Ravi Uppal In Custody: મહાદેવ સટ્ટાબાજી એપના માલિક રવિ ઉપ્પલની દુબઈમાં અટકાયત કરવામાં આવી છે. સુત્રોના જણાવ્યા અનુસાર દુબઈ પોલીસે ઈન્ટરપોલ દ્વારા જારી નોટિસના આધારે આ કાર્યવાહી કરી છે. તમને જણાવી દઈએ કે રવિ ઉપ્પલની ધરપકડ માટે EDએ થોડા સમય પહેલા ઈન્ટરપોલને અપીલ કરી હતી. આ અપીલ બાદ જ ઈન્ટરપોલે રેડ નોટિસ જાહેર કરી હતી. રવિ ઉપ્પલની દુબઈમાં અટકાયત બાદ ED હવે દુબઈ પોલીસના સંપર્કમાં છે. અને રવિ ઉપ્પલને ટૂંક સમયમાં ભારત લાવવાની તૈયારીઓ ચાલી રહી છે. કહેવામાં આવી રહ્યું છે કે રવિ ઉપ્પલની સાથે પોલીસે અન્ય બે લોકોની પણ અટકાયત કરી છે.
મહાદેવ ઓનલાઈન સટ્ટાબાજીના કેસની તપાસ કરી રહેલા એન્ફોર્સમેન્ટ ડિરેક્ટોરેટ (ED)ના રડાર હેઠળ ઘણા ટીવી અને બોલિવૂડ સેલેબ્સ પણ આવ્યા હતા. આ કેસમાં EDએ કોમેડિયન કપિલ શર્મા, અભિનેત્રી હુમા કુરેશી અને ટીવી અભિનેત્રી હિના ખાનને પૂછપરછ માટે સમન્સ મોકલ્યા હતા. 4 ઓક્ટોબરે EDએ આ કેસમાં અભિનેતા રણબીર કપૂરને સમન્સ મોકલ્યું હતું. ન્યૂઝ એજન્સી ANIએ આ જાણકારી આપી હતી. ત્રણેયને પણ પૂછપરછ માટે બોલાવવામાં આવ્યા હતા.
ખાસ વાત એ છે કે પોલીસ મહાદેવ બેન્ટિંગ એપના માલિકને ઘણા સમયથી શોધી રહી હતી. પોલીસે રવિ ઉપ્પલ અને આ એપ ચલાવતા અન્ય લોકોની ધરપકડ કરવા માટે તેમના ઘણા સ્થળોએ પહેલાથી જ દરોડા પાડ્યા હતા, પરંતુ તેઓ રવિ અને તેના સહયોગીઓને પકડી શક્યા ન હતા. દરમિયાન સમાચાર મળ્યા કે રવિ હવે દેશની બહાર ગયો છે. આ પછી જ EDએ ઈન્ટરપોલનો સંપર્ક કર્યો અને તેની સામે નોટિસ જારી કરી.
ઝડપી અને વિશ્વસનીય સમાચારો માટે ડાઉનલોડ કરો ગુજરાતી જાગરણની ન્યૂઝ એપ.