Gujarat Weather Alert : હવામાન વિભાગ દ્વારા આજે બપોરે ચાર વાગ્યે આગામી ત્રણ કલાક માટેનું વરસાદ અંગેનું નોટિફિકેશન જારી કરવામાં આવ્યું હતું. જેમાં ઉત્તર ગુજરાત અને દક્ષિણ ગુજરાતના અમુક જિલ્લાઓમાં ભારે વરસાદની જ્યારે અમદાવાદ સહિતના જિલ્લાઓમાં હળવોથી મધ્યમ વરસાદની શક્યતા વ્યક્ત કરાઇ છે. આ નોટિફિકેશન અનુસાર બનાસકાંઠા, સાબરકાંઠા અને સુરત જિલ્લામાં ભારે વરસાદ થઇ શકે છે.
ભારે વરસાદની ચેતાવણી
હવામાન વિભાગ અનુસાર સાંજે સાત વાગ્યા સુધીમાં બનાસકાંઠા, સાબરકાંઠા, અરવલ્લી, તાપી, સુરત જિલ્લામાં ગાજવીજ સાથે ભારે વરસાદ થઇ શકે છે.
હળવોથી મધ્યમ વરસાદની ચેતાવણી
આ ઉપરાંત પાટણ, મહેસાણા, ગાંધીનગર, અમદાવાદ, ખેડા, મહીસાગર, દાહોદ, પંચમહાલ, આણંદ, વડોદરા, છોટા ઉદેપુર, નર્મદા, ભરૂચ, નવસારી, ડાંગ, વલસાડ, ભાવનગર, અમરેલી, ગીર સોમનાથ, દીવ, સુરેન્દ્રનગર, બોટાદ અને જૂનાગઢ જિલ્લામાં મધ્યમ વરસાદ થઇ શકે છે. મોરબી, રાજકોટ, જામનગર, દેવભૂમિ દ્વારકા, પોરબંદર અને કચ્છ જિલ્લામાં હળવો વરસાદ થવાની શક્યતા છે.