IND vs ENG 4th Test: લૉર્ડ્સ ટેસ્ટમાં 22 રનથી હાર્યા બાદ ભારતે માન્ચેસ્ટર ટેસ્ટ બચાવી લીધી. આ ડ્રો પણ જીત જેવો રહ્યો. ભારતે પહેલી પારીમાં 358 રન બનાવ્યા હતા, જેના જવાબમાં ઈંગ્લેન્ડે 669 રન બનાવી નાખ્યા. ઈંગ્લેન્ડે ભારત પર 311 રનની લીડ મેળવી લીધી. ભારતે બીજી પારીમાં 5 સેશનમાં માત્ર 4 વિકેટ ગુમાવી અને મેચ ડ્રો કરાવીને સીરિઝમાં આશાઓ જીવંત રાખી. હવે સુનીલ ગાવસ્કરે ઈંગ્લેન્ડના કેપ્ટન બેન સ્ટોક્સ પર નિશાન તાક્યું.
ઈંગ્લેન્ડે લાંબી બેટિંગ કેમ કરી?
સુનીલ ગાવસ્કરે સોની સ્પોર્ટ્સ પર ઈંગ્લેન્ડના કેપ્ટન બેન સ્ટોક્સ પર પ્રહાર કરતા કહ્યું કે જો તેઓ શુભમન ગિલની જગ્યાએ હોત તો સ્ટોક્સને ચોક્કસપણે કેટલાક અસહજ સવાલો પૂછત. તેમણે કહ્યું કે ઈંગ્લેન્ડે લાંબી બેટિંગ કેમ કરી? શું તેને પહેલા જ પારી જાહેર કરી દેવી જોઈતી હતી?
આ બહાદુરી નથી, વધારે પડતું બોલવું છે…
જ્યારે ભારતે બર્મિંગહામમાં 600 પ્લસ રનની લીડ લીધી હતી ત્યારે ઈંગ્લેન્ડના કેટલાક ખેલાડીઓએ પ્રેસ કોન્ફરન્સમાં કહ્યું હતું - ભારત ડરેલું હતું તેથી તેણે અમને 600 રન આપ્યા. પણ મને યાદ છે કે મેં પહેલા ક્યાંક વાંચ્યું હતું કે તેમણે કહ્યું હતું કે અમને 600 રન આપો, અમે કંઈ પણ ચેઝ કરી શકીએ છીએ. ભારતે એ જ કર્યું અને તમે 336 રન પાછળ રહી ગયા. આ બહાદુરી નથી, વધારે પડતું બોલવું છે.
Sunil Gavaskar calls out England's "loud talk" ??#SonySportsNetwork #ENGvIND #NayaIndia #DhaakadIndia #TeamIndia #ExtraaaInnings pic.twitter.com/b06op1KAUY
— Sony Sports Network (@SonySportsNetwk) July 29, 2025
ગાવસ્કરે કહ્યું કે તમે 311 રનની લીડ કેમ લીધી? તમે 240ની લીડથી કેમ ખુશ નહોતા? કે 250? તમે જ્યારે સદી પૂરી કરી લીધી ત્યારે તમે પારી કેમ નહોતી જાહેર કરી અને આ રીતે તમારા બોલરોને વિકેટ લેવા માટે થોડો વધુ સમય આપી શકતા.