Dal Vada Recipe: ધોધમાર વરસાદ પડતો હોય અને બાજુમાં ગરમા ગરમ દાળવડા હોય તો મજા પડી જતી હોય છે. આજે દાળવડા કેવી રીતે બનાવવા તેની રેસિપી જોઈશું.
દાળવડા બનાવવાની સામગ્રી
- મગની દાળ,
- લીલા મરચા,
- આદુ,
- મીઠું,
- હીંગ,
- મરી,
- કોથમરી,
- તેલ,
- ડુંગળી.
દાળવડા બનાવવાની રીત
- સૌ પ્રથમ એક બાઉલમાં મગની ફોતરાવાળી દાળને ધોઈને 6 કલાક પાણીમાં પલાળી દો.
- હવે હાથથી મસળીને મગદાળના ફોતરી ઉતારીને પાણીમાંથી બહાર કાઢીને દાળને એક વાસણમાં રાખો.
- હવે એક મિક્સર જારમાં મગદાળ,લીલા મરચા,આદુના ટૂકડા ઉમેરી અધકચરી પીસી લો.
- હવે તેમા મીઠું, હીંગ, મરીનો ભૂકો, સમારેલી કોથમરી ઉમેરી મિક્સ કરીને આ મિશ્રણને સારી રીતે ફેટી લો.
- હવે એક કડાઈમાં તેલ ગરમ કરીને તૈયાર કરેલ મિશ્રણમાંથી દાલવડાને તળીને સમારેલી ડુંગળી સાથે ગરમા-ગરમ સર્વ કરો.