દેશમાં વિકાસ ઝડપથી થઈ રહ્યો છે. એક તરફ જ્યાં હાઈવે અને એક્સપ્રેસ-વેના નિર્માણ પર સતત કામ કરવામાં આવી રહ્યું છે, તો બીજી બાજુ દેશમાં એરપોર્ટના નિર્માણ પર પણ ધ્યાન આપવામાં આવી રહ્યું છે. આ સમયે ભારતમાં કુલ 487 એરપોર્ટ છે. જેમાંથી કુલ 34 ઈન્ટરનેશનલ એરપોર્ટ છે.
ઉત્તર પ્રદેશ દેશમાં સૌથી વધુ આંતરરાષ્ટ્રીય હવાઈ સેવાઓ ધરાવતું રાજ્ય બનવા જઈ રહ્યું છે. રાજ્ય સરકારે રાજ્યમાં હવાઈ સેવાઓના સર્વાંગી વિસ્તરણની ગતિ તેજ કરી દીધી છે. લખનઉ, વારાણસી અને અયોધ્યા સહિત યુપીમાં ખૂબ જ જલ્દી 5 આંતરરાષ્ટ્રીય એરપોર્ટ બનશે. મુખ્યમંત્રી યોગી આદિત્યનાથે શનિવારે નીતિ આયોગની બેઠકમાં યુપીમાં હવાઈ સેવાઓના વિસ્તરણની વિગતો રજૂ કરી છે. કુશીનગરને ઈન્ટરનેશનલ એરપોર્ટ માટે ડીજીસીએ (DGCA) પાસેથી લાયસન્સ મળી ગયું છે. કુશીનગર યુપીનું ત્રીજું આંતરરાષ્ટ્રીય એરપોર્ટ હશે.
ક્યાં બની રહ્યું છે એરપોર્ટ?
હાલમાં અયોધ્યામાં એરપોર્ટ તૈયાર કરવામાં આવી રહ્યું છે. આ એરપોર્ટનું નામ મર્યાદા પુરુષોત્તમ શ્રીરામ ઈન્ટરનેશનલ એરપોર્ટ છે. તેનું નામ ભગવાન રામ સાથે જોડીને રાખવામાં આવ્યું છે, કારણ કે રામ મંદિરના નિર્માણ પછી આ સ્થળ વધુ લોકોમાં પ્રખ્યાત થઈ જશે. રામ મંદિરનું નિર્માણ શરૂ થતાની સાથે જ અયોધ્યામાં વિકાસની અનેક યોજનાઓ શરૂ થઈ ગઈ છે.
નોઈડા ઇન્ટરનેશનલ એરપોર્ટ
હાલમાં સૌથી વધુ નોઈડા એરપોર્ટની ચર્ચા થઈ રહી છે. આવું એટલા માટે કારણ કે આ દેશનું સૌથી મોટું એરપોર્ટ બનવા જઈ રહ્યું છે, જે દિલ્હી એરપોર્ટને પણ પાછળ છોડી દેશે. આ એરપોર્ટ નોઈડાના જેવરમાં બની રહ્યું છે. ગૌતમ બુદ્ધ નગર જિલ્લાના જેવરમાં તેને બનાવવા માટે 40.0919 હેક્ટર જમીન ફાળવવામાં આવી છે. અહીં કુલ પાંચ રનવે બનવાના છે.
કુશીનગર એરપોર્ટ
કુશીનગરમાં બની રહેલા ઈન્ટરનેશનલ એરપોર્ટનું કામ પૂર્ણ થઈ જાત, ઓગસ્ટ સુધીમાં આ કામ પૂર્ણ થઈ જવાની આશા હતી. પરંતુ એવું કહેવામાં આવી રહ્યું છે કે રશિયનની કંપનીના કારણે તે શરૂ થઈ શક્યું ન હતું. વાસ્તવમાં, અહીં પ્લેનના લેન્ડિંગ અને ટેક-ઓફ માટે ઈન્ટરનેશનલ સ્ટાન્ડર્ડ ILS (ઈન્સ્ટ્રુમેન્ટ લેન્ડિંગ સિસ્ટમ)ની વ્યવસ્થા થઈ નથી, જેના કારણે અહીં હજુ સુધી ઈન્ટરનેશનલ ફ્લાઇટ્સ શરૂ થઈ શકી નથી. એવું માનવામાં આવે છે કે વર્ષ 2024 સુધીમાં તે શરૂ થઈ જશે.
યુપીમાં આ સ્થળો પર ઈન્ટરનેશનલ ફ્લાઈટની છે સુવિધા
હાલ ઉત્તર પ્રદેશમાં લખનઉ અને વારાણસીમાં આની સુવિધા પહેલી જ છે. આ રીતે એકમાત્ર યુપી જ એવું રાજ્ય છે, જ્યાં 5 ઈન્ટરનેશનલ એરપોર્ટ છે. લખનઉમાં ચૌધરી ચરણસિંહ એરપોર્ટ અને વારાણસીમાં લાલ બહાદુર શાસ્ત્રી એરપોર્ટ પર આંતરરાષ્ટ્રીય ફ્લાઇટ્સનું સંચાલન કરવામાં આવે છે. જોવામાં આવે તો પહેલા દેશમાં કેરળ, ગુજરાત, મહારાષ્ટ્ર અને દિલ્હી એવા રાજ્યો હતા, જેને એરપોર્ટ સુવિધાઓ માટે ઓળખવામાં આવતા હતા. પરંતુ હવે યુપી પણ આ ક્ષેત્રમાં ઝડપથી આગળ વધી રહ્યું છે.
ઝડપી અને વિશ્વસનીય સમાચારો માટે ડાઉનલોડ કરો ગુજરાતી જાગરણની ન્યૂઝ એપ.