Vitamin Deficiency: ઘણીવાર વ્યક્તિ ખરાબ અને નકારાત્મક વિચારોથી પરેશાન થઈ જતી હોય છે. તે એવું માન છે કે વાતાવરણમાં ફેરફાર થવાથી આવું થતું હશે. પરંતુ ખાસ કરીને પાંચ વિટામિન્સની ઉણપને કારણે વ્યક્તિના મનમાં ખરાબ કે નકારાત્મક વિચારો આવી શકે છે: વિટામિન ડી, વિટામિન બી12, વિટામિન બી9 (ફોલેટ), અને અમુક અંશે વિટામિન બી6 અને વિટામિન બી1 (થાઇમિન). આ તમામ વિટામિન્સ મગજના કાર્ય, ન્યુરોટ્રાન્સમીટરના ઉત્પાદન અને એકંદર માનસિક સ્વાસ્થ્ય માટે મહત્ત્વપૂર્ણ છે.
નકારાત્મક વિચારો સાથે સંકળાયેલા મુખ્ય વિટામિન્સ
1) વિટામિન-બી12
અસર: વિટામિન-બી12 માનસિક સ્વાસ્થ્ય માટે ખૂબ જ જરૂરી છે. તેની ઉણપથી મૂડ સ્વિંગ, તણાવ અને ખોટા (ગંદા) વિચારો આવવા લાગે છે. તે ન્યુરોટ્રાન્સમિટર્સને અસર કરે છે.
લક્ષણો: આની ઉણપના લક્ષણોમાં થાક, નબળાઈ, સુસ્તી, મૂડ સ્વિંગ, ચીડિયાપણું, એકાગ્રતામાં ઘટાડો, હાથ-પગમાં ઝણઝણાટી અને ડિપ્રેશન/ચિંતા જેવી સમસ્યાઓ શામેલ છે.
પૂર્તિના ઉપાય: વિટામિન બી12ની ઊણપ પૂરી કરવા માટે ઈંડા અને ડેરી ઉત્પાદનો (દૂધ, દહીં, પનીર) ને આહારમાં સામેલ કરવા જોઈએ.
2) વિટામિન-ડી
અસર: ઓમેગા-3 ફેટી એસિડની જેમ જ વિટામિન-ડીની ઉણપ પણ માનસિક સ્વાસ્થ્ય પર અસર કરે છે. આની ઊણપથી ઉદાસી અને નકારાત્મક વિચારો આવી શકે છે. તે મગજમાં સેરોટોનિન અને ડોપામાઇન જેવા ન્યુરોટ્રાન્સમિટર્સના સ્તરને નિયંત્રિત કરવામાં મદદ કરે છે, જે ખુશી અને માનસિક સંતુલન જાળવવામાં મદદરૂપ છે.
લક્ષણો: સતત રહેતી ઉદાસી, નિરાશા, નકારાત્મક વિચારસરણી, થાક, ઊર્જાનો અભાવ, અનિદ્રા અને મૂડ સ્વિંગ તેના લક્ષણો છે. આની ઉણપથી ડિપ્રેશન અને થાક પણ થઈ શકે છે.
પૂર્તિના ઉપાય: સૂર્યપ્રકાશ વિટામિન-ડીનો શ્રેષ્ઠ સ્ત્રોત છે. સવારે 6 થી 8 વાગ્યાની વચ્ચે 15 મિનિટ સુધી સૂર્યનો પ્રકાશ લેવો જોઈએ. આહારમાં મશરૂમ અને સપ્લિમેન્ટ્સનો સમાવેશ કરવો જોઈએ.
3) વિટામિન-બી9 (ફોલેટ)
અસર: જો તમે ઉદાસી, ચિંતા અથવા ગંદા વિચારોથી પરેશાન હોવ, તો આ જરૂરી પોષક તત્ત્વને આહારમાં ચોક્કસપણે શામેલ કરવું જોઈએ. તે મગજના કાર્ય અને માનસિક સ્વાસ્થ્ય માટે મહત્વપૂર્ણ છે.
લક્ષણો: થાક, નબળાઈ, શ્વાસ લેવામાં તકલીફ, મોંના ચાંદા અને ધ્યાન કેન્દ્રિત કરવામાં મુશ્કેલી તેના લક્ષણો છે.
પૂર્તિના ઉપાય: લીલા પાંદડાવાળા શાકભાજી (પાલક, મેથી, બ્રોકોલી), દાળ, ચણા, મગફળી, આખા અનાજ અને ખાટા ફળો (સંતરા, લીંબુ) નું સેવન ફોલેટની ઊણપ પૂરી કરવામાં મદદ કરે છે.
4)વિટામિન-બી6
અસર: શરીરમાં વિટામિન બી6ની ઉણપને કારણે ચીડિયાપણું અને નકારાત્મક વિચારસરણી પેદા થઈ શકે છે.
પૂર્તિના ઉપાય: આની ઉણપ પૂરી કરવા માટે કેળા, ચણા, બટાકા અને સૂરજમુખીના બીજને આહારમાં સામેલ કરવા જોઈએ.
5) વિટામિન-સી
અસર: વિટામિન-સી માત્ર રોગપ્રતિકારક શક્તિ (ઇમ્યુન સિસ્ટમ) માટે જ નહીં, પણ મગજ માટે પણ જરૂરી છે. તેની ઉણપથી તણાવ અને ચીડિયાપણું વધી શકે છે.
6)વિટામિન-બી1 (થાયમિન)
અસર: આ વિટામિન મગજના કાર્ય માટે જરૂરી છે. તેની ઉણપથી થાક અને માનસિક મૂંઝવણ થઈ શકે છે.
પૂર્તિના ઉપાય: આ વિટામિનની ઉણપ પૂરી કરવા માટે આખા અનાજ, નટ્સ અને બીજ ખાવા જોઈએ.