"નમસ્કાર હું છું દિવ્યા ચૌધરી અને જણાવતા ખૂબ જ આનંદ થાય છે કે ગુજરાતી જાગરણને ત્રણ વર્ષ પૂરા થવા જઈ રહ્યા છે અને ચોથા વર્ષમાં પ્રવેશ કરવા જઈ રહ્યા છે તો એમની આખી ટીમને હું દિવ્યા ચૌધરી ખૂબ ખૂબ શુભેચ્છાઓ પાઠવું છું. અને ડિજિટલ મીડિયાની દુનિયામાં પોતે ચોથા ક્રમે આવે છે તો આ મહેનત એમની સફળ બની છે તો એ બાબતે પણ આખી ટીમને ખૂબ ખૂબ શુભેચ્છાઓ પાઠવું છું. અને આવી જ રીતે સાચા ન્યુઝ લોકો સુધી પહોંચાડો અને બસ આવી જ રીતે ખૂબ આગળ વધો એવી શુભકામનાઓ જય માતાજી.

નમસ્કાર હું છું હેવાંગ દવે અને ગુજરાતી જાગરણને ગુજરાતમાં થઈ રહ્યા છે ત્રણ વર્ષ પૂરા 9મી સપ્ટેમ્બરે. તો મારા વતી ખૂબ બધી શુભકામનાઓ થેન્ક્યુ.

હાય આઈ એમ ગ્રેન્સી કનેરિયા. આજે ગુજરાતી જાગરણને ત્રણ વર્ષ પૂરા થઈ રહ્યા છે તો હેપ્પી એનિવર્સરી ટુ યુ. ગુજરાતી જાગરણ માટે ખૂબ ખૂબ શુભેચ્છાઓ. બસ આવી રીતે જ સમાચારો બધાને પહોંચાડતા રહો અને ધીમે ધીમે આખી દુનિયાને પહોંચડતા રહો એવી મારી શુભેચ્છાઓ છે.

આજે મને કહેતા આનંદ થાય છે કે દૈનિક જાગરણનું ગુજરાતી જાગરણમાં 9મી સપ્ટેમ્બરે ત્રણ વર્ષ પૂર્ણ થવા જઈ રહ્યા છે. ત્યારે ત્રણ વર્ષની અંદર ગુજરાતી જાગરણે જે પ્રમાણે દૈનિક જાગરણને ઉજાગર કર્યું છે તે ખરેખર અભિનંદનીય છે દરેક સમાચારની સચોટતા સાથે સત્યની સાથે રહીને દૈનિક જાગરણ ગુજરાતીએ જે પ્રમાણે પોતાની વિશ્વાસનીયતા ઊભી કરી છે એના માટે આજે મને અભિનંદન આપતા ખૂબ જ આનંદની લાગણી થાય છે કહી શકાય કે ડિજિટલ મીડિયામાં ચોથા નંબરે રહેલું આ દૈનિક જાગરણ એ ખરેખર એક વિશ્વાસ સાથેના સમાચાર પૂરા દેશની અંદર જે પ્રમાણે પ્રસારિત કરી રહેલ છે અને એનું ગુજરાતી જાગરણ જ્યારે ગુજરાતની અંદર ત્રણ વર્ષ પૂરા કરતું હોય ત્યારે એ સમગ્ર ટીમને અને એના તમામ સંચાલકોને આ તબક્કે ખૂબ ખૂબ અભિનંદન પાઠવું છું. વિશ્વ ઉમિયા ફાઉન્ડેશનની સમગ્ર ટ્રસ્ટીઓની ટીમ અને સમગ્ર કાર્યકર્તાઓ આ દૈનિક જાગરણના ગુજરાતી જાગરણને ત્રણ વર્ષ પૂરા થવાની સાથે તેમને ખૂબ ખૂબ અભિનંદન પાઠવે છે અને આવનાર દિવસમાં વધુમાં વધુ સફળતા પ્રાપ્ત કરે અને ખૂબ સારો વિશ્વાસ પ્રજાનો મેળવીને એક નિડર પત્રકાર તરીકે એક નિડર અખબાર તરીકે એક નિડરતા સાથે સત્યની સાથે રહીને જે કઈ સમાજ પ્રજાના હિતમાં હોય પણ સત્ય હોય એ પ્રકારના કાર્યમાં હંમેશા સફળ બને તેવી મારી ખૂબ ખૂબ શુભેચ્છાઓ છે. અને ફરી એક વખત સમગ્ર ટીમમાં જે કોઈ મિત્રોએ આ કાર્ય કરીને આ દૈનિક જાગરણને આ તબક્કા સુધી લાવવામાં પોતાનું તન મન અને ધન જેમને આપ્યું છે એવા દરેક મિત્રોને હૃદયપૂર્વક ખૂબ ખૂબ અભિનંદન પાઠવું છું.

