IND vs PAK Final Live Score, Asian Games 2026: જાપાનમાં આયોજીત 20મી એશિયન ગેમ્સમાં ક્રિકેટની ફાઈનલ મેચમાં ભારત અને પાકિસ્તાન વચ્ચેનો મુકાબલો રસપ્રદ રહ્યો હતો. ભારતે પાકિસ્તાનને 19 રને હરાવી ગોલ્ડ મેડલ જીતી લીધો છે. આ રોમાંચક ફાઈનલ મેચનો લાઈવ સ્કોર અને મુખ્ય હાઈલાઈટ્સ જોવા વાંચો અહેવાલ...
ભારતના ખાતામાં ગોલ્ડ મેડલ, 19 રનથી જીત્યું
એશિયન ગેમ્સ 2026 મેન્સ ક્રિકેટ ફાઈનલ મેચમાં ભારતે પાકિસ્તાનને હરાવ્યું છે. ભારતે ફાઈનલ મેચ 19 રનથી જીતીને ગોલ્ડ મેડલ જાળવી રાખ્યો છે. ભારતના 212 રનના ટાર્ગેટ સામે પાકિસ્તાન 20 ઓવરમાં છ વિકેટ ગુમાવીને માત્ર 192 રન જ બનાવી શક્યું હતું. પાકિસ્તાનને છેલ્લી ઓવરમાં 33 રનની જરૂર હતી, એટલે કે છ બોલમાં છ છગ્ગા.
મેચ અંતિમ તબક્કામાં, રોમાંચક ચરમસીમાએ
ભારત અને પાકિસ્તાન વચ્ચેની મેચ હવે અંતિમ તબક્કામાં પહોંચી છે. 17 ઓવરના અંતે પાકિસ્તાનનો સ્કોર 4 વિકેટના નુકસાને 160 રન છે. હવે પાકિસ્તાનને જીતવા માટે 18 બોલમાં 52 રનની જરૂર છે. ક્રીઝ પર હસન નવાઝ અને અબ્દુલ સમદ ઉભા છે. હસન નવાઝે 40 બોલમાં 79 રન બનાવી પાકિસ્તાનને મજબૂત સ્થિતિમાં લાવી દીધું હતું.
ભારતને મોટી સફળતા, અયુબ આઉટ
શિવમ દુબેએ ભારતને તે વિકેટ અપાવી જેની તેને ખૂબ જરૂર હતી. દુબેએ 14મી ઓવરના પહેલા જ બોલે સુંદરના હાથે અયુબને કેચ આઉટ કરાવ્યો, જેનાથી પાકિસ્તાનને ચોથી વિકેટ મળી. અયુબે 22 બોલમાં 29 રન બનાવ્યા. તેણે પોતાની ઈનિંગમાં બે ચોગ્ગા અને એક છગ્ગો ફટકાર્યો.
10 ઓવરનો રમત પૂરી, નવાઝની ફિફ્ટી
પાકિસ્તાને 10 ઓવરમાં ત્રણ વિકેટ ગુમાવીને 76 રન બનાવ્યા છે. જીતવા માટે તેમને હજુ 60 બોલમાં 136 રનની જરૂર છે. હસન નવાઝે 13મી ઓવરના પાંચમા બોલ પર છગ્ગો ફટકારીને પોતાની અડધી સદી પૂર્ણ કરી છે. અયુબ સાથેની તેની ભાગીદારી પાકિસ્તાન માટે મહત્વપૂર્ણ સાબિત થઈ રહી છે, જે ભારત માટે મુશ્કેલી ઉભી કરી રહી છે.
અક્ષર પટેલે ભારતને અપાવી વધુ બે વિકેટ
અક્ષર પટેલે ભારતને બીજી સફળતા અપાવી છે. તેણે સાતમી ઓવરના પહેલા બોલે ઓપનર સદકતને સુંદરના હાથે કેચ આઉટ કરાવ્યો. સદકત 18 બોલમાં 23 રન બનાવ્યા. જ્યારે અક્ષર પટેલે પાંચમી ઓવરના પાંચમા બોલે શિવમ દુબેના હાથે ઉસ્માન ખાનને કેચ આઉટ કરાવીને ભારતને બીજી સફળતા અપાવી. ઉસ્માન છ બોલમાં ત્રણ રન બનાવ્યા હતા.
ભારતને પહેલી વિકેટ મળી, કેપ્ટન આઉટ
ચોથી ઓવરમાં વોશિંગ્ટન સુંદરના ચોથા બોલે ભારતને પહેલી વિકેટ અપાવી છે. તેણે પાકિસ્તાની કેપ્ટન ફરહાનને અક્ષર પટેલના હાથે કેચ આઉટ કરાવ્યો હતો. ફરહાને 11 બોલમાં એક ચોગ્ગાની મદદથી 10 રન બનાવ્યા. પાકિસ્તાને 33 રનના કુલ સ્કોર પર પોતાની પહેલી વિકેટ ગુમાવી દીધી.
