IND vs PAK Final: ટીમ ઇન્ડિયાએ એશિયા કપ 2025 જીત્યો, પરંતુ ટીમે મોહસિન નકવી પાસેથી ટ્રોફી લેવાનો ઇનકાર કરી દીધો. હવે એક વીડિયો સામે આવ્યો છે, જેમાં મોહસિન નકવી ટ્રોફી આપવા માટે રાહ જોઈ રહ્યા છે, પરંતુ ટીમ ઇન્ડિયાના ખેલાડીઓ મોબાઇલ વાપરી રહ્યા હતા. આ વીડિયો સોશિયલ મીડિયા પર વાયરલ થઈ રહ્યો છે.
મેચ પછી ACC અધ્યક્ષ અને PCB ચીફ મોહસિન નકવી રાહ જોતા રહ્યા, પરંતુ ટીમ ઇન્ડિયાએ તેમની પાસેથી ટ્રોફી લેવાનો સ્પષ્ટ ઇનકાર કરી દીધો. હવે એક વીડિયો સામે આવ્યો છે જેમાં ભારતીય ખેલાડીઓ મેદાન પર આરામથી મોબાઇલ વાપરી રહ્યા હતા, જ્યારે નકવી પોડિયમ પર ઊભા રહીને ટ્રોફી આપવાની રાહ જોતા હતા. આ શરમજનક ઘટનાનો વીડિયો વાયરલ થતાં મોહસિન નકવીની ભારે બેઇજ્જતી થઈ રહી છે.
આ પણ વાંચો
મોહસિન નકવીની બેઇજ્જતી
પહેલાથી જ જાણ કરવામાં આવી હતી કે ટીમ ઇન્ડિયાના કેપ્ટન સૂર્યકુમાર યાદવ મોહસિન નકવી પાસેથી ટ્રોફી સ્વીકારશે નહીં. તેમ છતાં નકવી ટ્રોફી આપવા માટે સ્ટેજ પર આવ્યા. તેમને લાગ્યું કે ટીમ ઇન્ડિયાના ખેલાડીઓ મજબૂરીમાં તેમની પાસેથી ટ્રોફી સ્વીકારી લેશે, પરંતુ એવું થયું નહીં. મોહસિને સ્ટેજ પર લાંબો સમય રાહ જોઈ, પરંતુ ટીમ ઇન્ડિયાના ખેલાડીઓ આવ્યા નહીં.
Well done team India ???
— ???????⁴⁵ (@rushiii_12) September 28, 2025
The Indian team chose not to receive the individual awards or the Asia Cup trophy while Mohsin Naqvi was present on stage.#INDvPAK pic.twitter.com/98g5sA3OjO
BCCIના સચિવ દેવજીત સૈકિયાએ સ્પષ્ટ કર્યું કે અમે ACC અધ્યક્ષ પાસેથી એશિયા કપ ટ્રોફી ન લેવાનો નિર્ણય કર્યો હતો, કારણ કે તે પાકિસ્તાનના મુખ્ય નેતાઓમાંથી એક છે. તેથી અમે તેમની પાસેથી ટ્રોફી ન લેવાનો નિર્ણય કર્યો. વાયરલ થયેલા વીડિયોમાં સ્પષ્ટ દેખાય છે કે મોહસિન અને અન્ય અધિકારીઓ સ્ટેજ પર ભારતને ટ્રોફી આપવા માટે રાહ જોઈ રહ્યા છે, જ્યારે ભારતીય ખેલાડીઓ મેદાન પર આરામથી મોબાઇલ વાપરી રહ્યા હતા. આમ, મોહસિને ફરી એકવાર પોતાની બેઇજ્જતી કરાવી.
મોહસિન નકવી ટ્રોફી અને મેડલ સાથે હોટલ લઈ ગયા
જો મોહસિન નકવી ઇચ્છતા તો કોઈ અન્ય ACC અધિકારીને ટ્રોફી પ્રસ્તુત કરવાની તક આપી શક્યા હોત. જોકે, તેમણે એવું ન કર્યું અને જ્યારે ભારતીય ટીમે તેમની પાસેથી ટ્રોફી સ્વીકાર્યો નહીં, ત્યારે તેમણે બેશરમી બતાવી. તેઓ ટ્રોફી અને મેડલ પોતાની સાથે જ હોટલ લઈ ગયા. જોકે આ ઘટના પછી તેમની સામે કડક કાર્યવાહી થવી નક્કી છે. BCCI સચિવ દેવજીત સૈકિયાએ સ્પષ્ટ કર્યું છે કે નવેમ્બરમાં ICCની બેઠક દરમિયાન તેઓ મોહસિનની આ હરકતનો વિરોધ કરશે.