ચૂંટણી પંચના નેશનલ આઈકન બન્યા સચિન તેંડુલકર, લોકોને મતદાન કરવા માટે પ્રેરિત કરવાની રહેશે માસ્ટર બ્લાસ્ટરની જવાબદારી

Sachin Tendulkar recognised as the national icon of the Election Commission: પૂર્વ ભારતીય ક્રિકેટર સચિન તેંડુલકરને ચૂંટણી પંચના નેશનલ આઈકોન બનાવવામાં આવ્યા છે. સચિનની જવાબદારી વધુને વધુ લોકોને મતદાન કરવા માટે પ્રેરિત કરવાની રહેશે.

રાષ્ટ્રીય ચૂંટણી પંચના વડા રાજીવ કુમારની હાજરીમાં દિલ્હીમાં સચિનને ​​આ નવી જવાબદારી સોંપવામાં આવી હતી. તેંડુલકર અને ચૂંટણી પેનલ વચ્ચે દિલ્હીમાં એક એમઓયુ પર હસ્તાક્ષર કરવામાં આવ્યા હતા. ત્રણ વર્ષની ડીલ હેઠળ તેંડુલકર મતદારોમાં જાગૃતિ ફેલાવશે.

આગામી લોકસભા ચૂંટણી-2024ની તૈયારીઓને લઈને રાષ્ટ્રીય ચૂંટણી પંચ પૂરજોશમાં વ્યસ્ત છે. મતદારોને રીઝવવા અને વધુમાં વધુ પ્રોત્સાહિત કરવા ચૂંટણી પંચ દ્વારા આ નિર્ણય લેવામાં આવ્યો છે. ચૂંટણી પંચે એક નિવેદનમાં જણાવ્યું હતું કે, "આ સહયોગ આગામી ચૂંટણીઓમાં, ખાસ કરીને સામાન્ય ચૂંટણીઓ (લોકસભા) 2024માં મતદાતાઓની ભાગીદારી વધારવા માટે યુવાનોમાં તેંડુલકરના અનન્ય પ્રભાવનો લાભ લેવા માટે એક મહત્વપૂર્ણ પગલું હશે."

#WATCH | Delhi: Former cricketer Sachin Tendulkar recognised as the 'national icon' of the Election Commission in the presence of Chief Election Commissioner Rajiv Kumar. pic.twitter.com/SLpxP60gZ5

— ANI (@ANI) August 23, 2023

આ ભાગીદારી દ્વારા ચૂંટણી પંચ મતદાન પ્રત્યે શહેરી અને યુવા પડકારોનો ઉકેલ લાવવા માગે છે. ચૂંટણી પંચ મતદારોને ચૂંટણી પ્રક્રિયામાં ભાગ લેવા માટે પ્રેરિત કરવા માટે વિવિધ ક્ષેત્રોના પ્રતિષ્ઠિત ભારતીયોને તેના "રાષ્ટ્રીય ચિહ્નો" તરીકે નામ આપીને તેમની સાથે સાંકળી રહ્યું છે.