Manoj Jarange News: મરાઠા અનામત કાર્યકર્તા મનોજ જરાંગે પાટીલે મુંબઈનું આઝાદ મેદાન ખાલી કરવાનો ઇનકાર કર્યો હતો. કહ્યું હતું કે, જો હું મરી જાઉં તો પણ હું આ આઝાદ મેદાન છોડીશ નહીં. હું મહારાષ્ટ્રના મુખ્યમંત્રી દેવેન્દ્ર ફડણવીસને વિનંતી કરું છું. હું તમને કહી રહ્યો છું કે સોમવારે આવનારા જનતાના ગુસ્સાને તમે સહન કરી શકશો નહીં. શનિવાર અને સોમવારે પ્રદર્શનકારીઓ મુંબઈ આવે તો સારું રહેશે. જો હું મરી જાઉં તો પણ હું આ આઝાદ મેદાન છોડીશ નહીં. ભલે હું મરી જાઉં, તમારે ચૂપ રહેવું જોઇએ.'
સામાજિક કાર્યકર્તાએ મરાઠા વિરોધીઓને શાંતિ જાળવવા અપીલ કરી હતી. તેમણે કહ્યું કે, તેઓ સરકારને અનામતની તેમની માંગણી સ્વીકારવા માટે મજબૂર કરશે. આ માટે, એક સરકારી ઠરાવ (GR) બહાર પાડવો જોઈએ જે મરાઠાઓને કુણબી તરીકે માન્યતા આપે. આનાથી તેઓ સરકારી નોકરીઓ અને શિક્ષણમાં અનામત માટે લાયક બનશે. વિરોધ પ્રદર્શનના પાંચમા દિવસે મનોજ જરંગેએ કહ્યું કે, "હું સરકાર સાથે વાતચીત માટે તૈયાર છું. જો તમે પણ આવું જ કરશો, તો હું કંઈ પણ કરી શકું છું. મારી માંગણીઓ પૂર્ણ ન થાય ત્યાં સુધી હું અહીંથી ખસીશ નહીં. જો તમે અમને મુંબઇથી ધરપકડ કરવાનો અથવા હાંકી કાઢવાનો પ્રયાસ કરશો, તો તે તમારા માટે ખતરનાક રહેશે."
સીએમને ચેતવણી આપવામાં આવી
મનોજ જરાંગેએ કહ્યું કે, તેઓ મહારાષ્ટ્રના મુખ્યમંત્રી ફડણવીસને કહેવા માંગે છે કે તેઓ મુંબઈ છોડી રહ્યા નથી. મને વિશ્વાસ છે કે મુંબઇ હાઇકોર્ટ ગરીબ મરાઠાઓને ન્યાય આપશે. અમે કોર્ટના તમામ નિર્દેશોનું પાલન કરી રહ્યા છીએ. અહીં 4,000 થી 5,000 પ્રદર્શનકારીઓ છે. જો તમે ઇચ્છો તો તેમને ઘર આપો.' જરાંગેએ આરોપ લગાવ્યો કે મુખ્યમંત્રી ફડણવીસ હાઈકોર્ટને ખોટી માહિતી આપી રહ્યા છે અને તેમને તેની કિંમત ચૂકવવી પડશે. સરકારે એક GR જારી કરવો જોઈએ. ઉપરાંત, OBC સમુદાયને લગતા ક્વોટા લાભોને પાત્ર મરાઠાઓના સંબંધીઓને વિસ્તૃત કરતી સૂચના તાત્કાલિક લાગુ કરવી જોઈએ.
આઝાદ મેદાન ખાલી કરવાની નોટિસ
મુંબઈ પોલીસે મનોજ ઝરાંગે અને તેમની કોર ટીમને નોટિસ ફટકારી હતી અને તેમને મુંબઈનું આઝાદ મેદાન ખાલી કરવા કહ્યું હતું. અધિકારીઓએ આ માહિતી આપી હતી. ઝરાંગે મરાઠા અનામતની માંગણી સાથે આઝાદ મેદાનમાં અનિશ્ચિત સમય માટે ઉપવાસ પર છે. એક અધિકારીએ જણાવ્યું હતું કે, મરાઠા અનામત વિરોધીઓએ મુંબઈ હાઇકોર્ટના નિર્દેશ મુજબ પોલીસે નક્કી કરેલી આંદોલન પૂર્વેની શરતોનું ઉલ્લંઘન કર્યું હતું, તેથી આઝાદ મેદાન પોલીસે ઝરંગે અને તેમની કોર ટીમને નોટિસ ફટકારી હતી. દક્ષિણ મુંબઈના આઝાદ મેદાનમાં મરાઠા અનામતની માંગણી સાથે ઝરંગેનો ઉપવાસ મંગળવારે પાંચમા દિવસે પણ ચાલુ રહ્યો.
કોર્ટનો નિર્દેશ શું છે?
મુંબઇ હાઈકોર્ટે મનોજ જરાંગેના સમર્થકોને મંગળવાર બપોર સુધીમાં મુંબઈના તમામ રસ્તાઓ ખાલી કરવા અને સામાન્ય સ્થિતિ પુનઃસ્થાપિત કરવા જણાવ્યું છે. કોર્ટે કહ્યું કે, મરાઠા આંદોલનને કારણે મુંબઈ ઠપ્પ થઈ ગયું છે અને આંદોલને બધી શરતોનું ઉલ્લંઘન કર્યું છે. આને ધ્યાનમાં રાખીને, સોમવારે કોર્ટે કહ્યું કે, તે જરાંગે અને પ્રદર્શનકારીઓને મંગળવાર બપોર સુધીમાં બધા રસ્તાઓ ખાલી કરાવવાની ખાતરી કરવાની તક આપી રહી છે. જરાંગે મરાઠાઓને અનામતનો લાભ આપવા માટે અન્ય પછાત વર્ગો (OBC) સિરીઝમાં સમાવેશ કરવાની માંગ કરી રહ્યા છે.