MI vs CSK: ગુરુવારે વાનખેડે સ્ટેડિયમ ખાતે મુંબઈ ઇન્ડિયન્સ અને ચેન્નાઈ સુપર કિંગ્સ વચ્ચે IPL 2026ની 33મી મેચ રમાઈ રહી છે, જે દરમિયાન એક રમુજી ઘટના બની. આમ તો આ રમુજી કરતા એમ કહી શકાય કે રવિ શાસ્ત્રી શરમજનક સ્થિતિમાંથી બચી ગયા.
હકિકતમાં રવિ શાસ્ત્રીએ આ મેચમાં ટોસ હોસ્ટની ભૂમિકા ભજવી હતી. ટોસ દરમિયાન, શાસ્ત્રી બંને ટીમોના કેપ્ટન અને હાજર અન્ય મહાનુભાવોનો પરિચય કરાવી રહ્યા હતા. તેમણે મુંબઈ ઇન્ડિયન્સ કેપ્ટન હાર્દિક પંડ્યાનો પરિચય કરાવ્યો અને પછી અચાનક હચમચી ગયા. હકીકતમાં, શાસ્ત્રી ચેન્નાઈ સુપર કિંગ્સના કેપ્ટન રુતુરાજ ગાયકવાડનું નામ ઉચ્ચારવામાં અસમર્થ હતા.
શાસ્ત્રીના હાવભાવથી ખ્યાલ આવતો હતો કે તેઓ ગાયકવાડનું નામ ભૂલી ગયા છે. સોશિયલ મીડિયાના યુગમાં, એક ભૂલ મોંઘી પડી શકે છે અને રવિ શાસ્ત્રી ટ્રોલ થવાના આરે હતા. ત્યારબાદ હાર્દિક પંડ્યાએ તારણહારની ભૂમિકા ભજવી અને શાસ્ત્રીને ગાયકવાડનું નામ યાદ કરાવ્યું. ત્યારે જ શાસ્ત્રીએ રુતુરાજ ગાયકવાડનો પરિચય કરાવ્યો. વિડિયોમાં શાસ્ત્રીની ભૂલ સ્પષ્ટપણે જોઈ શકાય છે.
🚨Toss update from Mumbai🚨@mipaltan won the toss and elected to bowl first against @ChennaiIPL
— IndianPremierLeague (@IPL) April 23, 2026
Updates ▶️ https://t.co/gGt34dqUoq#TATAIPL | #KhelBindaas | #MIvCSK pic.twitter.com/nDH0Nw23eD
મુંબઈ બન્યું ટોસનો બોસ
મુંબઈ ઈન્ડિયન્સના કેપ્ટન હાર્દિક પંડ્યાએ ટોસ જીતીને ચેન્નાઈ સુપર કિંગ્સ સામે પ્રથમ બોલિંગ કરવાનો નિર્ણય લીધો. મુંબઈ ઈન્ડિયન્સે તેની પ્લેઈંગ 11માં કોઈ ફેરફાર કર્યો નથી. દરમિયાન, રુતુરાજ ગાયકવાડે કહ્યું કે તેઓ પહેલા બોલિંગ કરવાનું પસંદ કરતા. સીએસકેએ મેથ્યુ શોર્ટને પ્લેઈંગ 11માં પ્રશાંત વીરને સ્થાન આપ્યું.
અલ ક્લાસિકોમાં પહેલી વખત
યાદ કરો કે મુંબઈ ઈન્ડિયન્સ અને ચેન્નાઈ સુપર કિંગ્સ વચ્ચેની સ્પર્ધા આઈપીએલમાં સૌથી રોમાંચક માનવામાં આવે છે. તે ફૂટબોલની જેમ ક્રિકેટમાં એલ ક્લાસિકોનો દરજ્જો ધરાવે છે. આ પહેલી વાર છે જ્યારે રોહિત શર્મા અને એમએસ ધોનીની ગેરહાજરીમાં મુંબઈ ઈન્ડિયન્સ અને સીએસકે વચ્ચેની મેચ રમાઈ રહી છે.
ટેબલ સ્ટેટસ
મુંબઈ ઈન્ડિયન્સ અને ચેન્નાઈ સુપર કિંગ્સ વર્તમાન આઈપીએલમાં પ્રભાવશાળી રહ્યા નથી. આ મેચ પહેલા બંને ટીમોએ છ મેચોમાં ફક્ત બે મેચ જીતી છે. આઈપીએલ 2026 પોઈન્ટ ટેબલમાં મુંબઈ ઈન્ડિયન્સ સાતમા સ્થાને છે, જ્યારે ચેન્નાઈ સુપર કિંગ્સ આઠમા સ્થાને છે.
