમેદવાર ગોવિંદ મકથપ્પા કરજોલે પોતાના પ્રતિદ્વંદી કોંગ્રેસના ઉમેદવાર બીએન ચંદ્રપ્પાને 48,121 વોટના અંતરથી માત આપી છે. ચૂંટણી પંચ મુજબ ગોવિંદ મકથપ્પા કરજોલને કૂલ 6,84,890 વોટ મળ્યા જ્યારે કોંગ્રેસ ઉમેદવારને 6,36,769 મત મળ્યા.
પંજાબના પૂર્વ સીએમ અને કોંગ્રેસ ઉમેદવાર ચરણજીત સિંહ ચન્નીએ જલંધર લોકસભા સીટ પરથી જીત મેળવી છે. તેમણે ભાજપના ઉમેદવાર સુશીલ કુમાર રિન્કૂને 1,75,993 મતના અંતરથી હરાવ્યા છે.
JDUએ સ્પષ્ટ કર્યું કે નીતિશ કુમાર અને તેમની પાર્ટી NDAની સાથે જ રહેશે.
ઉમર અબ્દુલ્લાએ પોતાની હાર સ્વીકારી લીધી છે. તેમણે કહ્યું કે હું મારી હાર સ્વીકારું છું અને તેમણે એન્જિનિયર રાશિદને અભિનંદન આપ્યા છે.
ભાજપે બે સીટ પર જીત મેળવી છે. ચૂંટણી પંચે સૂરત અને જયપુરમાં પાર્ટી ઉમેદવારની જીતની જાહેરાત કરી છે.
લોકસભા ચૂંટણીમાં ભાજપ હજુ બહુમતીના આંકડાથી ઘણાં પાછળ ચાલી રહ્યાં છે. કોંગ્રેસ નેતા જયરામ રમેશે વડાપ્રધાન મોદીના રાજીનામાની માગ કરી છે. જયરામ રમેશે કહ્યું કે, આ પુરવાર થઈ રહ્યું છે કે હાલના વડાપ્રધાન ભૂતપૂર્વ વડાપ્રધાન બનવા જઈ રહ્યાં છે. હવે તેઓ નૈતિક જવાબદારી સ્વીકારે અને રાજીનામું આપે.
વલણમાં અનેક દિગ્ગજ નેતા ચૂંટણી હારી રહ્યાં છે. થરુર, અધીર રંજન, સ્મૃતિ ઈરાની સહિત અનેક નેતાઓ પાછળ ચાલી રહ્યાં છે.
બિહારમાં નીતિશ કુમારનો જલવો કાયમ જોવા મળી રહ્યો છે. JDUની 15 સીટ પર આગળ ચાલી રહી છે.
વલણમાં શશિ થરુરને ઝાટકો લાગ્યો છે. થરુર ભાજપ ઉમેદવાર રાજીવ ચંદ્રશેખરથી પાછળ ચાલી રહ્યાં છે.
વલણમાં ભાજપને 62 સીટનું નુકસાન થઈ રહ્યું છે. ઉત્તરપ્રદેશ અને બંગાળમાં સૌથી વધુ નુકસાન થઈ રહ્યું છે.
પંજાબની ખડૂર સાહિબ સીટ પરથી અમૃતપાલ સિંહ 1 લાખ વોટોથી આગળ ચાલી રહ્યું છે. ખાલિસ્તાન સમર્થક અમૃતપાલ NSA અંતર્ગત આસામની ડિબ્રૂગઢ જેલમાં બંધ છે.
બંગાળની બેહરામપુર સીટથી અધીર રંજન ચૌધરીને ઝાટકો લાગ્યો છે. યુસુફ પઠાન કાંટાની ટક્કર આપી રહી છે. પઠાન 600 વોટથી આગળ ચાલી રહ્યું છે.
મહબૂબા મુફ્તી અને ઉમર અબ્દુલ્લા પોતાની સીટથી પાછળ ચાલી રહ્યાં છે. વલણમાં ઉમર 58 હજાર તો મહબૂબા લગભગ 1.5 લાખ વોટથી પાછળ છે.
