Ganesh Chaturthi 2026 Start And End Date: વિઘ્નહર્તા ગણેશજીના જન્મોત્સવ એટલે કે ગણેશ ચતુર્થીના પાવન પર્વની દેશભરમાં ધામધૂમથી ઉજવણી કરવામાં આવે છે. ભાદરવા સુદ ચોથના દિવસે મનાવવામાં આવતા આ તહેવારની ભક્તો આતુરતાથી રાહ જોતા હોય છે. વર્ષ 2026 માં ગણપતિ બાપ્પા ક્યારે પધારશે અને મૂર્તિ સ્થાપના માટે કયું મુહૂર્ત શ્રેષ્ઠ રહેશે, તે અંગે આ આર્ટિકલમાં વિગતવાર જાણો.
ગણેશ ચતુર્થી 2026: તારીખ અને તિથિ
હિન્દુ પંચાંગ અનુસાર, વર્ષ 2026 માં ગણેશ ચતુર્થીનો તહેવાર 14 સપ્ટેમ્બર, સોમવારના રોજ ઉજવવામાં આવશે. આ દિવસને વિનાયક ચતુર્થી તરીકે પણ ઓળખવામાં આવે છે.
- ચતુર્થી તિથિ પ્રારંભ: 14 સપ્ટેમ્બર ના રોજ સવારે 04:57 વાગ્યે
- ચતુર્થી તિથિ સમાપ્ત: 15 સપ્ટેમ્બર ના રોજ સવારે 06:54 વાગ્યે
ગણપતિ સ્થાપનાનું શુભ મુહૂર્ત
ગણેશ ચતુર્થીના દિવસે મૂર્તિ સ્થાપના ચોક્કસ મુહૂર્તમાં કરવી ખૂબ જ શુભ માનવામાં આવે છે. 2026 માં સ્થાપના માટેનો શ્રેષ્ઠ સમય નીચે મુજબ છે:
- શુભ મુહૂર્ત: 14 સપ્ટેમ્બરના રોજ સવારે 11:02 થી બપોરે 01:30 વાગ્યા સુધી
- કુલ સમયગાળો: ભક્તોને ગણેશ સ્થાપના અને પૂજા માટે આશરે 2 કલાક અને 28 મિનિટનો સમય મળશે
ગણેશ સ્થાપના વિધિ (Ganesh Chaturthi 2026 Sthapana Vidhi)
- સૌપ્રથમ પૂજા માટે પસંદ કરેલ સ્થળને સારી રીતે સાફ કરી સાફ કરો.
- ચૌકી પર લાલ અથવા પીળા રંગનું સ્વચ્છ કપડું પાથરો.
- ભગવાન શ્રી ગણેશની મૂર્તિને ચૌકી અથવા પાટલા પર વિધિપૂર્વક સ્થાપિત કરો.
- મૂર્તિ પર અક્ષત (ચોખા), હળદર, કુમકુમ અને સોપારી અર્પણ કરો.
- ગણેશજીની જમણી બાજુ તાંબાના અથવા પિત્તળના કળશમાં શુદ્ધ પાણી ભરી તેને સ્થાપિત કરો.
- પ્રાણ પ્રતિષ્ઠા માટે મંત્ર જાપ કરો, 'अस्य प्राण प्रतिष्ठां तु, अस्य प्राणा: क्षरंतु च। श्री गणपते त्वं सुप्रतिष्ठ वरदे भवेताम॥'
- ભગવાન શ્રી ગણેશને ગંગાજળ અથવા શુદ્ધ જળથી અભિષેક કરો.
- દૂર્વા, ફૂલો, માળા તથા મોદક અર્પણ કરીને શ્રદ્ધાપૂર્વક પૂજા કરો.
- અંતે શ્રી ગણેશની આરતી કરો અને ગણેશ ચતુર્થીની કથા વાંચીને પૂજાનો સમાપન કરો.
મહત્વ અને પરંપરા
ગણેશ ચતુર્થી બુદ્ધિ, સમૃદ્ધિ અને સૌભાગ્યના દેવતા ભગવાન ગણેશના જન્મોત્સવનું પ્રતીક છે. એવી માન્યતા છે કે આ દિવસે ગણેશજીની પૂજા કરવાથી અને તેમને પ્રિય મોદક, દુર્વા અને લાડુનો ભોગ ધરાવવાથી તમામ વિઘ્નો દૂર થાય છે. ભક્તો 1.5, 3, 5 કે 10 દિવસ માટે ગણપતિ બાપ્પાની મૂર્તિનું સ્થાપન કરે છે અને અનંત ચતુર્દશીના દિવસે મૂર્તિનું વિસર્જન કરે છે. વર્તમાન સમયમાં પર્યાવરણની જાળવણી માટે માટીની અને ઈકો-ફ્રેન્ડલી મૂર્તિઓ સ્થાપિત કરવાનો ટ્રેન્ડ પણ વધ્યો છે.