જન્માષ્ટમી પર શ્રી કૃષ્ણને પનીરની ખીર અર્પણ કરો

જન્માષ્ટમી 2024: ખીરની શરુઆત લગભગ 2,000 વર્ષ પહેલાં ઓડિશામાં ભગવાન જગન્નાથ મંદિરમાં એક પવિત્ર પ્રસાદના રૂપમાં થઈ હતી. પછી તેને અર્પણ કરવાની પ્રથા દક્ષિણ એશિયાના ઘણા હિંદુ મંદિરોમાં શરૂ થઈ. ચોક્કસ રેસીપી સ્થાનિક પરંપરાઓ અને સ્વાદના આધારે બદલાય છે.

આ જ કારણ છે કે તહેવાર કોઈ પણ હોય દરેક ઘરમાં ખીર બને છે. ખીર બનાવવી ઘણીવાર સરળ લાગે છે, પરંતુ એવું નથી, તેનું પ્રમાણ જાણવું પણ એટલું જરૂરૂી છે. હવે જન્માષ્ટમી પર પણ ખીર બનાવાશે. પરંતુ મખાના, દૂધી અને ભાતની ખીરને બદલે હવે પનીરની ખીર બનાવો. જો કે તમે પનીર ખીરની રેસિપી પહેલા જોઈ હશે, પરંતુ આજે અમે તમને આ રેસિપીને નવી રીતે કેવી રીતે બનાવવી તે જણાવીશું. પનીરમાંથી બનેલી ખીર પૌષ્ટિક હશે અને તેનો સ્વાદ પણ તમને ગમશે.

પનીર ખીર બનાવવાની રીત

• આ માટે પનીરને સાફ કરીને છીણી લો અને બાજુ પર રાખો.

• હવે એક કડાઈમાં ઘી ગરમ કરો અને પછી તેમાં કાજુ, બદામ અને પિસ્તા નાખીને થોડીવાર માટે સાંતળો. તમે તેને બારીક કાપીને ફ્રાય પણ કરી શકો છો.
• એક જાડા તળિયાવાળા વાસણને ગરમ કરો અને તેમાં 1 લીટર ફુલ ક્રીમ દૂધ ઉમેરો અને તેને ઉકાળો. જેવું તે ઉકળવા લાગે, દૂધને ધીમી આંચ પર રાખો અને તેને પાકવા દો. જ્યારે તમે દૂધ ઘટ્ટ થતું જુઓ ત્યારે તેમાં કેસર, એલચી પાવડર અને ખાંડ નાખીને મિક્સ કરો.
• આ પછી તેમાં છીણેલું પનીર અને બારીક સમારેલા ડ્રાયફ્રૂટ્સ નાખીને દૂધને પકાવો.
• હવે ગુલાબની પાંદડીઓને ધોઈને સાફ કરો. તેને તોડીને પ્લેટમાં રાખો. ઉપરાંત, નાળિયેરને છીણીને અલગ બાઉલમાં રાખો.
• જ્યારે ખીર તૈયાર થઈ જાય ત્યારે તેને છીણેલું નારિયેળ અને ગુલાબની પાંખડીઓથી ગાર્નિશ કરો. તેને એક બાઉલમાં કાઢીને કાન્હાને અર્પણ કરો.