પ્રિય ગુજરાતી જાગરણ ન્યુઝ ટીમ, તમારી વેબસાઇટના ત્રણ વર્ષની શાનદાર સફર પૂર્ણ થવા જઈ રહી છે તે બદલ અને ટોપ પાંચ ન્યુઝ વેબસાઇટમાં સ્થાન પ્રાપ્ત કરવા બદલ હું એક હૃદયથી હાર્દિક શુભેચ્છા પાઠવું છું. સાથે સાથે અભિનંદન પણ આપું છું. એટલા માટે કે હંમેશા લોક જાગૃતિનું કામ આ ચેનલના માધ્યમથી થઈ રહ્યું છે. આ ચેનલની એટલે તમારી નિષ્ઠા, સખત મહેનત અને એની સાથે સાથે સત્ય પ્રત્યેની પ્રતિબદ્ધતા એ ગુજરાતી જાગરણ ન્યુઝને ગુજરાતી ખાસ કરીને શુભેચ્છકો હોય, પાઠકો હોય એના હૃદય વિશેષ સાથે તમે બધાએ સ્થાન પ્રાપ્ત કર્યું છે. એટલું જ નહીં પણ જે રીતે ખાસ કરીને આ ચેનલના માધ્યમથી લોક જાગૃતિનું કાર્ય, એ ઉપરાંત રાજ્ય સરકારની હોય કે લોક પ્રશ્નોને સાચા પ્રશ્નોને વાંચા આપવાનું કામ હંમેશા આ ચેનલના માધ્યમથી થતું રહ્યું છે અને એ ગુણવત્તાસભર હંમેશા સમાચારો અને ચેનલના માધ્યમથી લોકો સુધી પહોંચતા રહ્યા છે અને એને ધ્યાનમાં રાખીને ફરી હું આપણી આખી પ્રિય ગુજરાતી જાગરણ ન્યુઝ ચેનલના ટીમના બધા જ મિત્રોને મારી હાર્ટલી શુભેચ્છા પાઠવું છું. ખૂબ આગળ વધો અને હંમેશા સત્યની સાથે, લોકોના પ્રશ્નોને વાંચા આપવાની સાથે, લોકોના હૃદયમાં સ્થાન આ ચેનલે પ્રાપ્ત કર્યું છે, એમાં આગળ વધો એવી મારી શુભેચ્છા.

દૈનિક જાગરણનું ગુજરાતી જાગરણ, ડિજિટલને ત્રણ વર્ષ પૂરા કરી અને ચોથા વર્ષમાં પ્રવેશ કરી રહ્યું છે. ત્રણ વર્ષની એની કામગીરી અને ચોથા વર્ષમાં સફળતાપૂર્વક એનો પ્રવેશ એ ડિજિટલ માધ્યમ દ્વારા સમાચાર અને સમાચાર દ્વારા લોકોમાં જાગૃતિ ફેલાવવાનું જે પ્રશંસનીય કામ એમના તરફથી થઈ રહ્યું છે, ખૂબ ખૂબ અભિનંદન. તમામે તમામ ડિજિટલ જાગરણના કર્મચારીઓને મારી ખૂબ ખૂબ શુભેચ્છાઓ અને સાથે સાતત્યપૂર્ણ રીતે જે રીતે સમાચાર સકારાત્મક લોકો સુધી પહોંચાડવાનું કામ અને લોક પ્રશ્નો પણ યોગ્ય માધ્યમો સુધી પહોંચાડવાનું કામ કર્યું છે, એમને ખૂબ ખૂબ હું અભિનંદન પણ આપું છું અને ચોથા વર્ષમાં પણ એમની આજ યાત્રા સફળતાપૂર્વક ચાલુ રહે એવી શુભેચ્છાઓ આપું છું.

