Govardhan Puja 2026 Date and Time: દિવાળીના પર્વ બાદ તરત જ આવતો ગોવર્ધન પૂજાનો તહેવાર ભારતીય સંસ્કૃતિમાં અનેરું મહત્વ ધરાવે છે. વૈદિક પંચાંગ અનુસાર, કારતક સુદ એકમ (પ્રતિપદા) ના દિવસે ઉજવાતા આ પર્વમાં ભગવાન શ્રીકૃષ્ણ અને ગૌધન પૂજાનો વિશેષ મહિમા છે. મથુરા સહિત સમગ્ર દેશમાં આ દિવસે ભક્તિમય વાતાવરણ જોવા મળે છે. વર્ષ 2026 માં આ તહેવાર ક્યારે ઉજવાશે અને પૂજા માટે શ્રેષ્ઠ સમય કયો છે, તેની વિગતો અહીં મેળવો.
ગોવર્ધન પૂજા 2026: તારીખ અને સમય
પંચાંગની ગણતરી મુજબ, કારતક માસના શુક્લ પક્ષની પ્રતિપદા તિથિ 09 નવેમ્બરના રોજ બપોરે 12:31 વાગ્યે શરૂ થશે, જે બીજા દિવસે 10 નવેમ્બરના રોજ બપોરે 02:00 વાગ્યે પૂર્ણ થશે. આ સમયગાળાને ધ્યાનમાં રાખતા, ગોવર્ધન પૂજાનો તહેવાર 09 નવેમ્બર, 2026 (સોમવાર) ના રોજ ધામધૂમથી ઉજવવામાં આવશે.
પૂજા માટેના શુભ મુહૂર્ત
ભક્તો માટે ગોવર્ધન પૂજા કરવા માટે સાંજનો સમય શ્રેષ્ઠ માનવામાં આવે છે.
- ગોવર્ધન પૂજા મુહૂર્ત: 03:44 PM થી 05:58 PM
- કુલ સમયગાળો: 02 કલાક 14 મિનિટ
અન્ય મહત્વપૂર્ણ શુભ મુહૂર્ત (09 નવેમ્બર 2026)
- સૂર્યોદય: 06:49 AM | સૂર્યાસ્ત: 05:58 PM
- બ્રહ્મ મુહૂર્ત: 05:06 AM થી 05:58 AM
- વિજય મુહૂર્ત: 02:15 PM થી 02:59 PM
- ગોધૂલિ મુહૂર્ત: 05:58 PM થી 06:23 PM
- અમૃત કાળ: 11:49 PM થી 01:32 AM (10 નવેમ્બર)
આર્થિક સંકટ નિવારણ અને વિશેષ વિધિ
ગોવર્ધન પૂજાના દિવસે કેટલીક ખાસ વિધિઓ કરવાથી જીવનમાં સુખ-સમૃદ્ધિ જળવાઈ રહે છે:
તુલસી પૂજન: આ દિવસે તુલસી ક્યારે શુદ્ધ ઘીનો દીવો પ્રગટાવી મંત્ર જાપ કરવાથી અન્નના ભંડાર ભરેલા રહે છે અને લક્ષ્મીજીની કૃપા પ્રાપ્ત થાય છે.
ગૌ સેવા: જો તમે આર્થિક તંગીનો સામનો કરી રહ્યા હોવ, તો સવારે સ્નાન કર્યા બાદ ગાયની પૂજા કરવી. ગાયને તિલક કરી, ફૂલની માળા પહેરાવી અને લીલો ઘાસચારો ખવડાવવો. ધાર્મિક માન્યતા છે કે આમ કરવાથી દરિદ્રતા દૂર થાય છે અને ધન પ્રાપ્તિના યોગ બને છે.
પૂજા સમયે ઉપયોગી મંત્રો
|| ગોવર્ધન પૂજા મંત્ર ||
गोवर्धन धराधार गोकुल त्राणकारक।
विष्णुबाहु कृतोच्छ्राय गवां कोटिप्रभो भव।।
|| શ્રી કૃષ્ણના શક્તિશાળી મંત્રો ||
श्री कृष्णाय वयं नुम:
सच्चिदानंदरूपाय विश्वोत्पत्यादिहेतवे।
तापत्रयविनाशाय श्रीकृष्णाय वयं नुम:।।
ॐ देविकानन्दनाय विधमहे वासुदेवाय धीमहि तन्नो कृष्ण:प्रचोदयात