Veg Manchurian Recipe: વેજ મંચુરિયન એક એવી ઈન્ડો-ચાઈનીઝ ડિશ છે જે બાળકો અને મોટાઓ બંનેને ખૂબ જ પસંદ આવે છે. પાર્ટી, વીકએન્ડ કે સાંજના નાસ્તામાં કંઈક અલગ બનાવવું હોય તો વેજ મંચુરિયન એકદમ બેસ્ટ વિકલ્પ છે. બહારથી ક્રિસ્પી મંચુરિયન બોલ્સ અને ચટપટી સોસનો સ્વાદ આ વાનગીને વધુ ટેસ્ટી બનાવે છે. તમે પણ ઘરે રેસ્ટોરન્ટ સ્ટાઈલ વેજ મંચુરિયન બનાવવા માંગતા હોવ તો આ સરળ રેસીપી નોંધી લો.
સામગ્રી
મંચુરિયન બોલ્સ માટે:
- કોબી - 1 કપ બારીક સમારેલી
- ગાજર - 1/2 કપ છીણેલું
- કેપ્સિકમ - 1/4 કપ બારીક સમારેલું
- સ્પ્રિંગ ઓનિયન - 2 ચમચી
- કોર્નફ્લોર - 3 ચમચી
- મેંદો - 2 ચમચી
- આદુ-લસણની પેસ્ટ - 1 ચમચી
- મરી પાવડર - 1/2 ચમચી
- મીઠું - સ્વાદ મુજબ
- તેલ - તળવા માટે
મંચુરિયન સોસ માટે:
- તેલ - 1 ચમચી
- લસણ - 1 ચમચી બારીક સમારેલું
- આદુ - 1/2 ચમચી
- ડુંગળી - 1/2 કપ બારીક સમારેલી
- કેપ્સિકમ - 1/4 કપ
- સોયા સોસ - 1 ચમચી
- ચિલી સોસ - 1 ચમચી
- ટોમેટો કેચપ - 2 ચમચી
- વિનેગર - 1 ચમચી
- કોર્નફ્લોર - 1 ચમચી
- પાણી - જરૂર મુજબ
- મીઠું અને મરી - સ્વાદ મુજબ
વેજ મંચુરિયન બનાવવાની રીત
સૌથી પહેલા એક બાઉલમાં બારીક સમારેલી કોબી, ગાજર, કેપ્સિકમ અને સ્પ્રિંગ ઓનિયન લો. તેમાં કોર્નફ્લોર, મેંદો, આદુ-લસણની પેસ્ટ, મરી પાવડર અને મીઠું ઉમેરીને બધી સામગ્રી સારી રીતે મિક્સ કરો. શાકભાજીમાં રહેલા ભેજથી જ મિશ્રણ બંધાઈ જશે, જરૂર લાગે તો થોડું પાણી ઉમેરી શકો છો.
હવે આ મિશ્રણમાંથી નાના-નાના બોલ્સ બનાવી લો. કડાઈમાં તેલ ગરમ કરી મંચુરિયન બોલ્સને મધ્યમ આંચ પર ગોલ્ડન અને ક્રિસ્પી થાય ત્યાં સુધી તળી લો. તળેલા બોલ્સને એક પ્લેટમાં કાઢી રાખો.
હવે મંચુરિયનની સોસ તૈયાર કરવા માટે કડાઈમાં થોડું તેલ ગરમ કરો. તેમાં બારીક સમારેલું લસણ અને આદુ ઉમેરીને થોડી સેકન્ડ સાંતળો. ત્યારબાદ ડુંગળી અને કેપ્સિકમ ઉમેરીને તેજ આંચ પર સાંતળો. તેમાં સોયા સોસ, ચિલી સોસ, ટોમેટો કેચપ, વિનેગર, મીઠું અને મરી ઉમેરીને સારી રીતે મિક્સ કરો.
એક અલગ વાટકીમાં કોર્નફ્લોરને થોડા પાણીમાં ઓગાળી સ્લરી બનાવી લો. આ સ્લરીને સોસમાં ઉમેરીને સતત હલાવતા રહો. સોસ થોડો ઘટ્ટ થાય ત્યારે તેમાં તળેલા મંચુરિયન બોલ્સ ઉમેરીને સારી રીતે ટોસ કરો. ઉપરથી સ્પ્રિંગ ઓનિયન નાખીને ગરમાગરમ સર્વ કરો.
આ રીતે ઘરે જ સ્વાદિષ્ટ, ચટપટા અને રેસ્ટોરન્ટ સ્ટાઈલ વેજ મંચુરિયન તૈયાર થઈ જશે. તેને ફ્રાઈડ રાઈસ અથવા નૂડલ્સ સાથે પણ સર્વ કરી શકાય છે.