ચૂંટણી પંચે તમામ 543 સીટ પર વલણ જાહેર કર્યા છે. વલણમાં NDAને બહુમતી મળી રહી છે, પરંતુ ભાજપ બહુમતીથી ઘણું જ પાછળ છે.
ઈન્દોરમાં NOTAને 90 હજારથી વધુ વોટ મળ્યા છે. કોંગ્રેસ ઉમેદવાર દ્વારા નામ પરત ખેંચાયા બાદ પાર્ટીએ NOTAને વોટ આપવાની અપીલ કરી હતી. અહીં ભાજપ ઉમેદવાર શંકર લાલવાની લગભગ 4 લાખ વોટથી આગળ છે.
ભાજપ ઓડિશામાં 16 બેઠક પર આગળ, બીજેડી 3 બેઠક જ્યારે કોંગ્રેસ 2 બેઠક પર આગળ
વારાણસી બેઠકથી વડાપ્રધાન નરેન્દ્ર મોદી 9066 મતથી આગળ
અમેઠીથી કોંગ્રેસ ઉમેદવાર કિશોરી લાલ 10 હજાર કરતા વધુ મતથી આગળ, ભાજપ ઉમેદવાર સ્મૃતિ ઈરાની પાછળ
વારાણસીથી વડાપ્રધાન નરેન્દ્ર મોદી 600 મતથી આગળ થયા
NDA-291 INDIA-210 OTHER-42
વારાણસીથી વડાપ્રધાન નરેન્દ્ર મોદી 1500 મતથી પાછળ, કોંગ્રેસ ઉમેદવાર અજય રાય આગળ
વારાણસીથી વડાપ્રધાન નરેન્દ્ર મોદી 4 હજાર મતથી પાછળ, કોંગ્રેસ ઉમેદવાર અજય રાય આગળ
દિલ્હીની સાતેય બેઠકો પર ભાજપ આગળ
વલણમાં ઉત્તર પ્રદેશમાં સમાજવાદી પાર્ટી ભાજપથી આગળ નીકળી
પ્રારંભિક વલણમાં ભાજપને મળ્યું બહુમત, ઈન્ડી ગઠબંધન 100 બેઠકને પાર
પશ્ચિમ બંગાળમાં ભાજપ અને ટીએમસી વચ્ચે કાંટાની ટક્કર
કોંગ્રેસ ઉમેદવાર શશિ થરુર પાછળ
NDA-218 INDIA-93 OTHER-32
ભાજપના સાંસદ અને ગોરખપુરના ઉમેદવાર રવિ કિશને મતગણતરી પહેલા કહ્યું કે, "આ ઐતિહાસિક છે, રામ રાજ્ય ચાલુ રહેશે. વિશ્વના સૌથી મોટા નેતા ત્રીજી વખત વડાપ્રધાન બનવા જઈ રહ્યા છે... દેશના લોકોએ દેશને જીતાડ્યો છે. અને પીએમ મોદી પર વિશ્વાસ મૂક્યો..."
નવી દિલ્હી લોકસભા સીટ પરથી ભાજપના ઉમેદવાર બાંસુરી સ્વરાજ મતગણતરી પહેલા કહ્યું કે, "...મને પૂરો વિશ્વાસ છે કે આજે ભારતની જનતા ભાજપની લોકકલ્યાણની નીતિઓ પસંદ કરશે, આપણા વડાપ્રધાન નરેન્દ્ર મોદીની વિકાસની નીતિઓ પસંદ કરશે... હું જાણું છે કે ત્રીજી વખત ફિર મોદી સરકાર."
લોકસભા ચૂંટણીના પરિણામો પહેલા દિલ્હીમાં ભાજપ કાર્યાલયમાં પૂરી અને મીઠાઈ તૈયાર કરવામાં આવી રહી છે.
ભાજપ ગુજરાતની સુરત બેઠક પર બિનહરિફ જીતી ચૂક્યું છે. અહીં ભાજપના ઉમેદવાર મુકેશ દલાલ બિનહરિફ જીત્યા છે.
