Maharashtra Politics: મહારાષ્ટ્ર નવનિર્માણ સેના (MNS) ના પ્રમુખ રાજ ઠાકરેએ રવિવારે માતોશ્રી પહોંચીને પોતાના ભાઈ અને શિવસેના UBT ના પ્રમુખ ઉદ્ધવ ઠાકરે સાથે મુલાકાત કરી છે. આ મુલાકાત ઉદ્ધવના જન્મદિવસના અવસરે થઈ છે, પરંતુ તેના ઘણા રાજકીય અર્થ પણ કાઢવામાં આવી રહ્યા છે. રાજ ઠાકરેનું માતોશ્રી પહોંચવું મહારાષ્ટ્રની રાજનીતિનો એક મહત્વપૂર્ણ પડાવ માનવામાં આવી રહ્યો છે.
રાજ ઠાકરે માતોશ્રી પહોંચ્યા
આ પણ વાંચો
આ 13 વર્ષ બાદ પહેલીવાર છે જ્યારે રાજ ઠાકરે સ્વેચ્છાએ પોતાના ભાઈ ઉદ્ધવ ઠાકરેને માતોશ્રીમાં જન્મદિવસની શુભેચ્છા આપવા પહોંચ્યા છે. આ 'ભાઈચારો' ભવિષ્યમાં ઠાકરે ભાઈઓની એકતાનો મોટો સંકેત માનવામાં આવી રહ્યો છે. આશરે 13 વર્ષ પહેલા શિવસેનાના સંસ્થાપક બાળ ઠાકરેના નિધન પર રાજ ઠાકરે માતોશ્રી ગયા હતા.
ઠાકરે બંધુઓએ માતોશ્રીની અંદર બાળાસાહેબ ઠાકરેની તસવીર સાથે એક તસવીર પણ પડાવી હતી. મહત્વનું છે કે લગભગ બે દાયકા પછી ઠાકરે બંધુઓ થોડા સમય પહેલા એક મંચ પર એકસાથે જોવા મળ્યા હતા.
ઉલ્લેખનીય છે કે, આ જ વર્ષે મુંબઈમાં બીએમસી (BMC) ચૂંટણી યોજાવાની છે. આ પહેલા, ઠાકરે બંધુઓ વચ્ચે વધી રહેલી આ નિકટતા સંકેત આપે છે કે બંને ભાઈ આ ચૂંટણીમાં એકસાથે લડી શકે છે. અગાઉ શિવસેના (યુબીટી) નેતા સંજય રાઉતે કહ્યું હતું કે મહારાષ્ટ્રની જનતા ઈચ્છે છે કે બંને ભાઈઓ એકસાથે મળીને ચૂંટણી લડે.