India Pakistan Relations: અમેરિકાના પૂર્વ રાષ્ટ્રીય સુરક્ષા સલાહકાર (NSA) જેક સુલિવને રાષ્ટ્રપતિ ડોનાલ્ડ ટ્રમ્પ પર ગંભીર આરોપ લગાવ્યો છે. સુલિવનનું કહેવું છે કે ટ્રમ્પે પાકિસ્તાન સાથેના વ્યાપારી હિતો માટે ભારત જેવા મોટા લોકતંત્ર સાથેના દાયકાઓ જૂના સંબંધોને દાવ પર લગાવી દીધા છે. સુલિવને જણાવ્યું કે ટ્રમ્પની પાકિસ્તાન સાથે વેપારી ડીલ્સ છે જેના કારણે તેમણે ભારતના હિતોને અવગણ્યા.
ટ્રમ્પે પાકિસ્તાન માટે ભારત સાથેના સંબંધ જોખમમાં મુક્યો
સુલિવને સમજાવ્યું કે અમેરિકાએ ભારત સાથેના સંબંધોને મજબૂત કરવા માટે દાયકાઓ સુધી બંને પક્ષોના સમર્થનથી કામ કર્યું છે. ભારત વિશ્વનું સૌથી મોટું લોકતંત્ર છે અને ટેકનોલોજી, પ્રતિભા અને અર્થતંત્રના ક્ષેત્રમાં અમેરિકાનો મજબૂત સહયોગી બની શકે છે. પરંતુ ટ્રમ્પે પોતાના પાકિસ્તાન સાથેના વેપારી ફાયદાઓ માટે આ સંબંધોને અવગણ્યા હતા.
પાકિસ્તાન સાથે ટ્રમ્પની વેપારી ડીલ
સુલિવને જણાવ્યું કે એપ્રિલ 2024માં ટ્રમ્પ દ્વારા સમર્થિત એક ક્રિપ્ટોકરન્સી પ્લેટફોર્મ વર્લ્ડ લિબર્ટી ફાઇનાન્સિયલ (WLF) એ પાકિસ્તાન ક્રિપ્ટો કાઉન્સિલ (PCC) સાથે અનેક કરારો કર્યા. આ કરારોનો ઉદ્દેશ્ય ક્રિપ્ટો ઉદ્યોગમાં રોકાણ અને નવીનતાને પ્રોત્સાહન આપવાનો હતો. જેમાં ટ્રમ્પ અને તેમના સહયોગીઓની 60% ભાગીદારી છે. આ ડીલ માટે અમેરિકી પ્રતિનિધિમંડળમાં ટ્રમ્પના ખાસ દૂત સ્ટીવ વિટકોફના પુત્ર ઝાકરી વિટકોફ પણ શામેલ હતા.
“Donald Trump has thrown the relationship with India away. Germany or Japan will look at India and say that could be us tomorrow. America’s friends will think that they can’t rely on us in any way,” says former U.S. NSA Jake Sullivan pic.twitter.com/rZ9tJ0tgZH
— Shashank Mattoo (@MattooShashank) September 1, 2025
ટ્રમ્પે પાકિસ્તાન સાથે એક મોટા વ્યાપારી કરારની જાહેરાત કરી. તેમણે કહ્યું કે અમે પાકિસ્તાન સાથે એક ડીલ કરી છે, જેના હેઠળ અમે તેમના તેલ ભંડારોને વિકસાવવામાં સાથે કામ કરીશું.
અમેરિકા પર ભરોસો કરી શકાય નહિ
સુલિવને એ પણ ચેતવણી આપી કે ટ્રમ્પનું આ પગલું માત્ર ભારત સાથેના સંબંધોને જ નુકસાન પહોંચાડી રહ્યું નથી, પરંતુ જર્મની, જાપાન કે કેનેડા જેવા વિશ્વના અન્ય દેશોને પણ એ સંદેશ આપી રહ્યું છે કે અમેરિકા પર ભરોસો કરી શકાય નહીં. આનાથી અન્ય દેશો પણ અમેરિકા સાથે વેપાર કરતાં ખચકાશે.