Moraribapu Paid Tribute:બિહારના વૈશાલી જિલ્લાના રાધોપુર ગામ નજીક સર્જાયેલી એક દુખદ ઘટનામાં ઓછામાં ઓછા 13 બાળકોના મોત થયા હતા. આ ઘટના એક જ પરિવારના સભ્યો જ્યારે બોટમાં બેસીને ભોજન સમારંભમાં ભાગ લેવા જઈ રહ્યા હતા ત્યારે બોટ પલટી ગઈ હતી અને તેમાં એક જ પરિવારના 13 સભ્યોના ડૂબી જવાને લીધે મૃત્યુ થયું.
આ ઘટના અંગે જાણિતા કથાકાર મોરારીબાપુએ દુખ વ્યક્ત ક્યું છે. મોરારિબાપુ અત્યારે ભારત સ્વસ્તિક યાત્રા પર છે અને તેમણે આ દુઃખદ ઘટના સર્જાઈ તે અંગે માહિતી મળી હતી. મોરારિ બાપુએ હનુમાનજીનાં ચરણોમાં સૌનાં નિર્વાણ માટે પ્રાર્થના કરી છે અને તેમનાં પરિવારજનોને દિલસોજી પાઠવી છે.
આ પણ વાંચો
અત્રે ઉલ્લેખનીય છે કે ગત મંગળવારે મોડી સાંજે બિહારના હાજીપુરમાં ગંગા નદીમાં એક હોડી પલટી જતાં એક મોટો અકસ્માત સર્જાયો હતો. હોડીમાં 20થી વધુ લોકો સવાર હતા. આ અકસ્માતમાં 13 લોકોના મોતની પુષ્ટિ થઈ હતી અને છ લોકોને હોસ્પિટલમાં સારવાર માટે ખસેડવામાં આવ્યા હતા જોકે લોકોને સુરક્ષિત રીતે બચાવી લેવામાં આવ્યા છે. આ ઘટનામાં બિહાર સરકારે મૃતકોના પરિવારજનોને રૂપિયા 4 લાખની નાણાકીય સહાયની જાહેરાત કરી છે.