નમસ્કાર ગુજરાતી જાગરણ ન્યુઝ છેલ્લા ત્રણ વર્ષથી સતત વેબસાઈટ ન્યુઝ ચેનલમાં નિષ્ઠા, ન્યાય, અંત્યોદય સુધીની સુવિધા પૂરી પાડવા માટે એમની ટીમ અથાક પ્રયત્ન કરી રહી છે, ત્યારે હું એમને ત્રણ વર્ષ પૂર્ણ કરવા બદલ હૃદયપૂર્વકની શુભકામના પાઠવું છું. ટોપ પાંચ વેબસાઈટ ન્યુઝ ચેનલમાં એમનું સ્થાન પ્રાપ્ત થયું છે, એ જ સૂચવે છે કે એમણે પત્રકાર દાયિત્વ નિભાવીને સમાજના વંચિત લોકોને ન્યાય આપવાનું, અન્યાય સામે અવાજ ઉઠાવીને ન્યાય અપાવાનું, અનેક પ્રકારની યોજનાઓથી વંચિત રહેલા લોકોને એનો લાભ અપાવો વગેરેનું સમાજ નિર્માણનું એક મીડિયા દ્વારા આ કામ થઈ રહ્યું છે, ત્યારે ખરેખર મીડિયા પણ એક સમાજનું વિકાસ માટેનો ખૂબ મહત્વનો રોલ હોય છે. એમાંની ગુજરાતી જાગરણ ન્યુઝ વેબસાઇટ ચેનલે જે ત્રણ વર્ષથી ભગીરથ પ્રયાસ કર્યા છે, એમના તમામ પત્રકાર મિત્રો અને એમની ટીમને હૃદયપૂર્વકની શુભકામના પાઠવું છું.

ભારતના અગ્રણી મીડિયા સમૂહ જાગરણ ન્યૂ મીડિયાના ગુજરાતી પોર્ટલ GujaratiJagran.comને ત્રણ વર્ષની શાનદાર સફર પૂર્ણ કરવા બદલ હાર્દિક અભિનંદન. આપની નિષ્ઠા, સખત મહેનત અને પ્રતિબદ્ધતા થકી ગુજરાતી જાગરણ ન્યૂઝ પોર્ટલે ગુજરાતી વાચકોના હ્રદયમાં વિશેષ સ્થાન પ્રાપ્ત કરવાની સાથે-સાથે ટોચની ગુજરાતી ન્યૂઝ વેબસાઈટમાં સ્થાન હાંસલ કર્યું તે પ્રશંસનીય છે. ગુણવત્તાયુક્ત પત્રકારત્વ થકી લોકોના જીવનમાં પણ સકારાત્મક પરિવર્તન આવે તે લક્ષ્યપ્રાપ્તિ માટે ઉત્સાહ અને સમર્પણ સાથે કાર્યરત રહીને નવી ઊંચાઈઓ સર કરો. તેવી શુભકામનાઓ!

જનતંત્રમાં નિષ્પક્ષ અને પ્રમાણિકપણે પ્રકાશિત સમાચારો જનચેતના માટેનું મહત્વપૂર્ણ માધ્યમ છે. છેવાડાના માનવી સુધી સરકારની વિકાસલક્ષી યોજનાઓ પહોંચાડવામાં મીડિયાની પ્રભાવશાળી ભૂમિકા રહી છે. જન જનને તથ્યોથી અવગત કરાવવામાં અને જનસંવેદનાને વાચા આપવા માટે ગુજરાતી જાગરણ ડિજિટલ ન્યુઝ પ્લેટફોર્મ મહત્વનું યોગદાન આપી રહ્યું છે. ગુજરાતી જાગરણ ડિજિટલ ન્યુઝ પ્લેટફોર્મ 3 વર્ષ પૂર્ણ કરી વાચકોમાં લોકપ્રિય બન્યું છે. આપ સૌ માટે પત્રકારત્વક્ષેત્રની ઉજ્જવળતા અને લોકકલ્યાણ આદર્શ તથા રાષ્ટ્ર સેવાનો સાચો પથદર્શક બની રહી સફળ નીવડે તેવી હાર્દિક શુભકામનાઓ સાથે સર્વેને અભિનંદન પાઠવું છું.

