Leftover Dal Paratha Recipe: ઘરમાં ઘણી વખત દાળ વધીને રહી જાય છે અને બીજા દિવસે તેને શું કરવું તે પ્રશ્ન ઉભો થાય છે. આવી સ્થિતિમાં દાળ ફેંકી દેવાને બદલે તેનો ઉપયોગ કરીને સ્વાદિષ્ટ પરાઠા બનાવી શકાય છે. આ પરાઠા સ્વાદમાં લાજવાબ હોય છે અને બાળકો તેમજ મોટા સૌને પસંદ આવે છે. સવારના નાસ્તા કે સાંજના જમણમાં પણ આ રેસીપી એક ઉત્તમ વિકલ્પ બની શકે છે.
પરાઠા માટેની સામગ્રી
આ પણ વાંચો
- એક કપ વધેલી દાળ
- બે કપ ઘઉંનો લોટ
- એક લીલું મરચું ઝીણું સમારેલું
- અડધી ચમચી લાલ મરચું પાઉડર
- અડધી ચમચી ધાણા-જીરું પાઉડર
- એક ચમચી ઝીણું સમારેલું કોથમીર
- મીઠું સ્વાદ મુજબ
- પરાઠા શેકવા માટે ઘી અથવા તેલ
પરાઠા બનાવવાની રીત
સૌપ્રથમ એક મોટા વાસણમાં ઘઉંનો લોટ લો. તેમાં વધેલી દાળ ઉમેરો. ત્યારબાદ લીલું મરચું, લાલ મરચું પાઉડર, ધાણા-જીરું પાઉડર, કોથમીર અને જરૂર મુજબ મીઠું ઉમેરો. હવે આ બધું સારી રીતે મિક્સ કરો.
દાળમાં પહેલેથી જ પાણી હોય છે, તેથી જરૂર પડે તો જ થોડું પાણી ઉમેરવું. નરમ અને સ્મૂથ લોટ બાંધી લો. ત્યારબાદ લોટને 10 મિનિટ માટે ઢાંકી રાખો.
હવે લોટમાંથી સમાન લૂઆ બનાવો અને પરાઠાની જેમ વણી લો. ગરમ તવા પર પરાઠો મૂકી બંને બાજુ ઘી અથવા તેલ લગાવી સોનેરી રંગ આવે ત્યાં સુધી શેકો.
તૈયાર પરાઠાને દહીં, અથાણું અથવા ચા સાથે ગરમાગરમ સર્વ કરો. વધેલી દાળમાંથી બનેલા આ પરાઠા ખૂબ જ સ્વાદિષ્ટ અને પૌષ્ટિક લાગે છે.
ટિપ્સ
- જો દાળ વધારે પાતળી હોય તો થોડો વધારાનો લોટ ઉમેરો.
- મસાલા તમારા સ્વાદ પ્રમાણે ઓછા-વત્તા કરી શકો છો.
- પરાઠામાં કોથમીર અને લીલા મરચાં ઉમેરવાથી સ્વાદ વધુ સરસ આવે છે.