Delhi Excise Policy: દિલ્હી એક્સાઈઝ પોલીસી નીતિના મામલે હવે મનીષ સિસોદિયાની પૂછપરછ કરવા માટે EDની ટીમ તિહાડ જેલ પહોંચી છે. આ પહેલી વખત છે જ્યારે ED એક્સાઈઝ પોલીસી મામલે દિલ્હીના પૂર્વ નાયબ મુખ્યમંત્રી મનીષ સિસોદિયાની પૂછપરછ કરી છે. એક્સાઈઝ પોલીસીમાં મનીષ સિસોદિયાની દિલ્હી એક કોર્ટે 20 માર્ચ સુધી જ્યુડિશિયલ કસ્ટડીમાં મોકલી આપ્યા છે, તેમની જામીન અરજીની સુનાવણી 10 માર્ચનાં રોજ હાથ ધરાશે.
EDની આ પૂછપરછ પર દિલ્હીના મુખ્યમંત્રી અરવિંદ કેજરીવાલનું નિવેદન સામે આવ્યું છે. તેમણે કહ્યું કે સિસોદિયાએ સ્કૂલોને કાયાકલ્પ કરી છે. સિસોદિયાએ ગરીબો સુધી શિક્ષણ પહોંચાડ્યું છે. મનીષ અને સત્યેન્દ્ર દેશ માટે જીવ આપી શકે છે. કેજરીવાલે વધુમાં કહ્યું- દેશના PM દેશને લૂંટનારાઓને સાથ આપે છે, ત્યાં સામાન્ય લોકો માટે કામ કરવાવાળા નથી બચતા. હું હોળીના દિવસે દેશ માટે આખો દિવસ પ્રાર્થના કરીશ… દેશવાસી પણ મારી સાથે, ભગવાનનું ધ્યાન કરીશ.
પીટીઆઈ-ભાષાના સૂત્રોએ એક અહેવાલથી કહ્યું કે EDએ એક્સાઈઝ મામલે વધુ એક ધરપકડ કરી છે. તેને હૈદરાબાદના શરાબના વેપારી અરુણ રામચંદ્ર પિલ્લઈની ધરપકડ કરી છે. EDના અધિકારી ધન શોધન રોકથામ કાયદા અંતર્ગત સિસોદિયાનું નિવેદન પણ નોંધાવી રહ્યાં છે. CBIએ આ મામલે સિસોદિયાની ગત મહિને ધરપકડ કરી હતી અને તે હાલ જ્યૂડિશિયલ કસ્ટડીમાં છે.
EDએ અત્યાર સુધીમાં 11 લોકોની ધરપકડ કરી
પિલ્લઈની લાંબી પૂછપરછ બાદ સોમવારે સાંજે PMLAની ગુનાકીય ધારાઓ અંતર્ગત ધરપકડ કરી છે. EDએ આ મામલે અત્યાર સુધીમાં 11 લોકોની ધરપકડ કરી છે. સૂત્રોએ પીટીઆઈ-ભાષાએ જણાવ્યું કે પિલ્લઈને એક સ્થાનિક કોર્ટમાં રજૂ કરાયો જ્યાં ED પૂછપરછ માટે તેની ધરપકડ માટે અનુરોધ કરશે.
ઝડપી અને વિશ્વસનીય સમાચાર માટે ડાઉનલોડ કરો ગુજરાતી જાગરણની ન્યૂઝ એપ.