ગુજરાતી જાગરણના ૩ વર્ષ પૂરાં થવાના આ અવસરે હું દિલથી ખૂબ ખૂબ શુભેચ્છાઓ પાઠવું છું. ગુજરાતી જાગરણએ ટૂંકા ગાળામાં જ સમાચાર જગતમાં પોતાનું આગવું સ્થાન બનાવ્યું છે અને વાચકોનો વિશ્વાસ જીત્યો છે. મને આનંદ છે કે ડિજિટલ યુગમાં ગુજરાતી ભાષા અને સમાજના પ્રશ્નોને ઉજાગર કરવામાં તમે અગ્રેસર રહ્યા છો. સત્ય અને નિષ્પક્ષ પત્રકારિતાના માર્ગ પર આગળ વધતા રહો તેવી પ્રાર્થના. ગુજરાતના પ્રત્યેક નાગરિકના હિત માટે તમારી કલમ હંમેશા મજબૂત બની રહે, એ જ મારી શુભકામના છે.

ડિજિટલ ન્યુઝ પ્લેટફોર્મ “ગુજરાતી જાગરણ” ને ત્રણ વર્ષની યાત્રા પૂર્ણ કરી ચોથા વર્ષમાં મંગલ પ્રવેશ પ્રસંગે શુભેચ્છાઓ પાઠવું છું. વર્તમાન સમયમાં ડિજિટલ પ્લેટફોર્મ મારફતે પ્રચાર-પ્રસાર અને વપરાશકારોને સરકારી યોજનાઓ, સહાય વિશેની સચોટ માહિતી અને નિષ્પક્ષ સમાચાર લોકો સુધી પહોંચાડવામાં ગુજરાતી જાગરણ દ્વારા પ્રયત્ન થયા છે. આ ઉપરાંત સમયાંતરે જનજાગૃતિ, લોકશિક્ષણ, મનોરંજન જેવી બાબતોમાં માહિતીસભર ભાથું પીરસીને હકારાત્મક લોકમાનસનું ઘડતર કરે છે. “ગુજરાતી જાગરણ” ઉત્તરોત્તર સફળતાઓ સાથે ખૂબ નામના મેળવે તેવી અભ્યર્થના સહ આ ડિજિટલ ન્યુઝ પ્લેટફોર્મની સમગ્ર ટીમને હૃદયપૂર્વકની શુભકામનાઓ અને અભિનંદન પાઠવું છું.

ભારત સતત વિકાસના પંથે આગળ વધી રહ્યું છે ત્યારે રાષ્ટ્ર ઘડતરમાં મીડિયા એક આધારસ્તંભ છે. આપના ડિજીટલ ન્યૂઝ પ્લેટફોર્મ "ગુજરાતી જાગરણ" ત્રણ વર્ષ પૂર્ણ કરી ચોથા વર્ષમાં પ્રવેશના સમાચાર સાંભળી આનંદ આવ્યો. લોકશાહી સર્વોત્તમ શાસન પદ્ધતિ છે. રોજબરોજની સાંપ્રત ઘટનાઓને આપના માધ્યમથી સચોટ માહિતી દેશના છેવાડાના માનવી સુધી પહોંચે તેવી આશા છે અને આપની ચેનલના માધ્યમથી સરકારની કલ્યાણકારી યોજનાઓ ગુજરાતનાં જન-જન સુધી પહોંચે તેમજ લાભાન્વિતોને દરેક યોજનાઓના લાભમળે તેવા સંદેશ સાથે હાર્દિક શુભકામનાઓ સહ ખૂબ ખૂબ અભિનંદન..