ISRO News:ઈન્ડિયન સ્પેસ રિસર્ચ ઓર્ગેનાઈઝેશન (ISRO)ના ખાનગીકરણની આશંકા વચ્ચે ISROના વિવિધ કર્મચારીઓ સંગઠનોના પત્રના જવાબમાં તેના ચેરમેન વી.નારાયણે કહ્યું કે ISRO કર્મચારીને પોતાની રોજગારી તથા ભવિષ્યને લઈ કોઈ પણ પ્રકારની ચિંતા કરવાની જરૂર નથી. ખાનગી પ્લેયર્સની ભૂમિકાનો ઉદ્દેશ દેશના અંતરીક્ષ ક્ષેત્રની ક્ષમતાનું વિસ્તરણ કરવાનું છે અને ISRO ખાનગી સેક્ટરને મદદ કરવાની સાથે તમામ મહત્વની ભૂમિકા તથા ડીપ સ્પેસ પ્રક્ષેપણ ઈસરો પાસે જ રહેશે.
ISROના અધ્યક્ષે કહ્યું કે આપણો અવકાશ કાર્યક્રમ 64 વર્ષ જૂનો છે. હાલમાં આપણી પાસે અવકાશમાં 56 અવકાશ સંપત્તિઓ છે, જે દેશના સામાન્ય લોકોની સેવા કરે છે. પરંતુ આપણને તેમાંથી ઘણી મોટી સંખ્યાની જરૂર છે. મને લાગે છે કે તમે બધા આ જાણો છો; અવકાશ ક્ષેત્રમાં સુધારા છ વર્ષ પહેલાં શરૂ કરવામાં આવ્યા હતા. તે મુજબ આપણે ખાનગી ક્ષેત્રના સ્ટાર્ટઅપ્સને ટેકો આપવાની અને અવકાશ ઇકોસિસ્ટમનો વિસ્તાર કરવાની જરૂર છે. હકીકતમાં જ્યારે પણ PSLV અથવા GSLV લોન્ચ થાય છે ત્યારે કૃપા કરીને એવું ન વિચારો કે બધું ISROમાં જ થાય છે. બજેટનો લગભગ 80% ભારતીય ઉદ્યોગોમાં રોકાણ કરવામાં આવે છે."
તેમણે વધુમાં કહ્યું કે અમારી પાસે 450 ઉદ્યોગો કામ કરી રહ્યા છે.આપણે અત્યારે અહીં છીએ.તેથી ધીમે ધીમે મારા સાથીદારોને જે પણ ચિંતાઓ હોય અને તે વાજબી ચિંતા હોય તેને દૂર કરવાની જવાબદારી આપણી છે. પરંતુ મુદ્દો એ છે કે દેશને હવે દર વર્ષે લગભગ 50 લોન્ચ વાહનોની જરૂર છે અને આપણે આગળ વધવું પડશે.
ISROના 9 કર્મચારી સંગઠનોએ પ્રશ્નો ઉઠાવ્યા
ISRO ના નવ કર્મચારી સંગઠનોએ 4 સપ્ટેમ્બરના રોજ અવકાશ એજન્સીના અધ્યક્ષ વી. નારાયણનને પત્ર લખીને ખાનગી કંપનીઓને ઉત્પાદન અને કામગીરી સોંપવાના પ્રસ્તાવ પર સત્તાવાર સ્પષ્ટતા માંગી હતી. તેઓ 21 ઓગસ્ટના રોજ ઇન્ડિયન નેશનલ સ્પેસ પ્રમોશન એન્ડ ઓથોરાઇઝેશન સેન્ટર (IN-SPACE)ના અધ્યક્ષ પવન ગોયન્કા દ્વારા કરવામાં આવેલી ટિપ્પણીઓનો ઉલ્લેખ કરી રહ્યા હતા. ISRO એ પોસ્ટમાં જણાવ્યું હતું કે તેની ભૂમિકા ધીમે ધીમે એવા ક્ષેત્રોમાં મજબૂત થશે જ્યાં તેની વૈજ્ઞાનિક કુશળતા સૌથી મહત્વપૂર્ણ છે - જેમ કે અદ્યતન સંશોધન અને વિકાસ, અદ્યતન તકનીકો, માનવ અવકાશ ઉડાન, આગામી પેઢીના પ્રક્ષેપણ પ્રણાલીઓ, ઊંડા અવકાશ અને ગ્રહોના મિશન અને વ્યૂહાત્મક રાષ્ટ્રીય ક્ષમતાઓ.