ઈવીએમની મતગણતરી સવારે 8.30 વાગ્યાથી શરૂ થશે. જો આ દરમિયાન પોસ્ટલ બેલેટની ગણતરી પૂર્ણ નહીં થાય તો પોસ્ટલ બેલેટ અને ઈવીએમની ગણતરી એક સાથે હાથ ધરવામાં આવશે. આ સાથે VVPAT સ્લિપની ગણતરી પણ શરૂ કરવામાં આવશે. દરેક વિધાનસભા મતવિસ્તારમાં પાંચ બૂથની EVM સ્લિપની ગણતરી કરવામાં આવશે. તે રેન્ડમાઇઝેશન દ્વારા પસંદ કરવામાં આવશે.
પોસ્ટલ બેલેટની ગણતરીના વિવાદ બાદ મુખ્ય ચૂંટણી કમિશનર રાજીવ કુમારે સોમવારે સ્પષ્ટતા કરી છે કે પોસ્ટલ બેલેટની ગણતરી સાથે જ મત ગણતરી શરૂ થશે. આમાં કોઈ ફેરફાર કરવામાં આવ્યો નથી. જેઓ પોસ્ટલ બેલેટની ગણતરીમાં વિલંબનો આરોપ લગાવી રહ્યા છે તે સંપૂર્ણપણે ખોટા છે. નિયમો હેઠળ પોસ્ટલ બેલેટથી મત ગણતરી શરૂ થશે.
વિપક્ષના પોતાના દાવા હતા કે આ વખતે ઈન્ડિયા ગઠબંધનની સરકાર બનશે. જો કે આ દાવા વચ્ચે મતદાનના છેલ્લા તબક્કા પછી તરત જ આવેલા એક્ઝિટ પોલના અનુમાનમાં ભાજપને 300થી વધુ અને એનડીએને 350થી વધુ બેઠકો મળી હતી, જ્યારે વિપક્ષના સપના ચકનાચૂર થઈ ગયા હતા. જો કે 4 જૂને યોજાનારી મતગણતરી માટે સૌ કોઈ રાહ જોઈ રહ્યા છે. ભાજપને વિશ્વાસ છે કે એનડીએ સતત ત્રીજી વખત પૂર્ણ બહુમતી સાથે સરકાર બનાવવા જઈ રહ્યું છે અને સતત ત્રીજી વખત વડાપ્રધાન તરીકે શપથ લઈને નરેન્દ્ર મોદી પૂર્વ વડાપ્રધાન જવાહર લાલ નેહરુના રેકોર્ડની બરાબરી કરશે.
આ વખતે 18મી લોકસભા માટે સાત તબક્કામાં મતદાન થયું હતું. ત્રીજી વખત કેન્દ્રમાં એનડીએને સત્તામાં આવતા રોકવા માટે વિપક્ષો એક થયા અને મોટાભાગના વિપક્ષી પક્ષોએ કોંગ્રેસ સાથે હાથ મિલાવીને INDIAના નામે નવું ગઠબંધન કર્યું. એનડીએ પણ રાજ્યવાર પક્ષોના મહત્વને ધ્યાનમાં રાખીને તેના રાજકીય કુળનો વિસ્તાર કર્યો. કાળઝાળ ગરમી વચ્ચે યોજાયેલી ચૂંટણીમાં પક્ષો અને વિપક્ષો વચ્ચે રાજકીય ગરમાવો જોવા મળ્યો હતો અને પરસેવો પાડતાં પણ તમામ પક્ષોએ પોતપોતાની ક્ષમતા મુજબ શ્રેષ્ઠ પ્રયાસો કર્યા હતા. આ વખતે વડાપ્રધાન નરેન્દ્ર મોદીની લોકપ્રિયતા હેઠળ મેદાનમાં ઉતરેલી ભાજપે ભાજપને 370થી આગળ અને એનડીએને 400થી આગળ લઈ જવાનો નિર્ધાર કર્યો હતો.