Vaibhav Sooryavanshi Tata Sierra: IPL 2026માં પોતાની વિસ્ફોટક બેટિંગથી ક્રિકેટ જગતમાં સળવળાટ મચાવનાર ભારતના યુવા ધૂરંધર વૈભવ સૂર્યવંશી માટે આ દિવાળી ખૂબ જ યાદગાર બની રહી છે. મેદાન પર પોતાના બેટથી રનનો ખડકલો કરનાર આ યુવા ખેલાડીને એક ચમચમાતી નવી કાર ભેટમાં મળી છે. વૈભવને તેની શાનદાર રમત બદલ Tata Sierra SUV એવોર્ડ સ્વરૂપે એનાયત કરવામાં આવી છે. તાજેતરમાં જ વૈભવ સૂર્યવંશી પોતાના માતા-પિતા અને ભાઈ સાથે ટાટાના શોરૂમ પહોંચ્યા હતા, જ્યાં તેમણે પરિવાર સાથે મળીને પોતાની આ નવી સવારીની ચાવી સ્વીકારી હતી અને ડિલિવરી લીધી હતી.
કેમ મળી આ મોંઘી SUV?
આ પણ વાંચો
IPL 2026 દરમિયાન વૈભવ સૂર્યવંશીએ વિરોધી બોલરોની બરાબરની ધોલાઈ કરી હતી. સમગ્ર ટૂર્નામેન્ટ દરમિયાન તેમણે 237થી પણ વધુના તોફાની સ્ટ્રાઈક રેટ સાથે રન બનાવ્યા હતા. આ અદ્ભુત પ્રદર્શનના કારણે તેમને ટૂર્નામેન્ટના 'સુપર સ્ટ્રાઈકર ઓફ ધ સીઝન'નો એવોર્ડ મળ્યો હતો, જેના ઈનામ સ્વરૂપે તેમને આ લક્ઝરી કાર ભેટમાં આપવામાં આવી છે.
ટાટા સિએરા (Tata Sierra)ના આધુનિક અને શાનદાર ફીચર્સ
ટાટાની આ નવી Sierra SUVને કંપનીએ લેટેસ્ટ ટેકનોલોજી અને પ્રીમિયમ ફિચર્સથી સજ્જ કરી છે. કારના કેબિનમાં 12.3-ઇંચની મોટી ટચસ્ક્રીન ઇન્ફોટેનમેન્ટ સિસ્ટમ, ફુલ્લી ડિજિટલ ડ્રાઇવર ડિસ્પ્લે અને કનેક્ટેડ કાર ટેકનોલોજી આપવામાં આવી છે. આ સિવાય મુસાફરીને આરામદાયક બનાવવા માટે Chronic/VENTILATED સીટો, ડ્યુઅલ-ઝોન ક્લાઇમેટ કંટ્રોલ, વિશાળ પેનોરેમિક સનરૂફ અને જેબીએલ (JBL)નું ધમાકેદાર સાઉન્ડ સિસ્ટમ મળે છે. સેફ્ટી માટે તેમાં 6 એરબેગ્સ, 360-ડિગ્રી કેમેરા અને લેવલ-2 ADAS (એડવાન્સ્ડ ડ્રાઇવર આસિસ્ટન્સ સિસ્ટમ) જેવા અદ્યતન ફિચર્સ પણ સામેલ છે.
દમદાર એન્જિન અને ઓલ-ઇલેક્ટ્રિક ઓપ્શન
Tata Sierra ભારતીય ઓટો માર્કેટમાં પેટ્રોલ, ડીઝલ અને ઓલ-ઇલેક્ટ્રિક (EV) ત્રણેય વેરિઅન્ટમાં ઉપલબ્ધ છે. કારના ઇલેક્ટ્રિક વેરિઅન્ટમાં મોટું બેટરી પેક આપવામાં આવ્યું છે, જે એક વાર ફુલ ચાર્જ થવા પર 450 થી 500 કિલોમીટરથી વધુની ડ્રાઇવિંગ રેન્જ આપે છે. બીજી તરફ, આઈસીઈ (ICE) મોડલમાં 1.5-લીટર ટર્બો-પેટ્રોલ અને ડીઝલ એન્જિનનો ઓપ્શન મળે છે, જે ખરાબ કે મુશ્કેલ રસ્તાઓ પર પણ પાવરફુલ પિકઅપ અને સ્મૂથ પરફોર્મન્સ આપે છે.
કિંમત અને EMIનું ગણિત
ભારતીય બજારમાં Tata Sierra ની એક્સ-શોરૂમ કિંમત વેરિઅન્ટ્સ મુજબ રૂ. 15 લાખથી શરૂ થઈને રૂ. 25 લાખ સુધી જાય છે. જો કોઈ ગ્રાહક આ એસયુવીનું 15 લાખ રૂપિયા વાળું બેઝ મોડલ ખરીદે છે અને 2 લાખ રૂપિયા ડાઉન પેમેન્ટ આપે છે, તો બાકીના 13 લાખ રૂપિયાની લોન 8.5% ના વ્યાજ દરે 5 વર્ષ (60 મહિના) માટે લેતા ગ્રાહકે દર મહિને આશરે રૂ. 26,500 EMI પેટે ચુકવવા પડશે.