Raw Milk Benefits And Side Effects: દૂધનું સેવન સ્વાસ્થ્ય માટે ફાયદાકારક છે. તેમાં પ્રોટીન, કેલ્શિયમ અને રિબોફ્લેવિન (વિટામિન B-2, મેગ્નેશિયમ, આયોડિન) હોય છે જે શરીરને ઘણા ફાયદા પહોંચાડવામાં મદદ કરે છે. જો તમે પણ કાચું દૂધ પીતા હોય તો જાણી લો કાચું દૂધ પીવાના ફાયદા અને ગેરફાયદા.
કાચું દૂધ પીવાના ફાયદા
1. પેટ માટે
કાચા દૂધમાં સારા બેક્ટેરિયા (લેક્ટોબેસિલસ) હોઈ છે. જે આંતરડા માટે ફાયદાકારક છે અને પાચનમાં સુધારો કરી શકે છે. કાચા દૂધનું સેવન પાચન સંબંધી સમસ્યાઓને દૂર કરવામાં મદદરૂપ છે.
2. હાડકાં માટે
કાચું દૂધ કેલ્શિયમનો સારો સ્ત્રોત છે, જે હાડકાંને મજબૂત બનાવવામાં મદદ કરી શકે છે. જો તમે નબળા હાડકાંની સમસ્યાથી પરેશાન છો તો કાચા દૂધનું સેવન કરી શકો છો.
3. સ્કિન માટે
કાચું દૂધ સ્કિન માટે સારું છે, કારણ કે તેમાં કુદરતી ફેટી એસિડ્સ અને વિટામિન્સ હોય છે, જે સ્કિનને ભેજ અને પોષણ આપે છે.
4. પોષણની ઉણપ
કાચા દૂધને ઉકાળવાથી તેમાં રહેલા કેટલાક તત્વો જેમ કે વિટામિન બી અને સી ઓછા થઈ શકે છે. તેથી, કાચા દૂધનું સેવન ઉકાળેલા દૂધ કરતાં વધુ ફાયદાકારક માનવામાં આવે છે.
કાચું દૂધ પીવાના ગેરફાયદા
1. ચેપ (સંક્રમણ)
કાચા દૂધમાં બેક્ટેરિયા અને વાયરસ હોઈ શકે છે. જે ઘણા પ્રકારના રોગોનું કારણ બની શકે છે.
2. એલર્જી
કાચું દૂધ એલર્જીક પ્રતિક્રિયાઓનું કારણ બની શકે છે, ખાસ કરીને એવી વ્યક્તિઓમાં કે જેમને દૂધ અથવા તેના પ્રોટીન (જેમ કે કેસીન)થી એલર્જી હોય છે. જો તમને આવી સમસ્યા હોય તો ભૂલથી પણ કાચા દૂધનું સેવન ન કરો.