Yuvraj Singh News:વર્લ્ડ ચેમ્પિયનશિપ ઓફ લીજેન્ડ્સ 2026ની પ્રથમ મેચમાં ઈન્ડિયા ચેમ્પિયન્સનો સામનો ઓસ્ટ્રેલિયા ચેમ્પિયન્સ સાથે થયો હતો. આ મેચમાં ઈન્ડિયા ચેમ્પિયન્સની ટીમે ઓસ્ટ્રેલિયા ચેમ્પિયન્સ સામે યુવરાજ સિંહની તોફાની ઈનિંગની મદદથી 20 ઓવરમાં 7 વિકેટ ગુમાવી 196 રન બનાવ્યા છે. ભારતે ટીમ ઈન્ડિયાને જીત માટે 197 રનનો લક્ષ્યાંક આપ્યો હતો. આ ટાર્ગેટના જવાબમાં ઓસ્ટ્રેલિયાની ટીમ 150 રન બનાવી આઉટ થઈ ગઈ હતી. આમ આ મેચમાં તેને 46 રનથી પરાજય થયો હતો. 44 વર્ષના યુવરાજે આજે શાનદાર ઈનિંગ રમ્યો હતો.
યુવરાજ સિંહે ઓસ્ટ્રેલિયા સામે શાનદાર બેટિંગ કરી, ફક્ત 31 બોલમાં પોતાની ફિફ્ટી પૂરી કરી અને 44 બોલમાં 71 રન બનાવ્યા. આ તોફાની ઇનિંગમાં તેણે છ શાનદાર સિક્સર અને પાંચ ફોર ફટકારી. ભારત તરફથી ઇનિંગની શરૂઆત કરતા નમન ઓઝાએ 31 રન બનાવ્યા, જ્યારે અંબાતી રાયડુ માત્ર ચાર રન બનાવીને આઉટ થયો. ત્રીજા નંબર પર બેટિંગ કરી રહેલા સ્ટુઅર્ટ બિન્ની પણ લાંબો સમય ટકી શક્યા નહીં અને 13 રન બનાવીને આઉટ થયા.
ઓસ્ટ્રેલિયાની બેટિંગ નિષ્ફળ ગઈ
લક્ષ્યનો પીછો કરતા ઓસ્ટ્રેલિયાની ચેમ્પિયન્સ ટ્રોફી ટીમ 16.2 ઓવરમાં 150 રનમાં ઓલઆઉટ થઈ ગઈ. ટીમ તરફથી ડાર્સી શોર્ટે 28 બોલમાં 65 રન બનાવ્યા. જો બર્ન્સ 45 રન બનાવીને આઉટ થયા. જોનાથન વેલ્સે 11 રનનું યોગદાન આપ્યું. આ ત્રણ ઉપરાંત, ટીમના બાકીના આઠ બેટ્સમેન સિંગલ-ડિજિટ સ્કોર પર આઉટ થયા. અંતે, તેઓ 46 રનથી હારી ગયા. ભારત તરફથી, ધવલ કુલકર્ણીએ આ મેચમાં સૌથી વધુ વિકેટ લીધી, ચાર વિકેટ લીધી, જ્યારે મોહિત શર્માએ ત્રણ વિકેટ લીધી.