Gudi Padwa 2026 Date: સનાતન ધર્મમાં ચૈત્ર માસના શુક્લ પક્ષની પ્રતિપદા તિથિનું વિશેષ મહત્વ છે. આ તિથિ ચૈત્ર નવરાત્રીના પ્રારંભ સાથે જ હિન્દુ નવવર્ષની શરૂઆત પણ ગણાય છે. મહારાષ્ટ્રમાં આ દિવસને 'ગુડી પડવા' (Gudi Padwa 2026) તરીકે ધામધૂમથી ઉજવવામાં આવે છે. વર્ષ 2026 માં ગુડી પડવો ક્યારે છે અને તેના શુભ મુહૂર્ત શું રહેશે, તે અંગેની વિગતવાર માહિતી આ આર્ટિકલમાં આપવામાં આવી છે.
ગુડી પડવો 2026 તારીખ (Gudi Padwa 2026 Date)
જ્યોતિષીઓ અને હિન્દુ પંચાંગ અનુસાર, વર્ષ 2026 માં ચૈત્ર માસના શુક્લ પક્ષની પ્રતિપદા તિથિ 19 માર્ચ 2026 ના રોજ સવારે 06:52 વાગ્યે શરૂ થશે. આ તિથિ બીજા દિવસે, એટલે કે 20 માર્ચ 2026 ના રોજ સવારે 04:52 વાગ્યે સમાપ્ત થશે. હિન્દુ ધર્મમાં કોઈપણ તહેવારની ઉજવણી માટે 'ઉદયાતિથિ' (સૂર્યોદય સમયની તિથિ) ને માન્ય ગણવામાં આવે છે. તેથી, ઉદયતિથિના આધારે ગુડી પડવો 19 માર્ચ 2026 ના રોજ ઉજવવામાં આવશે.
ગુડી પડવાનું ધાર્મિક મહત્વ અને ઉજવણી (Gudi Padwa Significance)
ગુડી પડવાને મરાઠી નવવર્ષ તરીકે પણ ઓળખવામાં આવે છે. આ તહેવાર મુખ્યત્વે મહારાષ્ટ્ર, કર્ણાટક, ગોવા અને આંધ્રપ્રદેશમાં ખૂબ જ ઉત્સાહથી મનાવવામાં આવે છે. આ દિવસ વિજય અને સમૃદ્ધિનું પ્રતીક માનવામાં આવે છે. આ શુભ દિવસે જ દેવી દુર્ગાની આરાધનાનું પર્વ 'ચૈત્ર નવરાત્રી' પણ શરૂ થાય છે. માન્યતા છે કે આ દરમિયાન વ્રત અને પૂજા કરવાથી ભક્તોની મનોકામનાઓ પૂર્ણ થાય છે અને જીવનમાં સુખ-શાંતિ આવે છે.
ગુડી પડવા પૂજા વિધિ અને પરંપરા (Gudi Padwa Puja Vidhi)
ગુડી પડવાના દિવસે શ્રદ્ધાળુઓ સવારે વહેલા ઉઠીને સ્નાન કરી નવા વસ્ત્રો ધારણ કરે છે. લોકો પોતાના ઘરને સ્વચ્છ કરીને આંગણામાં રંગોળી અને ફૂલોથી સુશોભન કરે છે. આ પર્વની મુખ્ય ઓળખ 'ગુડી' (એક પ્રકારનો ધ્વજ) છે, જે વિજયના પ્રતીક તરીકે ઘરના મુખ્ય પ્રવેશદ્વાર અથવા અગાશી પર ફરકાવવામાં આવે છે.
આ દિવસે મહારાષ્ટ્રમાં શ્રીખંડ, પુરણ પોળી અને સાબુદાણા વડા જેવી પરંપરાગત વાનગીઓ બનાવવામાં આવે છે. લોકો સૂર્યદેવને અર્ઘ્ય આપી પૂજા કરે છે અને પૂર્વજોના આશીર્વાદ માટે તર્પણ અને પિંડદાન જેવી વિધિઓ પણ કરે છે. આ પવિત્ર દિવસે ગરીબો અને જરૂરિયાતમંદોને અન્ન અને વસ્ત્રનું દાન કરવાનું પણ વિશેષ મહાત્મ્ય છે.
પંચાગ
- સૂર્યોદય - 06:45 AM
- સૂર્યાસ્ત - 06:50 PM
- ચંદ્રોદય નથી
- ચંદ્રાસ્ત - 07:16 PM
- બ્રહ્મ મુહૂર્ત - 05:09 AM થી 05:57 AM
- પ્રાત: સંધ્યા - 05:33 AM થી 06:45 AM
- અભિજીત - 12:23 PM થી 01:11 PM
- વિજય મુહૂર્ત - 02:48 PM થી 03:36 PM
- ગોધુલી મુહૂર્ત - 06:48 PM થી 07:11 PM
- સાંય: સંધ્યા - સાંજે 06:50 PM થી 08:01 PM
- અમૃત કલામ - 11:32 PM થી 01:03 AM, 20 માર્ચ
- નિશિતા મુહૂર્ત - 12:23 AM, માર્ચ 20 થી 01:10 AM, 20 માર્ચ
- સર્વાર્થ સિદ્ધિ યોગ - સવારે 04:05 થી 06:44, 20 માર્ચ
માર્ચ 19, 2026, ગુરુવારના દિવસના ચોઘડિયા
- શુભ - 06:45 AM થી 08:15 AM
- લાભ - 12:47 PM થી 02:18 PM
- અમૃત - 02:18 PM થી 03:48 PM
- શુભ - 05:19 PM થી 06:50 PM
માર્ચ 19, 2026, ગુરુવારના રાત્રિના ચોઘડિયા
- અમૃત - 06:50 PM થી 08:19 PM
- લાભ - 12:47 AM થી 02:16 AM, માર્ચ 20
- શુભ - 03:45 AM થી 05:14 AM, માર્ચ 20
- અમૃત - 05:14 AM થી 06:44 AM, માર્ચ 20