Mahendra Singh Dhoni Family Tree: ભારતીય ક્રિકેટ ટીમના પૂર્વ સફળકપ્તાન અને કરોડો ચાહકોના દિલ પર રાજ કરનાર મહેન્દ્ર સિંહ ધોની (MS Dhoni) માત્ર એક ખેલાડીનું નામ નથી, પરંતુ એક બ્રાન્ડ અને પ્રેરણા છે. ઝારખંડના રાંચી જેવા નાના શહેરમાંથી આવીને ભારતીય ક્રિકેટમાં 'કેપ્ટન કૂલ' તરીકે પોતાની આગવી ઓળખ બનાવનાર ધોનીએ તાજેતરમાં જ ચેન્નાઈ સુપર કિંગ્સ (CSK) ના 'ટીમ મેન્ટર' તરીકે નવી જવાબદારી સંભાળી છે. ક્રિકેટની દુનિયાથી લઈને બિઝનેસ જગત સુધી તેમની સફર અત્યંત પ્રેરણાદાયી રહી છે.
ધોનીના પરિવાર વિશે જાણો
મહેન્દ્ર સિંહ ધોનીનો જન્મ 7 જુલાઈ 1981ના રોજ રાંચી (ઝારખંડ) માં થયો હતો. તેમના પિતાનું નામ પાન સિંહ અને માતાનું નામ દેવકી દેવી છે. તેમના પરિવારમાં મોટા ભાઈ નરેન્દ્ર સિંહ ધોની અને મોટી બહેન જયંતી ગુપ્તા છે.
વર્ષ 2010માં ધોનીએ સાક્ષી સિંહ રાવત સાથે લગ્ન કર્યા હતા. સાક્ષી સાથેના તેમના લગ્નજીવનની શરૂઆત ખૂબ જ રસપ્રદ રહી છે, કારણ કે બંને બાળપણમાં એક જ સ્કૂલમાં સાથે ભણતા હતા અને બાદમાં પરિવારના માધ્યમથી ફરી મુલાકાત થયા બાદ બંનેએ લગ્ન કર્યા. ધોની અને સાક્ષીને એક સુંદર પુત્રી છે, જેનું નામ જીવા સિંહ ધોની છે. જીવા સોશિયલ મીડિયા પર અને ક્રિકેટ સ્ટેડિયમમાં હંમેશા પોતાના ક્યૂટ અંદાજને કારણે ચર્ચામાં રહે છે. ધોની પોતાના પરિવાર સાથે રાંચીમાં એક વિશાળ ફાર્મહાઉસમાં રહે છે, જેને તેઓએ 'સાહૌલી' નામ આપ્યું છે. તેમને મોટરસાઇકલ અને વિન્ટેજ કારનો ખૂબ જ શોખ છે, જેના માટે તેમણે એક અલગ ગેરેજ પણ બનાવ્યું છે.
ધોનીની ક્રિકેટ ક્ષેત્રે અદ્ભુત સિદ્ધિઓ
ધોનીની આગેવાની હેઠળ ભારતીય ક્રિકેટ ટીમે અકલ્પનીય ઊંચાઈઓ સર કરી છે. તેઓ વિશ્વના એકમાત્ર એવા કેપ્ટન છે જેમણે ICC ની ત્રણેય મોટી ટ્રોફી જીતી છે:
- 2007 T20 વર્લ્ડ કપ
- 2011 ODI વર્લ્ડ કપ
- 2013 ચેમ્પિયન્સ ટ્રોફી
આ ઉપરાંત, ઇન્ડિયન પ્રીમિયર લીગ (IPL) માં પણ ચેન્નાઈ સુપર કિંગ્સ (CSK) ને પાંચ વખત ચેમ્પિયન બનાવવામાં તેમનું સિંહ ફાળો રહ્યો છે. મેદાન પર તેમની શાંત પ્રકૃતિ, મુશ્કેલ પરિસ્થિતિમાં પણ યોગ્ય નિર્ણયો લેવાની ક્ષમતા અને 'હેલિકોપ્ટર શોર્ટ' તેમને વિશ્વના મહાનતમ ફિનિશર અને કેપ્ટન બનાવે છે.
એમએસ ધોનીની કુલ Net Worth અને કમાણીના સ્ત્રોત
આંતરરાષ્ટ્રીય ક્રિકેટમાંથી નિવૃત્તિ લીધા બાદ પણ એમએસ ધોનીની લોકપ્રિયતા અને કમાણીમાં કોઈ ઘટાડો થયો નથી. વિવિધ નાણાકીય અહેવાલો અને આંકડાઓ અનુસાર, એમએસ ધોનીની કુલ અંદાજિત નેટવર્થ ₹1,000 થી ₹1,200 કરોડ રૂપિયાની આસપાસ છે.
સામાન્ય પરિવારમાંથી આવીને પોતાની મહેનત, બુદ્ધિમત્તા અને સમર્પિત ભાવનાના બળે વૈશ્વિક સ્તરે અદ્ભુત પ્રતિષ્ઠા મેળવનાર એમએસ ધોની માત્ર એક ખેલાડી નથી, પરંતુ યુવાનો માટે એક જીવંત દંતકથા છે.
