Vadodara News: સાવલી તાલુકાના મોકસી ગામની સીમમાં આવેલ ખેતરના ઝુંપણા અને મકાનમાં એસઓજી પોલીસે મોટી કાર્યવાહી કરી છે. સમગ્ર કાર્યવાહીમાં પોલીસે ડ્રગ્સ બનાવવાની મશીનરી રો મટીરીયલ સહિત મોટો જથ્થો ઝડપી પાડ્યો છે. તેમજ બે ઈસમોની અટકાયત કરી ઝીણવટભરી તપાસ હાથધરી છે. દસ વર્ષ પૂર્વે ડ્રગ્સના કેસમાં ઝડપાયેલો ઈસમ ફરીથી આ બનાવમાં શંકાના દાયરામાં આવ્યો છે.
વડોદરા જિલ્લાના સાવલી તાલુકાના મોકસી ગામે એસઓજી દ્વારા સિન્થેટિક ડ્રગ્સ ઝડપી પાડવામાં આવ્યું છે. હાલ પણ પોલીસની તપાસ અને કાર્યવાહી ચાલુ હોવાનું જાણવા મળ્યું છે. પોલીસે 2 ઈસમોની અટક કરીને પૂછપરછ હાથ ધરવામાં આવી છે. પ્રાથમિક માહિતી મુજબ 10 વર્ષ અગાઉ પ્રતિબંધિત પદાર્થના ગુનામાં સંડોવાયેલા ઈસમ ફરીથી આ બનાવમાં શંકાના દાયરામાં આવ્યા છે.
આધારભૂત સૂત્રો દ્વારા મળતી માહિતી મુજબ અટકમાં લેવાયેલ ઈશમ જે તે સમયે ડ્રગ્સના કેસનો આરોપી હોવાનું જાણવા મળ્યું છે ત્યારબાદ એ કેસમાંથી તે નિર્દોષ છૂટીને પરત આ સિન્થેટિક ડ્રગ્સની ડીલેવરી પેડલાને કરવાની માહિતીના પગલે જિલ્લા આધારે વોચ રાખીને દરોડા પાડ્યા હતા. પોલીસે હાલ તમામે કંઈ પણ કહેવાનો ઇનકાર કર્યો છે. હાલ લિક્વિડ અને ઘન પદાર્થ શંકાસ્પદ જથ્થાની ચકાસણી કરવામાં આવી રહી છે.