Udhna To Bhavnagar Festival Special Train: યાત્રિયોની સુવિધા માટે, પશ્ચિમ રેલવેએ ભાવનગર ટર્મિનસ અને ઉધના સ્ટેશન વચ્ચે વિશેષ ભાડા પર સાપ્તાહિક વિશેષ ટ્રેન ચલાવવાનો નિર્ણય લીધો છે. ભાવનગર ડિવિઝનના ડિવિઝનલ રેલવે મેનેજર રવીશ કુમારે જણાવ્યા પ્રમાણે 29 ઓક્ટોબરથી દર મંગળવારે ભાવનગર-ઉધના વચ્ચે સાપ્તાહિક વિશેષ ટ્રેન ચાલશે. આ ટ્રેન માટે ટિકિટનું બુકિંગ 25 ઓક્ટોબર 2024થી શરૂ કરી દેવામાં આવ્યું છે.
ટ્રેન નંબર 09022/09021 ભાવનગર-ઉધના-ભાવનગર સાપ્તાહિક સ્પેશિયલ
ટ્રેન નંબર 09022 ભાવનગર – ઉધના સાપ્તાહિક સ્પેશિયલ 29 ઓક્ટોબર, 2024 થી 31 ડિસેમ્બર, 2024 સુધી દર મંગળવારે સાંજે 7 વાગ્યે ભાવનગર ટર્મિનસથી ઉપડશે અને બીજા દિવસે સવારે 7.10 વાગ્યે ઉધના સ્ટેશન પહોંચશે. આ ટ્રેન 29 ઓક્ટોબર, 05, 12, 19 અને 26 નવેમ્બર તથા 03, 10, 17, 24 અને 31 ડિસેમ્બર, 2024ના રોજ ચાલશે.
ટ્રેન નંબર 09021 ઉધના - ભાવનગર સાપ્તાહિક સ્પેશિયલ 28 ઓક્ટોબર, 2024 થી 30 ડિસેમ્બર, 2024 દરમિયાન દર સોમવારે રાત્રે 22.05 કલાકે ઉધના સ્ટેશનથી ઉપડશે અને બીજા દિવસે સવારે 08.45 કલાકે ભાવનગર ટર્મિનસ પહોંચશે. આ ટ્રેન 28 ઓક્ટોબર, 04, 11, 18 અને 25 નવેમ્બર તથા 02, 09, 16, 23 અને 30 ડિસેમ્બર, 2024ના રોજ ચાલશે.
આ સ્ટેશનો પર ઉભી રહેશે ટ્રેન
આ ટ્રેન બંને દિશામાં ભાવનગર પરા, સિહોર, સોનગઢ, ધોળા, બોટાદ, ધંધુકા, ધોળકા, સરખેજ, ગાંધીગ્રામ, અમદાવાદ, નડિયાદ, આણંદ, વડોદરા અને ભરૂચ સ્ટેશનો પર ઉભી રહેશે. આ ટ્રેનમાં એસી ચેરકાર, સ્લીપર, નોર્મલ ચેરકાર અને સેકન્ડ ક્લાસ સીટીંગ કોચનો સમાવેશ થાય છે.
ટ્રેન નંબર 09021 અને 09022 માટે ટિકિટ બુકિંગ 25.10.2024 (શુક્રવાર) થી પેસેન્જર રિઝર્વેશન સેન્ટર્સ અને IRCTC વેબસાઇટ પર ખુલશે. આ ટ્રેનના ઓપરેટિંગ સમય, સ્ટોપ અને સ્ટ્રક્ચર અંગેની વિગતવાર માહિતી માટે મુસાફરો www.enquiry.indianrail.gov.in વેબસાઇટની મુલાકાત લઈ શકે છે.