MS Dhoni News: મહેન્દ્ર સિંહ ધોની માત્ર એક ક્રિકેટર નથી, પરંતુ કરોડો લોકો માટે એક લાગણી છે. સ્ટેડિયમમાં તેની એન્ટ્રી થતાની સાથે જ જે અવાજ સંભળાય છે, તે તેના પ્રત્યેના અજોડ આદરનો પુરાવો છે. હાલમાં આઈપીએલ 2026 (IPL 2026) દરમિયાન ધોની ઈજાને કારણે મેદાનથી દૂર છે, જેણે ચાહકોને નિરાશ કર્યા છે. પરંતુ, આ દરમિયાન સોશિયલ મીડિયા પર વાયરલ થયેલા એક વીડિયોએ ફરી સાબિત કરી દીધું છે કે કેમ ધોનીને ‘કેપ્ટન કૂલ’ અને ‘થલા’ કહેવામાં આવે છે.
શું છે સમગ્ર ઘટના?
વાયરલ થયેલા વીડિયોમાં ધોની પ્રેક્ટિસ સેશન માટે પોતાના રૂમમાંથી બહાર નીકળી મેદાન તરફ જતો જોવા મળે છે. તેની સાથે ટીમના સપોર્ટ સ્ટાફના સભ્યો પણ ચાલી રહ્યા હતા. આ દરમિયાન ચેન્નાઈ સુપર કિંગ્સ (CSK) ની મીડિયા ટીમનો એક કેમેરામેન ધોનીનો શાનદાર ‘વોકિંગ શોટ’ લેવાનો પ્રયાસ કરી રહ્યો હતો.
Cameraman: “Could you move back? I need to capture Mahi properly…”
— Muffatball vikrant (@Vikrant_1589) April 17, 2026
MS Dhoni :-“No… stay right here. Don’t listen to anyone else.”🥺❤️🫶 pic.twitter.com/EuuUqOpXmh
ધોની પર જ ફોકસ કરવા માટે કેમેરામેને તેની સાથે ચાલી રહેલા સપોર્ટ સ્ટાફના સભ્યોને વિનંતી કરી કે, "તમે થોડા બાજુ પર ખસી જાવ, મારે માત્ર માહી ભાઈનો જ શોટ લેવો છે." આ સાંભળીને સપોર્ટ સ્ટાફના સભ્ય એક બાજુ ખસવા જઈ રહ્યા હતા, ત્યારે જ ધોનીએ જે કર્યું તે જોઈને સૌ કોઈ દંગ રહી ગયા.
તમે મારી સાથે જ રહેજો
કેમેરામેનની વાત સાંભળતા જ ધોનીએ સપોર્ટ સ્ટાફના સભ્ય (કોડી અન્ના) ને પાસે બોલાવ્યા અને કહ્યું, "ના, ના, કોડી અન્ના - તમે અહીં મારી સાથે જ રહો. આ કેમેરામેનની વાત ના સાંભળો." ધોનીએ સ્પષ્ટ કર્યું કે તે એકલો લાઈમલાઈટ લેવા માંગતો નથી અને તેના માટે સપોર્ટ સ્ટાફનું મહત્વ પણ એટલું જ છે જેટલું તેનું પોતાનું.
આ નાનકડી જેવી લાગતી ઘટનાએ ધોનીના વિનમ્ર સ્વભાવનો પરિચય આપ્યો છે. કરોડોની કમાણી અને વૈશ્વિક ખ્યાતિ હોવા છતાં, ધોની ગ્રાઉન્ડ લેવલના કર્મચારીઓ સાથે જે આદરથી વર્તે છે, તે જ તેની સફળતાનું અસલી કારણ છે.
ધોની માટે ચાહકોમાં ક્રેઝ
વર્તમાન આઈપીએલ સીઝનમાં ઈજાના કારણે ધોની રમી રહ્યો નથી, જેની અસર સ્ટેડિયમમાં પણ જોવા મળી રહી છે. હૈદરાબાદ હોય કે મુંબઈ, દરેક સ્ટેડિયમમાં ચાહકો હજુ પણ ‘નંબર 7’ ની જર્સી પહેરીને ધોનીની એક ઝલક મેળવવા માટે તલપાપડ છે. આ વાયરલ વીડિયોએ ચાહકોના ઘા પર મલમ જેવું કામ કર્યું છે અને સોશિયલ મીડિયા પર લોકો કહી રહ્યા છે કે, "ધોની જેવા માણસો સદીમાં એકવાર જ જન્મે છે."
