Samsung Galaxy A08 Launch: જો તમે Samsungનો નવો સ્માર્ટફોન ખરીદવાનું વિચારી રહ્યા છો, તો કંપનીએ ભારતમાં Galaxy A08 લોન્ચ કર્યો છે. ₹18,499ની કિંમત ધરાવતા આ ફોનમાં મોટી 6,000mAh બેટરી, 50MP ડ્યુઅલ રિયર કેમેરા અને 90Hz રિફ્રેશ રેટવાળું 6.7 ઇંચનું ડિસ્પ્લે આપવામાં આવ્યું છે. ફોનમાં લાંબા સમય સુધી સોફ્ટવેર અપડેટ આપવાનો પણ દાવો કરવામાં આવ્યો છે.
Samsung Galaxy A08ની કિંમત અને ઉપલબ્ધતા
Samsung Galaxy A08ને ભારતમાં 4GB RAM અને 64GB સ્ટોરેજના સિંગલ વેરિઅન્ટમાં રજૂ કરવામાં આવ્યો છે. તેની કિંમત ₹18,499 રાખવામાં આવી છે. ફોન Dark Blue, Green અને Silver કલર ઓપ્શનમાં ઉપલબ્ધ છે.
ફોનને Samsung Exclusive Stores, પાર્ટનર રિટેલર્સ, Samsungની સત્તાવાર વેબસાઇટ અને અન્ય ઓનલાઈન પ્લેટફોર્મ પરથી ખરીદી શકાય છે. કંપની તરફથી પાત્ર બેંક કાર્ડ પર 6 મહિના સુધી અને NBFC પાર્ટનર્સ મારફતે 9 મહિના સુધી No-Cost EMIનો વિકલ્પ પણ આપવામાં આવી રહ્યો છે.
Samsung Galaxy A08ના ફીચર્સ
Galaxy A08માં 6.7 ઇંચનું HD+ PLS LCD ડિસ્પ્લે આપવામાં આવ્યું છે, જે 90Hz રિફ્રેશ રેટને સપોર્ટ કરે છે. ફોનમાં MediaTek Helio G99+ ચિપસેટ સાથે 4GB RAM અને 64GB ઇન્ટરનલ સ્ટોરેજ મળે છે. સ્ટોરેજને microSD કાર્ડની મદદથી 2TB સુધી વધારી શકાય છે.
સોફ્ટવેરની વાત કરીએ તો ફોન Android 16 આધારિત One UI 9 સાથે આવે છે અને Samsungએ 6 જનરેશન સુધીના OS અપગ્રેડ તથા 6 વર્ષના સિક્યોરિટી અપડેટ્સનું સપોર્ટ આપવાનું જણાવ્યું છે. ફોનમાં Samsung Knox સુરક્ષા ઉપરાંત Circle to Search, Gemini, Perplexity, Quick Share અને Modes and Routines જેવા ફીચર્સ પણ મળે છે.
કેમેરા સેટઅપની વાત કરીએ તો પાછળ 50MPનો પ્રાઇમરી કેમેરા અને 2MPનો ડેપ્થ સેન્સર આપવામાં આવ્યો છે. સેલ્ફી અને વીડિયો કોલિંગ માટે ફ્રન્ટમાં 8MP કેમેરા મળે છે. Galaxy A08માં 6,000mAhની મોટી બેટરી આપવામાં આવી છે, જે 25W ફાસ્ટ ચાર્જિંગને સપોર્ટ કરે છે. ફોનની જાડાઈ 8mm છે અને તેને IP64 રેટિંગ પણ મળ્યું છે, જે ધૂળ અને પાણીના છાંટાથી સુરક્ષા આપે છે.