પાકિસ્તાનની ઇનિંગ શરૂ, 212 રનનો ટાર્ગેટ
કેપ્ટન સાહિબજાદા ફરહાન અને માઝ સદકતે પાકિસ્તાનની ઈનિંગની શરૂઆત કરી છે. ભારતીય ટીમના સ્કોર સામે પાકિસ્તાનનની ટીમને હવે ગોલ્ડ મેડલ જીતવા માટે 212 રન બનાવવા પડશે. પ્રથમ બે ઓવરમાં પાકિસ્તાનની ટીમે કોઈપણ નુકશાન વગર 21 રન બનાવ્યા છે.
ભારતે છ વિકેટ ગુમાવીને 211 રન બનાવ્યા
ભારતીય ઈનિંગ્સ પૂરી થઈ ગઈ છે. ટીમ ઈન્ડિયાએ સંપૂર્ણ 20 ઓવર રમી છે અને છ વિકેટ ગુમાવીને 211 રન બનાવ્યા હતા. હવે પાકિસ્તાનની ટીમને ગોલ્ડ મેડલ જીતવા માટે 212 રન બનાવવા પડશે. અભિષેકે 28 બોલમાં ત્રણ ચોગ્ગા અને સાત છગ્ગા સાથે 61 રન ફટકાર્યા, જ્યારે તિલક 22 બોલમાં ત્રણ ચોગ્ગા અને ચાર છગ્ગા સાથે 51 રન બનાવી અણનમ રહ્યો.
શિવમ દુબે 27 રન બનાવી પેવેલિયન પરત
ભારતે વધુ એક વિકેટ ગુમાવી દીધી છે. મેજર સદાકતે શિવમ દુબેની ધમાકેદાર ઈનિંગ્સનો અંત લાવ્યો છે. છેલ્લી ઓવરના પહેલા બોલ પર તેની વિકેટ પડી ગઈ અને 15 બોલમાં 27 રન બનાવી પેવેલિયન પરત ફર્યો હતો, જેમાં બે ચોગ્ગા અને બે છગ્ગા ફટકાર્યા.
ઈશાન કિશન અને કેપ્ટન શ્રેયસ પણ આઉટ
ભારતને વધુ બે મોટા ફટકા પડ્યા છે. 13મી ઓવરના પ્રથમ બોલ પર જ અરાફાત મિનહાસે ઈશાન કિશનન ક્લિન બોલ્ડ કી આઉટ આઉટ કર્યો હતો. અરાફાતનો બોલ બેટિંગ કરી રહેલા ઈશાનના બેટ અને પેડ વચ્ચેની જગ્યામાંથી નીકળી ગયો અને સીધો સ્ટમ્પને ઉડાવતો નીકળી ગયો હતો. ઈશાન કિશન 18 બોલમાં 20 રન બનાવી પેવેલિયન પરત ફર્યો છે.
જે બાદ 14 ઓવરના પ્રથમ બોલમાં કેપ્ટન શ્રેયસ ઐયર કેચ આઉટ થયો છે. લેગ સ્ટમ્પની બહાર આવેલા 'શોર્ટ' બોલને ઐયરે પાછળ હટીને 'ઈનસાઇડ-આઉટ' શોટ રમવાનો પ્રયાસ કર્યો, પરંતુ જોઈતો ઉછાળો ન મળતા બોલ સીધો 'કવર્સ' પર ઊભેલા ફરહાનના હાથમાં કેચ થઈ ગયો હતો. શ્રેયસ ઐયર 24 બોલમાં 21 રન બનાવી આઉટ થયો છે.
ભારતને વધુ એક ફટકો, અભિષેક શર્મા આઉટ
અભિષેક શર્માએ છઠ્ઠી ઓવરના છેલ્લા બોલ પર છગ્ગો ફટકારીને 20 બોલમાં પોતાની અડધી સદી પૂરી કરી છે. છ ઓવરના પાવરપ્લે પછી ભારતે બે વિકેટ ગુમાવીને 81 રન બનાવ્યા છે. જોકે, સાતમી ઓવરના પાંચમા બોલ પર અરાફાત મિનહાસે અભિષેક શર્માને ક્લિન બોલ્ડ કર્યો હતો. અભિષેક શર્માએ 28 બોલમાં 61 રન બનાવી મજબૂત બેટિંગ કરી હતી.
ભારતને ડબલ ઝટકા, વૈભવ અને સંજુ આઉટ
ભારતનો યુવા પ્રતિભાશાળી ખેલાડી વૈભવ સૂર્યવંશી સસ્તામાં આઉટ થઈ ગયો છે. બીજી ઓવરમાં સાઈમ અયુબના બોલને વૈભવ સૂર્યવંશીએ રિવર્સ સ્વીપ રમવાનો પ્રયાસ કર્યો. જોકે, બોલ બેટના નીચેના ભાગને સ્પર્શીને વિકેટકીપર તરફ ગયો અને તેણે કેચ પકડી લેતા વૈભવ 9 બોલમાં 15 રન બનાવી આઉટ થયો છે.
