Xiaomi Redmi Note 17 5G Review: Xiaomi એ ભારતીય બજારમાં પોતાનો નવો સ્માર્ટફોન Redmi Note 17 લોન્ચ કર્યો છે. કંપનીએ આ ફોનને TrueColour AMOLED ડિસ્પ્લે, 8,000mAhની મોટી બેટરી અને Qualcomm Snapdragon ચિપસેટ સાથે રજૂ કર્યો છે. આ સ્માર્ટફોનમાં 50MPનો મુખ્ય કેમેરા, Corning Gorilla Glass 7i પ્રોટેક્શન અને IP65 રેટિંગ જેવી પ્રીમિયમ સુવિધાઓ આપવામાં આવી છે. Redmi Note 17ને સ્લિમ અને આકર્ષક ડિઝાઇન સાથે તૈયાર કરવામાં આવ્યો છે. Xiaomiનો દાવો છે કે તેમાં આપવામાં આવેલી HydroTouch 2.0 ટેક્નોલોજી સ્ક્રીનનો ઉપયોગ રોજિંદી પરિસ્થિતિઓમાં વધુ સરળ અને સ્મૂથ બનાવે છે.
Redmi Note 17ની કિંમત અને ઉપલબ્ધતા
Redmi Note 17ને Dark Night, Arctic Blue અને Starlight Purple કલર વિકલ્પોમાં લોન્ચ કરવામાં આવ્યો છે. ફોન બે સ્ટોરેજ વેરિઅન્ટમાં ઉપલબ્ધ રહેશે.
વેરિઅન્ટ MRP પ્રારંભિક કિંમત
6GB + 128GB: ₹27,999 પ્રારંભિક કિંમત ₹24,999
8GB + 128GB: ₹30,999 પ્રારંભિક કિંમત ₹27,999
પ્રારંભિક કિંમતમાં SBI, Axis Bank અને Kotak Bankના ક્રેડિટ કાર્ડ તથા EMI ટ્રાન્ઝેક્શન પર મળતા ₹3,000ના ઇન્સ્ટન્ટ ડિસ્કાઉન્ટનો સમાવેશ થાય છે. કંપની Jio True 5G સાથે 5TB JioAI Cloud Storage, 3 મહિનાનું YouTube Premium Lite અને 6 મહિનાનું Google One 200GB Cloud Storage પણ ઓફર કરી રહી છે. Redmi Note 17નું વેચાણ 13 ઓગસ્ટ 2026ના રોજ બપોરે 12 વાગ્યાથી શરૂ થશે. ગ્રાહકો તેને mi.com, Amazon Specials અને Xiaomi Retail Stores પરથી ખરીદી શકશે.
Redmi Note 17ના સ્પેસિફિકેશન્સ
Redmi Note 17માં 6.99 ઇંચનું FHD+ OLED ડિસ્પ્લે આપવામાં આવ્યું છે, જે 2396×1080 પિક્સેલ રિઝોલ્યુશન સાથે આવે છે. ડિસ્પ્લેમાં 120Hz રિફ્રેશ રેટ, 240Hz ટચ સેમ્પલિંગ રેટ અને 1,800 નિટ્સ સુધીની પીક બ્રાઇટનેસ મળે છે. સ્ક્રીનની સુરક્ષા માટે Corning Gorilla Glass 7i પ્રોટેક્શન આપવામાં આવ્યું છે.
Snapdragon 4 Gen 4 પ્રોસેસર
પરફોર્મન્સ માટે ફોનમાં Qualcomm Snapdragon 4 Gen 4 (4nm) પ્રોસેસર આપવામાં આવ્યું છે. તેમાં ઓક્ટા-કોર CPU અને Adreno 613 GPU સામેલ છે, જે સ્મૂથ ગેમિંગ અને મલ્ટીટાસ્કિંગનો અનુભવ આપે છે. ફોન 6GB અને 8GB LPDDR4X RAM સાથે 128GB UFS 2.2 સ્ટોરેજમાં ઉપલબ્ધ છે. microSD કાર્ડ દ્વારા સ્ટોરેજ વધારી શકાય છે.
Android 16 અને HyperOS 3
Redmi Note 17 Android 16 આધારિત HyperOS 3 પર ચાલે છે. કંપની અનુસાર, આ નવું સોફ્ટવેર વધુ ઝડપી, સ્મૂથ અને રિફાઇન્ડ યુઝર એક્સપિરિયન્સ આપે છે.
50MP કેમેરા સાથે શાનદાર ફોટોગ્રાફી
ફોટોગ્રાફી માટે ફોનના પાછળના ભાગમાં 50MPનો મુખ્ય કેમેરા આપવામાં આવ્યો છે, જે f/1.8 અપર્ચર અને LED ફ્લેશ સાથે આવે છે. આ કેમેરા 1080p વીડિયો રેકોર્ડિંગને સપોર્ટ કરે છે. સેલ્ફી અને વીડિયો કોલિંગ માટે ફોનમાં 8MPનો ફ્રન્ટ કેમેરા આપવામાં આવ્યો છે.
સુરક્ષા અને અન્ય ફીચર્સ
સિક્યોરિટી માટે ફોનમાં ઇન-ડિસ્પ્લે ફિંગરપ્રિન્ટ સેન્સર આપવામાં આવ્યું છે. ઉપરાંત IR Blaster, બોટમ-પોર્ટેડ સ્પીકર અને IP65 રેટિંગ પણ મળે છે, જે ધૂળ અને પાણીના છાંટાથી સુરક્ષા આપે છે.
8,000mAh બેટરી અને 45W ફાસ્ટ ચાર્જિંગ
Redmi Note 17ની સૌથી મોટી ખાસિયત તેની 8,000mAhની વિશાળ બેટરી છે. ફોન 45W ફાસ્ટ ચાર્જિંગ અને 22.5W રિવર્સ વાયરડ ચાર્જિંગને સપોર્ટ કરે છે. કનેક્ટિવિટી માટે તેમાં 5G, Dual 4G VoLTE, Wi-Fi 6, Bluetooth 5.1, GPS + GLONASS અને USB Type-C સપોર્ટ આપવામાં આવ્યો છે. જો તમે લાંબી બેટરી લાઈફ, મોટું ડિસ્પ્લે અને સારો કેમેરો ધરાવતો સ્માર્ટફોન શોધી રહ્યા છો, તો Redmi Note 17 તમારા માટે એક આકર્ષક વિકલ્પ બની શકે છે.