India US Relations: અમેરિકી રાષ્ટ્રપતિ ડોનાલ્ડ ટ્રમ્પના ભારત-અમેરિકા સંબંધો પરના નિવેદનો બાદ વડાપ્રધાન નરેન્દ્ર મોદીએ પણ જવાબ આપ્યો છે. તેમણે ટ્રમ્પનો આભાર માન્યો અને કહ્યું કે તેઓ તેમની ભાવનાઓનું સન્માન કરે છે. PM મોદીએ ભારત અને અમેરિકા વચ્ચેના સકારાત્મક સંબંધો પર ભાર મૂક્યો છે, જે બંને દેશો વચ્ચેના મજબૂત સંબંધોની પુષ્ટિ કરે છે.
પીએમ મોદીએ ડોનાલ્ડ ટ્રમ્પને આપ્યો જવાબ
પીએમ મોદીએ સોશિયલ મીડિયા પર એક પોસ્ટ દ્વારા ડોનાલ્ડ ટ્રમ્પનો આભાર માનતાં કહ્યું કે તેઓ ટ્રમ્પની ભાવનાઓનું સન્માન કરે છે અને કહ્યું કે ભારત અને અમેરિકા વચ્ચેનો સંબંધ સકારાત્મક છે. PM મોદીએ પોતાની પોસ્ટમાં કહ્યું કે ભારત અને અમેરિકા વચ્ચે વૈશ્વિક ભાગીદારી છે. રાષ્ટ્રપતિ ટ્રમ્પની ભાવનાઓ અને આપણા સંબંધોના સકારાત્મક મૂલ્યાંકનની હું ઊંડાણપૂર્વક પ્રશંસા કરું છું અને સંપૂર્ણ રીતે તેનું સમર્થન કરું છું. ભારત અને અમેરિકા વચ્ચે ખૂબ જ સકારાત્મક અને દૂરંદેશી વ્યાપક અને વૈશ્વિક વ્યૂહાત્મક ભાગીદારી છે.
Deeply appreciate and fully reciprocate President Trump's sentiments and positive assessment of our ties.
— Narendra Modi (@narendramodi) September 6, 2025
India and the US have a very positive and forward-looking Comprehensive and Global Strategic Partnership.@realDonaldTrump @POTUS https://t.co/4hLo9wBpeF
ઉલ્લેખનીય છે કે આ પહેલા ડોનાલ્ડ ટ્રમ્પે ભારત સાથેના સંબંધોને લઈને વાત કરી હતી. તેમણે પહેલા એવું કહ્યું હતું કે અમે ભારતને ચીનના હાથે ગુમાવી દીધું છે. જોકે ત્યારબાદ તેમણે એમ પણ કહ્યું કે વડાપ્રધાન નરેન્દ્ર મોદી તેમના સારા મિત્ર છે અને ભારત સાથે અમેરિકાનો સંબંધ હંમેશા મજબૂત રહેશે. તેમણે એમ પણ કહ્યું હતું કે મોદી અને હું હંમેશા મિત્ર રહીશું.