Sat Dhan No Khichdo Recipe: મકરસંક્રાંતિ એટલે કે ઉત્તરાયણ આવે એટલે અવનવી વાનગીઓ પણ આવે. આમાની એક વાનગી એટલે સાત ધાનનો ખીચડો. ગરમા ગરમ આ ખીચડો ખાવાની એટલી મજા પડે કે ન પૂછો વાત. જ્યારે પ્લેટમાં આ સાત ધાનનો ખીચડો હોય ત્યારથી જ મોઢામાં પાણી આવી જાય છે. તો ચાલો આજે જોઈએ સાત ધાનનો ખીચડો બનાવવાની સરળ રેસીપી.
જરૂરી સામગ્રી
- જરૂરી ધાન: ચણાની દાળ, વાલ, તુવેરની દાળ, ચોળી, મગ,ચોખા, મસૂર, બાજરો, જુવોર, ઘઉંના ફાડા તમારા ટેસ્ટ મુજબ ધાન ઉમેરી શકો છો,
- બટાકું,
- ગાજર,
- લીલું લસણ,
- વટાણા,
- મરચું લીલું,
- હળદર,
- કાજુના ટુકડા,
- ટમેટા,
- હિંગ,
- ધાણાજીરું
- સિંગના દાણા,
- ચટણી,
- ગરમ મસાલો,
- કોથમરી,
- તેલ,
- મીઠું,
બનાવવાની રીત
- પહેલા તમામ ધાન મિક્સ કરી 12 કલાક પલાળી રાખવા.
- પછી પાણીથી ધોઈ, પાણી નિકાળી દો.
- પછી બધા ધાનને કુકરમાં મૂકી દો.
- તેમા મીઠું, પાણી અને સિંગના દાણા ઉમેરી બાફી લો.
- તમામ ધાન બરાબર બફાઈ ગયા પછી. બીજા કૂકરમાં લીલાચણા, લીલીતુવેર, અને થોડા લીલા વટાણા, થોડું મીઠું અને પાણી ઉમેરી તેને બાફી લો.
- પછી આદુ, લસણ, લીલીહળદળ, મરચાની પેસ્ટ બનાવી લો.
- હવે ખીચડાને વધારીશું, કડાઈમાં તેલ ગરમ મૂકી તેમા રાઈ, તજ, તમાલપત્ર,મરી, સુકા મરચા, જીરુ અને અજમો ઉમેરીશું
- આ મસાલો સતળાઈ ગયા પછી તેમા મીઠો લીમડો, બટાકુ, ગાજર, આદુ-લસણની પેસ્ટ ઉમેરો.
- પછી તેને સાતળો. બટાકા-ગાજર સોફ્ટ થઈ ગયા પછી. કાજુના ટુકડા, ટમેટા ઉમેરી હલાવો.
- પછી તેમા બધા મસાલા ઉમેરો જેમકે હળદર, લાલ મરચુ, ધાણાજીરું, હિંગ, ગરમ મસાલો, જીણું કાપેલું લીલું લસણ ઉમેરી મિકસ કરો.
- બધુ સતળાઈ ગયા પછી લીલા બાફેલા ચણા-તુવેર અને બીજા તમામ બાફેલા ધાન ઉમેરીશું.
- બધુ સારી રીતે મિક્સ કરી દો.
- જરૂર મુજબ પાણી ઉમેરી શકો છો.
- બની ગયા પછી થોડીવાર રહેવા દો એટલે સ્વાદ મસ્ત આવશે. પછી કોથમરી ઉમેરી પીરશો. (તસવીર સૌજન્ય પ્રિન્ટરેસ્ટ)
ઝડપી અને વિશ્વસનીય સમાચારો માટે ડાઉનલોડ કરો ગુજરાતી જાગરણની ન્યૂઝ એપ.