Naman Awards BCCI: ભારતીય ક્રિકેટ કંટ્રોલ બોર્ડ (BCCI) દ્વારા તાજેતરમાં ૨૦૨૫ના વર્ષમાં શાનદાર પ્રદર્શન કરનાર ખેલાડીઓના સન્માન માટે 'નમન એવોર્ડ્સ'નું આયોજન કરવામાં આવ્યું હતું. આ ભવ્ય સમારોહમાં જ્યારે 2025 અને 2026ની આઈસીસી (ICC) ટુર્નામેન્ટ જીતનારા કેપ્ટનોનું સન્માન કરવામાં આવી રહ્યું હતું, ત્યારે એક ગ્રાફિક ભૂલે વિવાદનું મધપૂડું છંછેડ્યું છે.
શું હતી સમગ્ર ઘટના?
સમારોહ દરમિયાન જ્યારે યુવા બેટ્સમેન અને વર્તમાન ટેસ્ટ-વનડે કેપ્ટન શુભમન ગિલ સ્ટેજ પર ચેમ્પિયન્સ ટ્રોફી 2025ની જીત અંગે ચર્ચા કરી રહ્યા હતા, ત્યારે તેમની પાછળની સ્ક્રીન પરના ગ્રાફિક્સમાં તેમને "વિજેતા કેપ્ટન, ચેમ્પિયન્સ ટ્રોફી 2025" તરીકે દર્શાવવામાં આવ્યા હતા.
વાસ્તવિકતા એ છે કે ભારતે 2025ની ચેમ્પિયન્સ ટ્રોફીમાં ન્યુઝીલેન્ડને હરાવીને જે ખિતાબ જીત્યો હતો, તે રોહિત શર્માની કેપ્ટનશીપ હેઠળ મેળવ્યો હતો. શુભમન ગિલ તે સમયે ટીમનો મુખ્ય બેટ્સમેન હતો, પરંતુ કેપ્ટન નહીં. આ ટેકનિકલ ભૂલને કારણે રોહિત શર્માના ચાહકોમાં નારાજગી વ્યાપી ગઈ છે.
ચાહકોનો રોષ
રોહિત શર્મા આ સમારોહમાં ગેરહાજર હતા, ત્યારે તેમની સિદ્ધિનો શ્રેય ગિલને અપાતા સોશિયલ મીડિયા પર બીસીસીઆઈની આકરી ટીકા થઈ રહી છે. એક યુઝરે લખ્યું કે, "BCCI ફરી એકવાર ઇતિહાસ ફરીથી લખવાનો અને રોહિતની સિદ્ધિઓને ભૂંસવાનો પ્રયાસ કરી રહ્યું છે." અન્ય એક ફેને કટાક્ષ કરતા કહ્યું, "મને અત્યાર સુધી લાગતું હતું કે રોહિત કેપ્ટન હતો, પણ બીસીસીઆઈ મુજબ તો ગિલ કેપ્ટન હતો!" ઘણા ચાહકોએ આ ઘટનાને "હિસ્ટ્રી રીરાઈટિંગ" ગણાવીને બોર્ડ પાસે માફીની માંગ કરી છે.
Shubman Gill :- Winning captain icc Champions trophy 2025 🤔 @BCCI we thought Rohit Sharma was the captain. pic.twitter.com/jAo2PSe5wt
— अभि 🇮🇳 (@abhi7781_) March 15, 2026
according to them Shubman Gill was the champions trophy winning captain and not Rohit Sharma, unreal daylight robbery.@BCCI kuch toh sharm karo🤣🤣🤣🤣 pic.twitter.com/2cHKQPMJSx
— Arnav. (@TheDrArnav) March 15, 2026
Rohit Sharma won the ICC Champions Trophy as captain, but here at the BCCI Naman Awards they’re naming Shubman Gill as captain. Please don’t rewrite history 🤷♂️😕#bcci
— Uma shankar (@JustShankar_) March 15, 2026
શુભમન ગિલનું 2025નું શાનદાર પ્રદર્શન
જોકે, કેપ્ટનશીપના વિવાદ સિવાય શુભમન ગિલ માટે વર્ષ ૨૦૨૫ વ્યક્તિગત રીતે ખૂબ જ સફળ રહ્યું હતું.
- ટેસ્ટ ક્રિકેટ: ઇંગ્લેન્ડ સામેની 5 ટેસ્ટ મેચોમાં તેણે 75.40ની સરેરાશથી 754 રન ફટકાર્યા હતા, જેમાં 4 સદી સામેલ હતી. આખા વર્ષમાં તેણે ટેસ્ટમાં કુલ 983 રન બનાવ્યા.
- ODI રેન્કિંગ: ગિલે વનડેમાં પણ વિશ્વના નંબર વન બેટ્સમેન તરીકેનું સ્થાન જાળવી રાખ્યું હતું અને ચેમ્પિયન્સ ટ્રોફીમાં બાંગ્લાદેશ સામે 101 રનની અણનમ ઇનિંગ રમી ટીમને જીત અપાવવામાં મહત્વની ભૂમિકા ભજવી હતી.
બીસીસીઆઈ જેવા વિશ્વના સૌથી શક્તિશાળી ક્રિકેટ બોર્ડ દ્વારા આવી પાયાની ભૂલ થવી એ આશ્ચર્યજનક છે. રોહિત શર્માના કેપ્ટન તરીકેના યોગદાનને ઓછું આંકવાના પ્રયાસ તરીકે જોવામાં આવતી આ ઘટનાએ અત્યારે ક્રિકેટ જગતમાં ભારે ચર્ચા જગાવી છે.