Gujarat Weather Forecast: આજથી ગુજરાતમાં ફરી વરસાદી માહોલ જોવા મળી રહ્યો છે. ખાસ કરીને દક્ષિણ ગુજરાતમાં નવસારી અને ડાંગ જિલ્લામાં વાતાવરણમાં આજે પલટો જોવા મળ્યો હતો. ત્યારે હવામાન વિભાગની આગાહી અનુસાર અમદાવાદ સહિત અનેક જિલ્લાઓમાં જન્માષ્ટમીથી વરસાદી માહોલ જોવા મળી શકે છે. તેમજ 9 સપ્ટેમ્બરના રોજ દક્ષિણ ગુજરાતમાં ભારે વરસાદની શક્યતા હવામાન વિભાગ દ્વારા વ્યક્ત કરવામાં આવી છે.
આગામી પાંચ દિવસની વરસાદની આગાહી
6 સપ્ટેમ્બરઃ પંચમહાલ, દાહોદ, સુરત, ડાંગ, તાપી, નવાસરી, વલસાડ, પોરબંદર, જુનાગઢ, અમરેલી, દ્વારકા, ગીર સોમનાથ, કચ્છ જિલ્લામાં છૂટાછવાયા સ્થળોએ હળવો વરસાદ થવાની સંભાવના છે. બાકીના જિલ્લાઓમાં સૂકું હવામાન રહેવાની સંભાવના છે.
7 સપ્ટેમ્બરઃ દક્ષિણ ગુજરાતના તમામ જિલ્લાઓ ઉપરાંત અરવલ્લી, અમદાવાદ, પંચમહાલ, દાહોદ, મહિસાગર, પોરબંદર, જૂનાગઢ, અમરેલી, ભાવનગર, દ્વારકા, ગીર સોમનાથ, કચ્છ જિલ્લામાં હળવો વરસાદ થવાની સંભાવના છે. બાકીના જિલ્લાઓમાં સૂકું હવામાન રહેવાની સંભાવના છે.
8 સપ્ટેમ્બરઃ દક્ષિણ ગુજરાતના તમામ જિલ્લાઓ, સાબરકાંઠા, ગાંધીનગર, અરવલ્લી, આણંદ, ખેડા, અમદાવાદ, પંચમહાલ, દાહોદ, મહિસાગર, પોરબંદર, જૂનાગઢ, અમરેલી, ભાવનગર, ગીર સોમનાથમાં છૂટાછવાયા સ્થળોએ હળવાથી મધ્યમ વરસાદ થવાની સંભાવના છે. વીજળીના કડાકા સાથે 30-40 કિમી પ્રતિ કલાકની ઝડપે પવન ફૂંકાઈ શકે છે.
9 સપ્ટેમ્બરઃ સુરત, ડાંગ, તાપી, નવસારી, વલસાડમાં ભારે વરસાદ થઇ શકે છે. આ ઉપરાંત બનાસકાંઠા, ગાંધીનગર, અરવલ્લી, સાબરકાંઠા, આણંદ, ખેડા, અમદાવાદ, પંચમહાલ, દાહોદ, મહિસાગર, પોરબંદર, જૂનાગઢ, અમરેલી, ભાવનગર અને ગીર સોમનાથમાં છૂટાછવાયા સ્થળોએ હળવાથી મધ્યમ વરસાદ થવાની સંભાવના છે. વીજળીના કડાકા સાથે 30-40 કિમી પ્રતિ કલાકની ઝડપે પવન ફૂંકાઈ શકે છે.
10 સપ્ટેમ્બરઃ દક્ષિણ ગુજરાતના તમામ જિલ્લાઓ ઉપરાંત બનાસકાંઠા, ગાંધીનગર, અરવલ્લી, સાબરકાંઠા, આણંદ, ખેડા, અમદાવાદ, પંચમહાલ, દાહોદ, મહિસાગર, પોરબંદર, જૂનાગઢ, અમરેલી, ભાવનગર અને ગીર સોમનાથમાં છૂટાછવાયા સ્થળોએ હળવાથી મધ્યમ વરસાદ થવાની સંભાવના છે. વીજળીના કડાકા સાથે 30-40 કિમી પ્રતિ કલાકની ઝડપે પવન ફૂંકાઈ શકે છે.