બીજી તરફ, અહેમદ દાનિયાલની ઓવરમાં સંજુ સેમસન કેચ આઉટ થયો હતો. શોટ રમવામાં ભૂલ થતા બોલ બેટના ઉપરના ભાગે વાગ્યો અને હવામાં ઊંચો થઈને મિડ-ઓન તરફ ગયો હતો. જ્યાં અરાફાત મિનહાસે સફળ કેચ કરતા સંજુ સેમસન માત્ર 4 બોલ રમીને 2 રન બનાવી પેવેલિયન પરત ફર્યો હતો.
સાદ મસૂદની મોંઘી ઓવર, 24 રન આવ્યા
અભિષેક શર્મા અને વૈભવ સૂર્યવંશીએ બીજી ઓવર નાખવા આવેલા સાદ મસૂદ સામે જોરદાર પ્રદર્શન કર્યું છે. આ ઓવરમાં કુલ 24 રન બન્યા હતા. બે ઓવર પછી ભારતનો સ્કોર કોઈ નુકસાન વગર 28 રન છે.
ભારતે ટોસ જીત્યો, પહેલા બેટિંગ પસંદ કરી
બંને ટીમના કેપ્ટન ટોસ માટે આવ્યા અને લાઈવ દ્રશ્યોમાં જોવા મળ્યું કે તેમણે એકબીજા સાથે હાથ મિલાવ્યા નહોતા. ભારતીય કેપ્ટન શુભમન ગીલે ટોસ જીતીને બેટિંગ કરવાનો નિર્ણય લીધો છે. અગાઉની મેચની સરખામણીએ કોઈ ફેરફાર કર્યા વિના એ જ અગિયાર ખેલાડીઓ સાથે ભારતીય ક્રિકેટ ટીમ મેદાનમાં ઉતરી રહી છે.
બંને ટીમોની ફાઇનલ મેચ સુધીની સરળ સફર
એશિયન ગેમ્સમાં ક્રિકેટનું સ્તર ટોચની આંતરરાષ્ટ્રીય સ્પર્ધા જેવું નથી, તેમ છતાં ભારત-પાકિસ્તાન વચ્ચે રમાનારા મુકાબલા અને ગોલ્ડ મેડલનું મહત્ત્વ બંને દેશો માટે ખૂબ વધારે છે. વરસાદના કારણે બંને ટીમને રમ્યા વગર સીધા સેમિફાઇનલ મેચમાં ઉતરવાની તક મળી, અને સરળતાથી આ મેચ જીતીને ફાઈનલમાં જગ્યા બનાવી લીધી હતી. આમ, બંને ટીમોને ગોલ્ડ મેડલ જીતવા માટે માત્ર બે જ મેચ રમવી પડી છે.
IND vs PAK Final: ક્યારે અને ક્યાં રમાશે મેચ?
ભારત અને પાકિસ્તાન વચ્ચેની ફાઈનલ મેચ 3 ઓક્ટોબર, શનિવારના રોજ નિશિન ખાતેના કોરોગી સ્પોર્ટ્સ પાર્ક (Korogi Sports Park, Nisshin) ખાતે રમાઈ રહી છે. આ મેચ ભારતીય સમય અનુસાર સવારે 10:00 વાગ્યે (10:00 AM IST) શરૂ થશે.
IND vs PAK Final: બંને ટીમની સંપૂર્ણ સ્ક્વોડ
ભારતીય ટીમ (India Squad): શ્રેયસ અય્યર (કેપ્ટન), વૈભવ સૂર્યવંશી, અભિષેક શર્મા, સંજુ સેમસન (વિકેટકીપર), ઇશાન કિશન, તિલક વર્મા, શિવમ દુબે, જસપ્રીત બુમરાહ, વોશિંગ્ટન સુંદર, અક્ષર પટેલ, રવિ બિશ્નોઈ, વિપ્રજ નિગમ, યશ ઠાકુર, અર્શદીપ સિંહ.
પાકિસ્તાન ટીમ (Pakistan Squad): સાહિબઝાદા ફરહાન (કેપ્ટન), સાઇમ અય્યુબ, માજ સદાકત, ઉસ્માન ખાન, હસન નવાઝ, અબ્દુલ સમદ, અરાફાત મિન્હાસ, મોહમ્મદ વસીમ, અહમદ દાનિયાલ, સુફિયાન મોકિમ, અબરાર અહમદ, આકિફ જાવેદ, અલી રઝા, સાદ મસૂદ, હૈદર અલી.