FBI Director Kash Patel: ભારતીય-અમેરિકન કાશ પટેલે શુક્રવારે ભગવદ ગીતા પર શપથ લઈને ફેડરલ બ્યુરો ઓફ ઈન્વેસ્ટિગેશનના 9 મા ડિરેક્ટર તરીકે સત્તાવાર રીતે શપથ લીધા હતા. કાશ પટેલને ડોનાલ્ડ ટ્રમ્પના વફાદાર સમર્થક ગણવામાં આવે છે અને તેમની પ્રથમ ટર્મમાં પણ મહત્વની ભૂમિકા નિભાવી હતી. તેમજ શપથ વાંચતી વખતે પટેલ પરિવાર તેની બાજુમાં ઉભો રહ્યો હતો.
ફોક્સ ન્યૂઝના રિપોર્ટ પ્રમાણે ક્રિસ્ટોફર રે ના સ્થાને 9 મા FBI ડિરેક્ટર તરીકે યુએસ સેનેટ દ્વારા પુષ્ટિ થયા બાદ કાશ પટેલને યુએસ એટર્ની જનરલ પામ બોન્ડીએ આઇઝન હોવર એક્ઝિક્યુટિવ ઓફિસ બિલ્ડીંગ ખાતે શપથ લીધા હતા.
કાશ પટેલે શપથ લીધા બાદ આ વાત કહી
શપથ પછી, કાશ પટેલે કહ્યું કે, તેઓ અમેરિકન સ્વપ્ન જીવી રહ્યા છે અને કહ્યું કે કાયદા અમલીકરણ એજન્સીનું નેતૃત્વ કરવા માટે એક ભારતીય સૌથી મહાન રાષ્ટ્ર છે. આવું બીજે ક્યાંય ન થઈ શકે. તેમણે FBI ની અંદર જવાબદારી સુનિશ્ચિત કરવા માટે પણ મજબૂત પ્રતિબદ્ધતા દર્શાવી હતી. પટેલે કહ્યું કે હું વચન આપું છું કે એફબીઆઈની અંદર અને બહાર જવાબદારી રહેશે.
ડોનાલ્ડ ટ્રમ્પે કાશ પટેલની પ્રશંસા કરી
આ દરમિયાન અમેરિકી રાષ્ટ્રપતિ ડોનાલ્ડ ટ્રમ્પે કાશ પટેલ પ્રત્યે પોતાનું મજબૂત સમર્થન વ્યક્ત કર્યું અને તેમને સખત અને મજબૂત વ્યક્તિ ગણાવ્યા હતા. કાશ પટેલે એફબીઆઈ ડાયરેક્ટર તરીકે શપથ લીધા બાદ ટ્રમ્પે કહ્યું હતું કે, હું કાશ પટેલને પ્રેમ કરું છું અને તેમને આ પદ પર રાખવા માગું છું તેનું એક કારણ એ છે કે એજન્ટો તેમના માટે માન ધરાવતા હતા. તે આ પદ પર રહેવા માટે અત્યાર સુધીના સર્વશ્રેષ્ઠ છે.
કાશ પટેલનો પરિવાર મૂળ ગુજરાતી
કાશ પટેલનો જન્મ ન્યૂયોર્કમાં એક ગુજરાતી ઈમિગ્રન્ટ પરિવારમાં થયો હતો, જે પૂર્વ આફ્રિકાથી 1980માં ક્વીન્સ, ન્યૂયોર્કમાં સ્થાયી થયો હતો. તેમનો પરિવાર મૂળ વડોદરાનો છે. જોકે, માતા-પિતા યુગાન્ડામાં રહેતા હતા. કાશ પટેલે કાયદાની ડિગ્રી મેળવી અને ફ્લોરિડામાં જાહેર ડિફેન્ડર તરીકે તેમની કારકિર્દીની શરૂઆત કરી. અહીં તેમણે રાજ્ય અને સંઘીય અદાલતમાં લોકોનું પ્રતિનિધિત્વ કર્યું.
ટ્રમ્પના છેલ્લા કાર્યકાળમાં પણ મહત્વની ભૂમિકા
ડોનાલ્ડ ટ્રમ્પના પ્રથમ કાર્યકાળ દરમિયાન કાશ પટેલ પણ મુખ્ય હોદ્દા પર હતા અને એફબીઆઈ દ્વારા રશિયાની તપાસના સંચાલનમાં હાઉસ રિપબ્લિકન્સમાં સામેલ હતા. તેમણે ટ્રમ્પના 2016ના પ્રમુખપદની ઝુંબેશની એફબીઆઈની તપાસમાં પક્ષપાતનો આક્ષેપ કરતા વિવાદાસ્પદ GOP મેમો તૈયાર કરવામાં પણ મુખ્ય ભૂમિકા ભજવી હતી. આ દસ્તાવેજ, તેને અમેરિકન મીડિયા દ્વારા "કાશ મેમો" તરીકે ઓળખવામાં આવે છે, તે રશિયાની તપાસની આસપાસના પક્ષપાતી સંઘર્ષમાં વિવાદનો એક મહત્વપૂર્ણ મુદ્દો બન્યો.